#قصة_احشاء_ممزقه

part 6 🤕

#احشاء_ ممزقه

قصه حقيقيه

بقلم الكاتبه///ياسمين الشام\\\

                  
                       (Part 6)

بهاي الاثناء رجعووو بيت خالتي سهام البيتهم ورجعت حبيبتي دموع وياهم وفرحتي اني وامي برجعتهم متنوصف .....

الحجي ساعدهم لان بيتهم متضرر انطاهم فلوس رممو بيتهم وشغلت ضياء وياي بالشركه بس سعيد بعده يموت مني...

سعيد من شاف احوالنه من احسن الى ممتاز ظل يغار من الحجي ويحجي عليه كدام العالم شكلك حجي امين باك الدوائر وصار براسه خير بس والدي انسان تقي سلمه بيد الله ميهمه ع طول يكول الكلب الي يعضك لتعضه ترا تصير مسعور مثله..

رجعت دموع اداوم مدرسه لان تركت المدرسه وراحت ويه اهلها واني قدمت ع كلية عسكرية ظليت انتظرها يم المدرسه حتى اشوفها..

مره طلعت من وقت رحلتها دنيا ظهر خفت عليها مشيت وياها فرحت
دموع... حبيبي خلودي فرحانه بشوفتك..

خالد....لج منتصورين شكد مشتاقلج اتمنى احضنج بنص الشارع هسه لو ماعيب😍😍

دموع...واني كذلك ياروح دموع..فدوه شكد صاير حلوو كبران اي كال ضياء خلود دخل كلية عسكريه..متتحاجه..

خالد...لزمت ايدها باااارده تجنن لج صار شكد مشايفج ولا قطعت الامل منج شلون شلون ادخل جامعه وانساج عمري انت..

دموع...حياتي امووووت عليك يلا حندخل بفرعنه ليشوفوك الولد اخوتي روح عمري..

خالد...يلا لعد اشوفج بخير....ماحسيت اله واحد سحب دموع بقوه التفتت للورا ضربني بوكس قوي ع خشمي انكسر بأيده دخت وكعت بالكاع اباوع بغواش هذا حسن ومحمد

للكاتبه ياسمين الشام
كمت ع محمد توليته بوكسات ودفر نهيته كتل محمد ضعيف صار دجاجه جوات ايدي شويه واله حسن ضربني بالبوري ع ظهري كسرني تكسر اريد ارفع ايدي مااكدر حسن طويل وضخم رباع

واني صارلي سنه من داخل قاعة حديد حسن اخذ دموع سحل بس كوه اسمع صوتها من الضرب الي انضربته كمت ع حيلي كوه وضربت محمد بالحجاب الحاجز تكود بالكاع كبل مااعرف منين اجتني هاي القوه الكومتني رغم جسمي عباره عن بطل دم

ركضت ع حسن اخذ دموع من ايده ضربته بظهره بقوه ماكدرتله..رجع محمد ضربني ع ركباتي بالبوري كعدت بالكاع ودموع مثل الطير بيدهم صعدوها بالسياره وراحووو...

ظليت متمدد بالكاع فاقد الوعي مااعرف شكد بقيت بس فتحت عيوني واني بالمستشفى شفت رجال خطيه كاعد يم راسي اثاري هوا شايلني وماخذني من شايف بيه نفس...

تالي الرجال اتصل بالحجي واجه هوا وعمامي انكلبت المستشفى كلاب عليه..

الحجي..هاااا ولك بويه خالد شبيك منوووو سوى هشكل بيك عساها بيه الوجعه ولا بيك..