انتم السبب✨

8

"كما في مرض السرطان،حبي لك...قد توزع بكامل جسدي ولم يقول لي او حتى استأذن ان يدخل بدمي،وبأخر ايامي يفاجئني انة قد كان ساكناً فيني..."

-حيدر:انتي اخذتي موقفي وياج غلط ترة انة احسبج مثل نهى واكثر احسبج مثل..
بعدة مكمل سكتة بيدي...ودرت وجهي...
-مثل اختك....تمام،بس ليش مگلت هاذ الشي قبل لا احبك،ليش خليتني احبك..؟
-انة مااا جنت ادري انج تكننين مشاعر الي..غزل انة اصرف وية الكل هيج،...،تدرين انو انة اليوم جايبلج خبر ع الفطرة ردتج تفرحين وياي...بس...
-اطلع حيدر....اطلع...
-بس..!
-كافي گتلك واطلع ...بس...اطلع
طلع حيدر،حسيت الدنية ضلمت بوجهي،كلشي صار بيوم واحد،وبلحضة انكسرت حياتي وراحت...الحياة الحلوة صارت غريبة الي...غريبة...انة منو!علمود اعيش مثل البشر...اييي بس انة بششر يالله استحق اعيش...الكل يسحق،الكل كسرو بية،حلم...حلم اريد اعيش...كابوس الحياة الحلوة..
اتصلت بلخدامة ليزا..هية الوحيدة الي ماخانتني...
-الو هلو ليزا عرفتيني؟
-هلو ماما غزل انة اشتاقيت الج ماما،
-اااوف يا ليزا وين انتي. اريد اشوفج..طلعي اخذي تكسي من بيت رهام وتعاي هسة انطيج العنوان..
-لالا ماما غزل،انة مو عد هذيج ماما رهام انة مايحبهم،وهمة طردوني من اول يوم راحت انتي..انة يشغل بيت ثاني بيت محترم..
-"محترم"!،ليزا انتي گعدتي ٤سنين بلعراق صرتي ملطلطة...المهم يعني سوتهة هند وطردتج،الحقيرة... وينج هسة انتي..قريبة..
-لا ماما انة بلناسرية...رحت هناك.
-وين!!!
-ناا ناسريةة..
-ههاا قصدج ناصرية،شصخمين هناك شوداج...
بينما جاي احجي وية ليزة مددة ع الفراش بلگوة احجي،دخلت امي الي اشرت بيدهة سديت التلفون ،گالت صبينة غدة،ردت اطلع من الغرفة جان وگفت شافتني امي،سألتني...
-شبيج؟
-ممكن من انخلص الغدة احجي وياج بس بلمزعة ورة البيت وبحدنة..؟
-صاير شي خوفتيني حتة وجهج اصفر؟
-مابية شي.تجين لو لا؟
-اي حياتي انتي طلبين شي ومانفذه.
رحت لگيت الكل كاعد شفت حيدر نزلت راسي بس لعبت نفسي بس شفت عباس بلگوة ابلع لگمة،خلصنة،نهى ضلت تغسل اماعين وانة وامي ردنة نطلع عاط عباس..
-ويين موليين سوولي جاي..
-هسة حياتي نهى سوي الأبوج جاي..
-ليش اييدج شبيهن سوي انتي.
-خلاص روحي سوي جاي وتعاي وراي تلگيني كاعدة..
-عباس:لبسي حجاب هيي بيت الخلفج تفترين هيج...
-انة:والله مادري اعتقد نزعت الحجاب انة مو؟
(قصدي لمن نزعني الفانيلة والحجاب لمن ضربني)
باوعلي وخزرني طلعت لگيت. حيدر ضايج وكاعد صافن بلحديقة، رحت يمة..رفع راسة الي گعدت يمة...
-حيدر:اسف ...
-شنو الي ردت ادگولة لمن اجيت...
-جاي اگلج اسف...
-مممم لا دگلي نجحت بلرياضيات لأن انة زفت بلراقام جدول الضرب مال٦محافضتة هههه..
- غزل..انتي زينة لاتخوفيني عليج انة كسرت گلبج...جاي اكلج اسف وانتي..
-انسة...انة جاي انسة...تعرف انكسر گلبي؟بس مو انت الي كسرتة..هواي ناس..واقرب منك...ناس جنت تتمنى تسمع صوتهم من جنت اصغير... ناس تتمنى اتكون جزء حلو من حياتهم،انتة ماكسرت گلبي..انتي وعيتني، على شغلة انو الحب من طرف واحد ابشع من الموت البطيء....لمن راح احب بلمستقبل راح احذر انو الشخص الي يردين لازم اتأكد من مشاعرة...ناحيتي بلأول....
-يعني راح تحبين غيري غزولتي؟هههههخ
-ههههه دائمن تكسر هاذ الجو لو اول مرة!
-هههه اگلج هسة الشي الحلو ولو راح يزعلج شوي...
-ااوف شنو؟
-الممرضى الي متحبيهة انتي هههه هاي صير حبيبتي، وباجر راح اروح نخطبهة...
-وااات😲لااا وويع عاد ماشفت بس هاي الشيفة...
-غززل..
-ماما:ها شنو خلصتو تعاي يلله غزل...
-حيدر:انة اروح انام...
گعدنة انة وامي غمضت عيوني،كضيت ايدهة،وشميتهة حسيتهة ضلت تبچي وانة هم غدرني عيوني...
-تعرفين شگد شتاقيت لأيدنج...اريد اسألج سؤال!تحبيني؟
-يمة انتي بتي شون ماحبج..!
-يمة عباس اليوم گتلني ضربني بلحزام ع ضهري ورم ضهري...اتأذذيت حيلل...گلي شغلات وگفن عقلي واكيد هو جذاب مو؟؟
برود اعصاب وخرت ايدهة ومسحت ادموعهة گامت،
-انتي گاعدة هنا بحترامج،اذا حجيتي هيج مره ثانية وتلفقين ع رجلي وابو بيتي،راح ارجعج يم ابوج...
-م...ا..
-ااش ماريد اسمع هاي الكلمة منج بذات...قرري من هسة تردين تعيشين هنا .. لو ترجعين لمرت ابوج...

تصويت..
يتبع....