أراك بقلبي

٤

الحاجة ناجية :ياساتر هذا شنو
طلع عزيز وفتح الباب ولقي اميمة مغمى عليها  وطبعا السبب واضح
الحاجة ناجية:ياروووحي على بنيتي  حسبي الله ونعم الوكيل فيك ياعزيز
سسسمية يا سمية جيبي طاسة امية بسرعة
سمية جابت المية وجت وانخلعت وقت شافت اميمة متمددة
سمية:خيرها ياام
الحاجة ناجية وهي حاطة راس اميمة على حجرها وتبخلها ف المية :كله من خوك سمعاته قال بيتزوج
سمية بصدمة:حيييي يتزووج؟؟
عزيز:مش وقته هالكلام يام
قام سمية وحطها ف سيارته بدون حتى مايرفع اخته وامه معاه
وخش بسرعة جابلها عبياتها ووشاحها
ورجع للسيارة حاول يسندها بيش يلبسلها عبايتها وهي حاطة ايدها ع راسها ومصدعة هلبا

فتحت عيونها بثقل
عزيز:حبيبتي هي مدي ايدك خلي نلبسك عبايتك

رغم ان راسها بينفجر وحاسة بثقل في جسمها بس جبدتها منه بقوة بلا ماتنطق ولاحرف وشافتله نظرة كانت كفيلة انها تحسسه بحقارة الشي اللي داره

رجع للقدام وفتح الباب وسكره بقوة
حاس انه ضايع
وهموم الدنيا كله على قلبه

وهي في الخلف تبكي بحرقة وحاطة ايدها على راسها

وصلو للمستشفى
نزل من السيارة وفتحلها الباب لأميمة ومدلها ايده بس ناضت بروحها

شاف لأيده المعلقة في الهوا وقال:اميمة بلا عناد خليني نساعدك
اميمة قاعدة مصرة على صمتها
خذت وشاحها ولفاته بس ماقدرتش تمشي حاسة ان الارض تلف بيها
وعزيز لاحظ هالشي ف شدها من ايدها وسندها <
وببساطة ماقدرتش تخلص روحها من ايديه لان الضعيف اللي بلا حيلة مستحيل يفلت الايد اللي تنمدله من كانت تكون

جابولها كرسي متحرك ورفعوها للدكتور
وعزيز يستنى فيها برا بعد شوية جت الحاجة ناجية وسمية ولمار

الحاجة ناجية:وييييييينها
عزيز:من شوي خش الدكتور يشوفها
الحاجة ناجية:والله لو صارت فيها حاجة مانيش مسامحاتك ياعزيز

قعدو يمشو ويجو في  الممر لان الدكتور عطل عليهم

ووقت طلع مشوله طول

عزيز :ها دكتور طمنا
الدكتور:الباين انها تعرضت لصدمة وصارلها انهيار عصبي وبعد الفحص الحمد لله تأكدنا ان حالتهاا هي وجنينها مستقرة بس اليوم حتقعد عندنا بيش نطمنو اكتر

عزيز انصدم بس مش  اكتر من الحاجة ناجية اللي فجأة دموع حزنها تحولو لدموع فرح
<
وطبعا واضح من ردة فعلهم انهم ماكانوش يعرفو فالدكتور قاللهم انها حامل من شهر وشوي
الدكتور:عموما تقدرو تطمنو عليها
خشت الحاجة ناجية وسمية ولقوها راقدة
قربت منها وقعدت تمسح على شعرها
الحاجة ناجية: ان شاء الله لاباس عليك يابنيتي

حست بالأيد اللي تمسح على شعرها وفتحت عيونها وشافتها
وجت بتقعد
الحاجة ناجية:لااا يابنيتي ارتاحي خليك راقدة
اميمة :اني حامل ياعميمة
الحاجة ناجية:مبرووووك يابنيتي من شوي قاللنا الدكتور وعاد لازم تريحي روحك

واني تو مروحة نديرلك الشربة اللي تحبيها لان ماكلة المستشفيات سامطة لا بنة ولا صنة

طلعت الحاجة ناجية هي وسمية وروحو

وخش عزيز
.
قرب من السريروقعد على طرفه وهو متردد يمسك ايدها او لا
وقعدو ساكتين لدقايق

عزيز:اميمة اني اسسف
اميمة :وبدو دموعها ينزلو كنت نحسابها نزوة كنت نحساب اني نقدر نمحيها من حياتك ونرجعك ليا ماكنتش متوقعة انك تحبها للدرجة انك بتجيبها ضرة عليا
ليششش في شن قصرت معاك اني

قالت جملتها الاخيرة وهي تشهق وتبكي بقوة

عزيز:هدي حبيبتي مش كويس لصحتك

اميمة:اطلع برااااا معاش نبي نشوفك
عزيز:اميمة افهميني والله نحبك ومستحيل نستغنى عليك
اميمة بعد ما استجمعت قوتها:قتلك اطلع براا وياريت غدوة توصلني ورقة طلاقي مش اميمة بنت فتحي اللي تنزل على ضرة

وطلع وسكر الباب بلا مايقول شي
وتسكيره للباب كان الجواب
لو كان تراجع على قراره بالزواج راه قعد وقاللها معاش نبي نتزوج
بس بطلوعه اكدلها ان مازال مصر على قراره

~~~~~~~~
الحاجة مبروكة :سااارة ياسااارة
سارة:نعم يام شن في
الحاجة مبروكة:اميمة ياسارة
سارة:خيرها ياام رعشتيني راه ادوي
الحاجة مبروكة:في المستشفى تو كيف اتصلت بيا سمية وقالتلي ياناري على بنيتي
هي البسي بسرعة خلي نمشولها

وهما طالعات من الحوش شافتهم ريم ولاحظت انهم متوترات هلبا

ريم:خيركم ياسارة شن في
سارة:اميمة في المستشفى من شوي سمية كلمت امي وقالتلها
ريم:ياروحي عليها جاية معاكم حتى نا
~~~~~
في اي حجرة قاعدة اميمة لو سمحتي
الممرضة:تاني حجرة على ايدك اليسار حجرة رقم21
منى:مشكورة
ومشت لأميمة طقت الباب وخشت
ان شاء الله لاباس عليك حبييبتي خيرك شن فيك
اميمة:اااخ يا منى اني حياتي بدت من سيء لأسوء
منى :بعيد السو عليك ليش تقولي هكي
اميمة:تخايلي يا اميمة سمعته وهو يقول لعميمة ان بيتزوج
منى ماقدرتش تخفي ابتسامتها وملامح الفرح اللي ظهرت ع وجهها

منى:حي بجد
اميمة:اي للأسف بس مستحيل نرضى بهالوضع
منى :ريحي روحك تو وماتفكريش في شي اهم شي صحتك واني تو نمشي للمقهى المستشفى نجيبلك حاجة تشربيها
طلعت وكيف بتخش للمقهى لمحت عزيز يدخن برا وحاط ايده ع راسه

منى:عزيز!!!!
عزيز:منى شن جابك لهني
منى:عزيز جيت نشوف صاحبتي
عزيز :هه صاحبتك قلتيلي

مالحقتش ترد عليه وشدها من ايدها ودخلها للمقهى

عزيز:تعرفي اني مستاحشك هلبا

منى:اني اكثر ياعيوني
عزيز:بس
منى :بس شنو
عزيز:الوضع اللي فيه اميمة حاليا بسببي وعارف انها مش حترضى اني نتزوج لين نطلقها واني مستحيل اني نفرط فيها خاصة وانها حامل
منى:حااااامل؟؟؟ومن امتى
عزيز:اليوم عرفنا

~~~~~~~.وصلت الحاجة مبروكة للمستشفى مع بنتها سارة وبنت جيرانهم ريم
ريم:تي تعالي وين ماشية
سارة:خيرك
ريم :شن تبيني نخش فاضية لأميمة تعالي نمشو ناخذلها حاجة قبل خيرك مستعجلة مش سمية طمنتكم عليها وقالتلكم ان حالها باهي وغدوة بيطلعوها
سارة:اني مش حنرتاح لين نشوفها
ريم:به غير تعالي

خشو للقهوة
ريم:حيييييييييي
سارة:خييرك
ريم:تي شوفي عزيز مع من قاعد
سارة:هاذي منى هالحقيرة شوفي كيف تشوفله لا وشادة ايده
ريم:حاسة ان منى ليها يد في اللي صار لأميمة