انتم السبب✨

البداية✨

#انتم السبب✨

#دخلت للبيت لگيت الخدامة بيدهة الجنطة توهة تريد تطلع من البيت،
-وين على الله...
-ماما انة يطلع من البيت مايتحمل ماما هند...
-وجع ياهو يتحمل هند..انة اعلمهة روحي للمطبخ ورجعي جنطتج بسرعة...
-حاضر ماما...
#دخلت لغرفة هند لگيتهة نايمة اخذت گلاص ماي وخرت البطانية،وذبيته ع وجهة...
-يلخايسة شون طردين الخدامة ترحين فدوة الهة ،ام الوصخ،
-بصياح)ماممممااااااااااا
-ام هند؛يمة شصاير شبيكم...
-انا:اذا ماتوبتي بتج ،قسماً لأشرهة ع الحبل هية وصخهة،شكو طاردة الخدامة..صالهة خمس اسنين عدنة تجي هنيده تطردهة لللللللييش...؟
-مامة تدرين شسوت "ليزة"الخدامة البارحة كتلهة اكوي قميصي حركتة كتلهة سوي الحليب سوت وية الحليب جاي وبي ورق جاي بعد وقبلهة كتلهة نضفي غرفتي لگيتهة ذابة صور الذكريات مال الابتدائة،ادري شني من خدامة هاي ،
-انا بگلبي:فلك فلكج ليزه مابقة بس جرمين بهند،اذا كتلهة شعليلي جكارة يجوز تحركني انة)اااه ......اي شكو بيهة...تتعلم انشالله محد يطلع ليزه ،يلله رايحة انام حجاية ثانية ماكو..
-عمة بعينج انتي نعاليش علمود تأمرين ابوي موجود وامي موجودين..وليزة ماتبقى مفهوم..
#شفت ام هند تخزر هند رجعت ع هند وكفشتهة من شعرهة ملختهة تملخ وامهة تفاكك بينة اجت ليزة دفرتهة وعضيت ام هند بزندهة حد ماتعبت وصعدت لغرفتي قفلت الباب لا تجفت هند لغرفتي ههه ذبيت روحي ع الجرباية ونمت ...بعد نص ساعة تقريبا..ندك الباب...
-منوو!
-تفتحين الباب لاكسرة ع راسج يا **** يلماتستحين....
-بتوتر واحجي بصوت ناصي..o.m.g، اااوووف شسوي ياربي ساعدني....هااا بووية جاي ابدل فد ساعة يالله اخلص....
-تبديل ساعة بت الطحال حدج ثانيتين اذا مطلعتي احركج ولاتخليني احلف....خلصن الثواني...
-بوية مالحكت تعد ....
-بصياح:افتحييييييي يا حيوانة...
#فتحت الباب لان ماريد الباب ينكسر غرفتي عزيزة ،بس فتحتة ابوية كضني من شعري وسحلني سحل من الطابق الثاني للأول
-اااخ بوية عووفني جاي اتأذذة ااااخ.....
-ليش ماسألتي نفسج لمن طكيتي اختج وامج..
#وخرت ايد ابوية ودفعتة....
-ماعدي اختتتت ولا امم فاهمممم....
-انجبببي وكومي اعتذري منهم واذا ماعتذرتي اخليج تبوسين رجليهم...
-نعاال على راسهم.....
#ماحسيت الى راجدي انطبع على خدي رجع كضني من شعري بس هلمرة اقوى وداني لغرفة ام هند شفتهة جاي تحط مرهم ع الشخوط الي بوجه هند لان شرمختهة حيل بوجهة،باوعتلي ام هند وركضت ع ابوية وخرت ايديه من شعري ..
-ام هند:لاتكتلهة عوفهة بعدهي مراهقة انة مسامحتهة وتدري شنو حتة هند مسامحتهة، وراح احجي وياهة وافهمهة الي سوته غلط ماشي حبيبي لاتعصب عوفهة ترى ميصير الي سوي ...
#ابوية عافني وكلي هاي اخر مرة اسمع هلشي انعاد...باوعت بحقد لأم هند والهند رفعت صبعي الأبهام بوجهن....

-صدكو اني هلمرة بس لعبت بخلقتكم بس المرة الثانية شي ماراح تتقعو...
-هند:نشوف حياتي ،يلله سدي الباب وراج...
-اسدة ليش لا....
----------------------------------
(صدكو هاي مو البادية اصلا ماكو شي اسمة البداية ....البادية من ننولد...من نفتح عيونة ....من انگول ماما ...بابا....ونسمع صوت فرحتة الأم بسماع نطق بتهة لكلمة ماما.....البداية لمن ينكسر الروتين ويصير حدث جديد بحياتنة نگول عنهة(بداية)

—جانت حياتي مثلي مثل اي حياة عادية طفولة ...لعب....ضحك....وناسة....
ابوية غني....حب امي من جانت بلثانوية سادس علمي زوجو بعد سبع سنين من زواجهم يالله صار بحياتهم احلى هدية الي هية انة بلا تفاخراً بية،😊 صارت مشاكل هواي بين العوائل اهل امي مراضيين ع ابوية لأنة ديمقراطي واهل امي يلتزمون بلعادات والتقاليد العراقية يعني امي اول مأخذهة لابسة عباية بعد العرس لبست حجاب وضلت تلبس بناطير ههههه،فأهل امي كالو اذا متعدلين عيشتج وتلتزمين بلعادات متعبين بيت اهلج ولا اهلج يعتبون بيتج، امي بهذيج الساعة نهضمت هية بتهم من لحمهم ودمهم علمود عادات تتغير مرور الزمن تبرو منهة وصارت عدهة جلطة ورة الجلطة امراض هواي،وضلت متعتني بنفسهة وابوية كليوم يگلهة معليج بيهم عائلتي هية عائلتج وحياتج الثانية هية بيتج وبتج وانة،يقنع ويهدي بيهة،بس هية ضلت بين نارين رضى اهلهة لو رضى رجلهة وسعادة بتهة، للأسف بلنسبة الية هية عافتنة وراحت لبيت اهلهة مناك طلبت الطلاگ،مانعرف السبب،ابوية يگدر يرجهة بس غرورة منعة وكبريئة الي حناه طول عمره علمود امي ،هية باعتة بلحضة وحدة،همة صدك فتركو بس حطموني،ماعرف دخلت بحالة،ماعرف شون اوصفهة،ضياع......غربه...اللم طفلة عمرهة٩سنين، ردت اروح يم امي بس هية رفضت وگالت خلي بتك يمك،من ذيج الحضة وانة كرهت هلجوز امي وابوية ،يفكرون بحياتهم وبس ،وانة!،.....شنو؟
ابوية زوج وحدة اسمهة"رهام"ورهام بعد مدة صغيرة من زواجهم حملت عكس امي،لهاذا صار عدي اخت اسمهة "هند"
رهام:حبابة وطيوبة وتحبني حيل بس انة لأني طفلة ذبيت الصوج بيهة هية الي خربت علاقتي وية ابوية لأن ابوية طول الوقت لاهي بيهة والي بطنهة مرات اسألة عن امي يطگني ع حلگي ومرات يعاقبني ومرات يگطع عني الأكل لأن هوة لهسة مامصدك خيانة امي اله،خلاني اكرهة واكره هند واكره امي واكره رهام ،كلمن بلبيت يعتني بنفسة مايدير بالة عليه ،شعري مكفش ٢٤ساعة،ماعرف امشطة ماخلي احد يسويلي شعري هدومي امزگة بعد ماصار عمري١٣بديت اتغير صرت اتلاسن وية رهام وهية تسكت دائمن بديت اتعلم الشتم واتعارك ع الصغيرة والجبيرة،والكل اذا مامشة بأمري اسوي مشكلة اخليهم يخجلون من نفسهم ،بس دأمن اكو اشياء بلأنسان غير بداخلة عن خارجة....اااوف بداخلي حلم بسيط بس ماعرف شون احققة
اريد اصير كاتبة اريد اكتب ....اريد الكل يسمعني من لحن قلمي وخلي كلشي بخيالي ومشاعري يلي نعدمت،بلنسبة لنضرية الناس بس عدي بعدهة موجود

يتبع....(تصويت)