انتم السبب✨

٣

انتم السبب٣

دخلت ضلت تباوع عليه،تقربت رادت تحضني عيونهة ماتنشاف من الدموع،
درت وجهي مارديت سلمت هية فتهمت وراحت يم الرجال عرفت انهة ازوجت وهاذ رجلهة اسمة(عباس)
ابوية گلي طلعي برة شوي...كتلة اخاف اطلع وحدي جان امي نطت كالت -روحي اكو بنات بلمطبخ ..روحي يمهن،
رحت دخلت المطبخ لگيت رجال عمره شي بلعشرينات،وشعرة طويل شوي مبروم واسود وبي شيب عيونة سود وعدة لحية خفيفة وحنطاوي، طبعا كتلكم هيج لأن شفتة كدامي ههه
باوعلي وطلع جانت اكو بنية عمرهة تقريبا٨بس ضخمة شوي، كالت هلو
-هلابيج....
-منو انتي وهاذ الي وياج ابوج مو...
-شهلفضول انتي شعليج
-صوج الي يضيع وقت وياج،شعدكم جايين اذا متحبين تجين.؟
-ممكن سكتين لافرغ قوري الجاي فوك راسج....
-ااوي شهلخلاق صدك ممترباية...حيدددر الجااي ودي تعال
*
اجة الرجال ابو شعر المكنكر طلع اسمة حيدر...اخذ الجاي وراح
باوعتلي البنية جان دكلي...
-ليش امج ماجت وياج....
-امي....امي ماتت قبل ٨سنين...
-الله يرحمههة ،يصير دگولين لأمي ماما عادي اقبل...
-لا عيني مناقصني تفاهة..
-طبج مرض...
-ههههه حلو تفيديني...مزاجج مثلي
-اام شنو اسمج!
-ااوف يالله صبرني...
-انة اسمي (نهى)
-بت منو؟
-بت عباس وهاي المرة الي توج شفتيهة دخلت..
-شنوو ؟.........انتي.....بتهة الحقيقية...
-لا جايتهة بلسحبة....هه اكيد بتهة...
------
جان يصيحلي ابوية وانة بنص الصدمة هاي اختي لا يابة....
ابوية لكيتة بلباب يريد يودعني،طبت امي والكل دخل جوة البيت رحت لأبوية غدرني جفوني وغركن دمع....ردت اگلة احضني بوية ودعني مثل بتك....اريد اكلة اسفة بس ردت الفت انتباهك،علمود تسألني ليش بوية هيج سوين؟
مدلي ايدة گلي...
-مع السلامة..
-بس.....بوية هاي نهاية طريقي مو؟
-لا هاية البداية...انتي عمرج ماحسبتيني ابوج ،عذبتيني...وقهرتيني....كسرتي ضهري....اموت كل لحضة تعانديني بيهة واتمنى انج مانولدتي...ًًًًًًًًًًًًًًًًًًًشنو فرقج عن هند هند مؤدبة وشاطرة وحبابة وماعمرهة كسرت كلمتي ،اتمنى اتعيدين تفكيرج انو بكلشي صار بحياتنة هوة انتي السبب وراه،!
***
دار وجهة يريد يروح مسحت ادموعي وابتسمت وكفتة گتلة....
-بوية....لاتثق برهام،....وثاني شي اعرف كلش زين انو انت السبب بكلشي صار بحياتي انت الدمرتهة ماراح اكول شي ثاني بس حسبي الله ونعم الوكيل....
عفتة ودخلت لگيت امي منضرتني تريد تحجي حجاية والكل واكف

-انا:بعصبية)اي ست حنين ايكولون مزوجة وعدج بت ماشالله عليهة،
-ايي...انة زوجت قبل من تركت ابوج حتة عدي ولد عمره....
-شكووو راح تعرفيني ع حثالتج انة شعلية....شوفي حنين انة هنا غريبة اريد اناممم روحي حضريلي غرفتي راسي ضل يوجعني،
-عباس:انتي هي دخلتي لهاذ البيت تحترمين من ازغر شخص حد الاكبر غلط حجي زايد اكص لسانج مفهوم والقواعد هنا اذا مرة ولج مررة وحدة اشوفهة مكسورة الة اكسر راسج،مفهههوم
-حنين:مفهوم حبيبي هاهية...اهدء
-هههه عصب الحلو اگول استغفر الله...
-حيدر:نهى اخذي اختج وديهة للغرفة...
-نعممم هو خلي يكون عدي اهل بلأول يالله يكون عدي اخت....لووووو سمحت انننة ي ت ي م ة مفههوم....
-حيدر:ماشي مفهوم روحي هسة..يلله حبابة...انتي
****
اخذتني نهى وعباس جان معصب الة شوي راد يضربني وجع،دخلت سبحت ولبست تراك عريض البلوزة علمود همة غرب ماعرفهم،ذبيت الشال ع راسي وطلعت صار وقت العشى نزلت لگيتهم جاي يتعشون فريت بيدي. حمدلله والشكر حتى ماصاحولي شني نمونة،
-بلله ليش ما صحتولي ازقنب....
-نهى:لا الزقنوت بكل وكت بلثلاجة شوكت ما گعدتي كولي نطلعلج وتزقنبين....
-ماما بسسس اكلي...طولان لسانج..
-عباس:كعدي بنيتي لاتستحين....
-ليكون راح تكتلوني ودفوني ورة البيت شكلكم يخوف وانتو حنينين...
-حيدر: هههههههه اي والله حقج
-كلمة زقنبوت يعني حلوة هاي الكلمة
-لا ماما كمل اكل
كعدت اكلت اول مرة احس بجو العائلة جانو يسولفون ويضحكون متونسنن حيل اختي نهى جانت سولف عن نتيجتهة طالعة الأولة واخوية الثاني اسمة عبدلله عمره٣سنوات،وحيدر يحجي مشاكلة بلمدرسة هو مدرس عربي ،خطرتلي فكره انو اخلي يدرسني بعد ماتعود عليهم وانجح واحقق حلمي، كملنة عشة جاي يشيلون السفره جان يدك تلفوني ....دك تلفوني لو الأنضار كلهة عليه عبالك الحضات الأخيره لتفجر القنبلة،،عباس خزني فتحت التلفون اريد اروح للغرفة جان ينط عباس...
-وين رايحة تحجين بتلفونج هنا .....
-تمام اصلن مو مهم الأتصال بس ...اووف ملل انتو كلش -الووو ها حياتي زهورة....
-ها حياتي شون هسة تردين اجيج بيا مستشفى انتو....
نطيت كبل الكل منتبه عليه...
-ولج يا مستشفى شكو جاي تشاقين اذا تشاقين اخذ تكسي لبيتكم اضربج بلقندرة وارجع ع هلشقى الخايس.....
-يعني ماتدرين.....؟؟
-زهرة كولي  خوفتيني امج بيهة شي!!
-ولج ابوج وهوة راجع لبيتكم اندعم وحالتة خطيرة.......

يتبع...
تصويت....