#قصة_احشاء_ممزقه

part 8 🤐

#احشاء_ممزقه

قصه حقيقيه

بقلم الكاتبه///ياسمين الشام\\\\

(Part 8)

‏لن يكون عمرك كله ربيعاً،
ستتناوب عليك الفصول الأربعة،
تلفحك الحرارة وتتجمد في صقيع
الوحدة وستتساقط أحلامك اليابسة
ولكن حياتك ستزهر من جديد ..

احنه دخلنه اني والحجي سلمنه عليهم لشويه وطلعنه بسياراتنه البيت سعييد دخلنه 9 سيارات عليهم نزلنه بالشارع انسد الشارع والعالم طالعه برا تباوع بذهول متفاجأين شنو الفلم😊😊😊

دكينه الباب طلع سعيد ورا ضياء سعيد ظل صافن بالوجوه
كال الحجي هاااااا ابو حسن ندخل نرد لهلنه........؟؟؟؟؟؟؟؟؟؟؟؟

_هاااااا لا تفضلوو كل الهلا بيكم

_زاد فضلك..ياالله

دخلت الشيوخ وعمامي وكعدنه بالديوانيه مالتهم صار سلام
الله بالخير
الله بالخير والكرامه
بس سعيد بحالة دهشه لشويه ودخل حسن ومحمد انصدمو بينه سلمو ع الشيوخ وعمامي والحجي من وصلو الي عبروني اني هم ماحجيت سكتت كام ضياء قدملنه جاي

حجه واحد من الشيوخ كلمة وسبقها بأيه قرأنيه وحديث نبوي شريف ومدح بيه وبأخلاقي وبعدها الحجي حجه..
للكاتبه ياسمين الشام

الحجي...ابو حسن خويه جايك مانشربه اله لمن تنطينه مرادنه منك وانت بكيفك بعد..

سعيد....الله كريم مرادكم تنالونه ان شاء الله بس شربو جايكم اول

الحجي...بيها الخير ابو حسن من بعد اذن شيوخنه احنه دايسين بساطك وطالبين ايد كريمتك الابنه واحنه اهل انشاء الله ماكو غريب اله شيطان بينه...

سعيد...والله يابو امير جيتكم انت والشيوخ  ع عيني و ع راسي بس دموع خطبها قيصر ابن اخوي شاهين.....قاطعه حسن

حسن...من بعد اذن الشيوخ واني شبيه مخبل انطي الهذا السكط مره لو مالزمنها بالشارع يفتر ورا اختنه...هذا عار مو ولد

عمي الجبير....عمي عيب احترم نفسك شنهي بويه جنك ماتعرف تحجي ثمن كلامك ناس كبار شيوخ والشيب تارس لحايانه وانت جاي علينه تصبح وتغلط ...
الشيوخ ايدته ماقبلو اي والله بويه الكبار لو حجت عيب البزر تحجي

صار سعيد مثل المسير بيد حسن مايعرف شنو يحجي صار حجي بالديوانيه لان سعيد مارد حسن ..وحسن ظل يصيح الشيوخ زعلوو لان محد احترمهم وهذا الكنت خايف منه

كامو الشيوخ وعمامي من الديوانيه طلعووو وحسن كال للحجي يلا وانت اتبعهم شكو بعد الحجي كام واني ويا كلتله احترم نفسك  كال لازم الكتله ماجابت نتيجه
للكاتبه ياسمين الشام

كلتله صير ادمي لا ومحمد اخلي يطلعوك جنازه هوا ضربني راجدي ع وجهي واني توليته بوكسات ع وجهه طلعت ضيمي بي دخلو الشيوخ وعمامي يتراكضون ودخل ضياء حاجوز بينه والحجي كوه جرني منه وحسن ظل يهدد ويتوعد الي