انتم السبب✨

"النهاية"

#باوعتلة بندهاش،

-تخبلت شنو نزوج...

-اي تخبلت...راح نعقد بدون عرس وزفة وهاي الخرابيط،يجوز بعد سنة ع وفاة اخوي نسوي حفلة بينة موافقة مو!

-شبيك حيدر عفية والله راح اتخبل...

-لاتعبين روحج بلحجي،مضر بصحتج....

-اخخخ راسي منك ضل يوجعني بلله انة ماريد ازوجك شون بلله غصب..

#وخر ايده عن الستيرن،ومسك ايدهة...

-اي غصب..عدج مانع..

-ي عدي...

-مايهمني...

#بعد المنازعات والعرايك طول الطريق بس مايقبل يحجي سبب العرس المفاجئ،وصلنة لبيت،دخلني ومسك ايدي،كعدنة بليدوان،اجة رجال جبير وثنين شوي اكبر من حيدر،المهم عقدنة وخلصنة من طلعنة الرجال گال اليوم لاسوون عشة تعالو يمنة بس روحو رتاحو شوف مرتك البيت،..

#ماهتميت بلحجي كلة بس ركزت;مرتك فدوة يالله صرت مرتة ماصدددك..شون هيج توة ميت اخوه وشنو غير رأية وحبيبتة الي يحبهة سنين؟؟؟؟؟

#طلعنة حرك السيارة اريد اسألة گبل نزل شو هاذ فتح باب البيت يصير جوارين بيت السيد العقد علينة،جان يرجع للسيارة..

-انة:هاذ بيتنة...

-اي هاذ البارحة شتريتة وهمة فرشو ماقصرو،انشالله فد شوي روح تتعرفين ع نسوانهم،راح نبدي حياتنة الجديدة هنا،ماشي..

-لا اكيد،فهمني شنو السالفة فجأة قررت سوي هذن الاشياء بيوم ولليلة،شنو صاير،

#نزل من السيارة وفتح باب المطبخ بيتنة باب امطبخ وباب الديوان برة يصيرن ع الطارمة،بس من نزل وماجوبني حسيت روحي مزهرية ...لمهم رحت وراه وانة تنكت عليه خلشوف شوكت يحجي بعد....ضليت اباوع للبيت البيت طابق واحد غرفتين ومطبخ الحمام جوة والتواليت برة يم الحديقة،وديوان جبير،دخلت لغرفة لگيت بيهة جرباية وكنتور وكلشي يعني غرفة جاهزة مال عرسان،كلش فرحت واضليت اضحك سديت الباب بس رديتة ماقفلتة،نزعت عباتي ،ذبيت روحي ع الجرباية بس تأذيت ايدي ضلت توجعني،

غمضت اعيوني حسيت بنتعاش معقوولة حياتي راح تتغير ياربي،معقولللة مامصددكة،بعدت عن اهلي وازوجت الي احبه،وصار عدي عائلة خاصة بية،ياااي ،ماحسيت الة الباب انفتح لملمت روحي بلبطانية ستحيت جنت نايمة ع بطني،وهاذ دخل بسرعة،

-ههه عجبتج البيت...

-شعليك انتة...😏

-هاا صارت هيج السالفة،اوك

#تقدم علية وانة ارجع ليورة،حد ماكضني وخر مني البطانية كض ايدية ثنيهن، وهمس..

- بمكر:اشوفج البيت ؟

-بلله شنو ..

-انتة...وخر اول شي گول ليش زوجتني شنو صاير...

#جان نفخ ضاج،كعدت ضليت اباوع علية،كمت حسيتة ضل يباوع علي،فتحت شعري وضليت امشط بي،اوكفلي صاير عود لوتي مو،

حسيتة گام،فجة ايدة حاوطت خصري وخر شعري، همس..

-جنت حاسب اني اعاملج مثل بت اخوي،نهى،حسبتج شي محرم عليهيوم عن يوم من اشوف مصايبج واشوف شگد انتي قوية اتعلق بيج اكثر،اقنع نفسي كليوم انج نهوة بس،بعدين من ضلتي تبعدين عني وتنسحبين،عرفت اني احبج،واعشقج،من سمعت انج رحتي للضيم رهام مرة لخ،سألت مرة خوي،گالتي قصتج كلهة اووف شكد عانيتي يا غزالتي،اسف لني ماجنت موجود من قبل جان ضميتج بصدري ماخلي احد يطخج،

#درت علية بسرعة وضليت ابجي ع صدرة،دفن راسة بركبتي وضل يهدي بية،بعدين من هديت ضل يباوع علية ،غطيت روحي بلبطاية

-ههههه كومي ثولة جاي سوين،لو تحطين كونكريت متفكين مني،غزولتي،

-ما،

-صباح الخير حبي كافي نوم.كومي نضفي البيت

-كومي يلا حبي لا سوين روحج عروسة وتدعلين براسي
-هههههههههه صوجي ي والله

# نضفتة ورتبتة ،هو راح يسوگ،من رجع صارت دنية لليل،لبست عباتي جان يدخل..

-ها خير وين!

-يااا مو گلت روح نتعشة بيت صديقك،اليوم حتة نتعرف عليهم،

-ي رحت من العصر الة اجلتهة لباجر تديرن بعد.

-شنو ادري بعد..

#عاف العلالايك واقترب مني باسني..

-بعدنة معاريس مايصير نطلع من البيت،كون سبوع جانت وصية امي الله يرررحمهة.

-خطية الله يرحمهة  ههههه

-ههه تعاي اسولفلج ع امي..

#،بعد يوم تعرفت ع مرت صديقة وامة وجنهتهم كلش حبابين بعد سنين تخرجت وصدرت اول كتاب الية وجنت كلللش فرحانة حققت احلامي،وابتعدت عن سبب تعاستي بلحياه،بس سأت صحتي شوي لن من حبلت جنت اشتهي جكاير هههه بس مايخليني ضليت اشرب نص جكارة بلسرقة خيطة ابني والله،جبت ولد وبعدهة ب4
سنيني جبت توم بنات،
الحمد لله الله حقق احلامي،صبرت وعانيت،وقررت اقتل نفسي الي مالهة ذنب،الي هية امانة رب العالمين علمود مساوء العالم الحوليني،مجان عدي امل بس صبرت وصبري جان مفتاح،للفرج فرجهة الله،وخلة عدي عائلة سعيدة،وحياة جديدة خاصة بلناس الزينة،غيرت شخصتي،وغيرت حياتي....

@homgig