انتم السبب✨

6

بعد يومين،بدن الأمتحانات،ضل حيدر يدرسني ههههه كل ما يفتح الكتاب اصفن بوجهة،ايجنن،حبيتة وعدت نفسي بس اخلص الأمتحانات،اگلة انو احبه،لأن صدك حبيتة هو الوحيد الي اهتم بية ويفهم عليه، دأمن هو يتقرب عليه واحياناً يدلعني بغزولة غزالة ومرة گال غزلاتي وانتبه ع روحهة،ضليت اضحك،مرات عباس يغلط ويصيح يجي حيدر يهدي وياخذني برة يخليني البس بس حجاب بدون عبات ويفرنني المزرعة،نضحك انسولف،حسيت اني....بشررر...اي بشر لأن جانت حياتي مثل الحيوانات اكوم بكتلة واكعد بكتلة...هههه طبعن من اسوالفي...
جنت كاعدة الصبح اقرى قصيده بصوت عالي...اجت نهى...
-هيوو تعاي نضفي الغرفة انة البارحة نضفتهة...
-مو جاي اشوفيني ادرس..مشغولة روحي..
-لا عليمن خيتو خليهة الدراسة لعمو حيدر هو يدرسج زين ويدللج ومانعرف شيسوي بعد..!
-شنو ولج..شگلتي يا طايحة الحض...
گضيتهة وضربتهة راچدي بعدين گضيت ايدهة وعضيتهة عضة مال جلاب ههههه الدم طلع من ايدهة،ضلت اصرخ اجة عباس كضني من شعري بوكتهة امي جانت بلسوگ وحيدر بلمدرسة،بس عباس ونهى موجودين...دخلني الغرفة نزع الحزام خفت حيل نزعني فالينتي زين جنت لابسة فانيلة صلوخ،ضليت اترجاه يعوفني عبالي راح يسويلي شي بس ربط ايديه ودار ضهري وضل يضرب حيل حسيت بوكتهة انو حتى عضام ضهري راح يطلعن ،بعدها اي احساس مجاني غير اني اشوف سواد،بس سواد....تأذيت...مع انو جانت نهى تسمعني...بس مجانت تنقذني....بعد مدة صحيت على ذبة ماي بارد على وجهي...جان گاعد گبالي....وعيونة حمر...حمرحيل...چان مثل الشيطان...مابي رحمة...ضل يدگ ع رجلة ويباوع بحقد بعيوني حد ما كسر الصمت...
-سنين....وانة متحمل الوجع..سنين..مو سنة او سنتين..من جان عمري١٠...اشوف حنين گبال عيوني تضحك...تبجي..تفرح...تحزن...عشگتهة...ميت بلهوى الي تتنفسة...من احنة اصغار نلعب سوة نشرب سوة ناكل سوة بنينة حياتنة بحلامنة الصغيرة،مكتوبة اسامينة من جنة صغار انو انحب بعض.لحد ما اجة ابوج...النذل...اخذ مني احلامي..حبي الأول...اخذهة بكل برود...اخذهة رغم ان الكل ميريدو...ردت اذبحة اموتة..قبل لاياخذهة..صارت عرايك وطلايب..نهيت عليهة..بت عمي..حنين..بليلة العرس انخطفت...ورة يوم اجت صورة الهة وهية بلفراش..وييييية الحقير ابوووج...
فتحت عيوني ماعرف...ابوية امي..الي حجو غير الي يحجي عباس..گالو انهم حبو بعض.اصدك منو!بس حچية منطقي...ولة ليش امي بعد سنين على اتفه سبب عافتنة ورجعت الألهة! اكيد علمود ترجع لعباس..
-انتة چذاب..
-اتمنى اكون چذاب وكلة الي گلتة حلم...او بلأحرى كابوس...
-انا:بس طلع واقع؟
-اكرهة الهسة وبس اشوفة اقسم برب الكعبة اني اخلصة من هلدنية..اذبحهة وادفنة بمكانة...قنعت امج انو عدهة فرصة ثانية ،تدرين ليش جبتهة هنا؟
-.....ل...ا
-لأني احبهة..
-عباس...انة....
-انتي غلطة ..انتي اكبر غلطة ...امج عمرهة ماحبتج.....ولا ابوووج....
-كاااافي كااااافي....كااافي....الله يخليكك كافي.
-ازيدج من الشعر بيت!
-....
-لا اكول..تعرفين مني رهام؟شجاي سوي هسة!هههه تعرفين ياهو دعم ابوج؟
-شنو؟؟رهام!انتة تعرفهة يااااحقييير ابووووية..انتة اكيد دعمتة..
-اااش...رهام صير كرايبنة من بعيد ،وهسة هية خذت كلللل املاكم ياحلوة،كل شيي،اخذت بصمات ابوج والتوقيع،جذبت عليه كم جذبة نتيجة بتهة وكذا...هههه حلوة العبة مو..هااا صدك..الي دعم ابوج..هو واحد من عدنة ايصير صديقي...گتلة يموت ابوج بس صار مشكلة طلع ابوج عدة روحين...
-لااااااااا يا چلب....يا حقير سااافل منحط ط...
-اشش
-اااخ
-باعي اذا اجت امج وحيدر.ايياج وتگولين شي ترة اسوي شغلة راح تندمج طول عمرج...
من يجون كليلهم طحتي من الدرج ...
......
يتبع...
تصويت...