#احشاء_ممزقه
قصه حقيقيه
بقلم الكاتبه ////ياسمين الشام\\\\
(Part 13)
هوا
شكد بعيني بعدج مرت وجوه
عدن وانتي ضليتي اعله بالي
المابي ريحتج ميمر ع البال
ما اخونج جنت حتى بخيالي
هي....
وشكثر حاولت اگلك
لچن خانتني الجساره
يامه من عمري ليالي
لخاطرك راحت خساره
سكته احبك
آآخ لو تدري
شكثر يم بابكم لازم خفاره
خالد....عندي صور اولاد خالتي ساحبهم من الفيس طلعتله صورة ضياء هذا هوا لو لا
مزعل....لا مو هوا هذا
خالد....طلعتله صوره محمد وحسن هما لو لا..
مزعل....صفن كال اي هما يعمي...
الحجي وعمامي انتفضوو كالوو احنه الكم يااولاد سعيد الكلب عمامي قررو يدكون بيتهم بالبنادق بس الحجي يخاف الله كال انروح المركز الشرطه وهما يشوفون شغلهم
رحنه للمركز وقدمنه بلاغ بيهم طلعت مفرزه ع البيت والقو القبظ ع حسن ومحمد صديق الحجي معذبهم تعذيب مصاير بس محمد شايل التهمه عن حسن وطلعوووو حسن براءة مثل الشعره من العجين..
دموع....(خلي نرجع ويه دموع بالاحداث)
من اخر كتله اكلتها من ابوي واخوني واني وضعيتي تعبانه من سيئ الى اسوء وامي محتاره بيه لان تشوفني اذبل كدامها
فقدت وحده من عيوني من اشوف روحي بالمرايه اصرخ من الالم صرت حزينه ع طول بس دموع وقهر
وحسن النذل ابد متركني بحالي من يشوفي يكلي هاااا العوره وامي تتخبل بالزايد عليه وظل ادعي لان حيل مأذينه...اني بس اسمع وكتم بداخلي لان خسرت كلشي شنو عندي بعد واخسره....
مره كعدت بليل مختنكه لان بجيت ع خالد طلعت من غرفة امي سحبت جسمي كوه لحتى امي ماتحس ع مود اروح للحمام
مريت من يم الديوانيه وسمعت حسن ومحمد يحجون بيناتهم محمد يكول الحسن احنه لازم اندبرلنه رمانه يدويه من مصيول قامه صاحب قيصر ابن عمي شاهين حتى نشمرها ع بيت خويلد اله نأدبه بلكي الله يشيلو جثه ونخلص منه
اني اله السافل اله اشوف نجوم الظهر يلعب ع اختي هااااا بسيطه يا كلب...
اني من سمعت كلامهم مثل الصاعقه ونزلت عراسي ظليت ترجف كوه جريت روحي
ورحت كعدا امي مثل المسودنه
_يمه يمه كعدي ولج ولدج حيهجمون بيت اختج...
_شكوو ولج ياستار نشفتي دمي يايمه
_سمعت محمد وحسن بالديوانيه يحجون بيناتهم وينفقون يشمرون رمانه ع بيت خالد حتى يكتلونه
أنت تقرأ
#قصة_احشاء_ممزقه
Romanceقصه تروي واقع شاب عاش انواع العذاب المرير وموت افراد عائلته بطرق وحشيه مريعه.. في زمن تحكمه الاعراف ورفض الحب بشتى انواعه لقد كان مذنب بقلبه الصافي? وعشقه الصادق ليواجه الموت بعد ان تقتل حبيبته ....... ♧♧ احشاء ممزقه ♧♧ ...
