حلالي 2 (باللهجة الجزائرية)

..1..

اييه شكون قال اصدقاء الانترنت مكاش منهم ههههه بلاك الاغلبية ميصلحوش بصح انا كان ربي معايا و زهري تان و لقيت صحبتي المربة قصدي ختي فالفايسبوك ايه... كان كلشي فينا متشابه نسخة كبق الاصل عليا شاركنا كلش كيف كيف انا و هي بصح لي كان يفصلنا انو هي تسكن فولاية مستغانم و انا فالعاصمة ... بصح هاد شي مخلاناش نتفرقو قلوبنا كانو جايمن كيف كيف ....
بصح خطرات خطرات كنت نروح انا لتم لخطرش عندي عمي و نتلاقا بيها و هي كانت تجي تان لعندي و الحمدالله رانا دخلنا 7 سنين صداقة و اخوة
ايه نسيت معرفتكمش بروحي انا أحلام عمري 23 سنة نقرا بيولوجي نموت على عفايس تع جراثيم و كيمياء و كدا اما صديقة روحي اسمها ريتاج قدي فالعمر و هي فوتوغ اغشيتاكت..... لزوج متحجبات الحمدالله بصح لوكان تشوفونا كي نخرجو كيف كيف غير تبهدايل و سمير كحل .... حياتنا قاع باغيين نديرو ريجيم و سبور بصح جامي قدرنا اصلا رانا ملاح دبدوبات قزمات كيوت ...
لمهم ايا واحد الصيف راكو تعرفو ليفاكونس شغل و الفيد قاتلنا حتى تعيطلي هديك البقرة
ريتاج : ياخرااا دبري راسك على يومين ارواحي عندي تباتي رح نمووت
أحلام : ايا طيري واقيل حسبتلك وقت مابغيت نجي متنسايش بابا
ريتاج : نوو دبري راسك حللييييييه
أحلام : كيفاش نحلله متتمسخريش بين ليلة و لوخرا نقله ني باغية نروح لموستا نبات عند صحبتي راكي باغية يطيشني مالتاقة
ريتاج : لا قليله راهي غير هي و يماها
أحلام : و زعما صح
ريتاج : خسارة عليك رانا انا و ماما و بابا و خويا صغير مسكين بصح نتي قليله يماها
أحلان : اوك نسيي زهري و نرجع ليك
منكدبش عليكم انا كنت حابة بصح خفت رياكسون تع بابا و راكو تعرفو الاب الجزائري يبدا يقولي عندها خاوتها كبار و كدا و لي جان و منعرف لكن بطريقتي فالتحلال مع بعض من الدموع قدرت نقنعو بلي راهي غير مع يماها و نروح باه نوانسهم و كدا و بديت نجبد انجازاتي تع هاد العام باه برك يوافق و الحمدالله وافق فليل عيطت لرستاج كي قتلها ماتت بلفرحة وانا كثر بصح جاتني رفاسي كيستيون
أحلام : ريتاج ياخ صح مكاشو خوك
ريتاج : واه خسارة عليك
أحلام : مني بصح والله نصيبه لتم نرجع ... تعرفيني نحشم زيد ني متحجبة
ريتاج : ياو خسارة عليك سيد راه ففرنسا يقرا
أحلام : اوك على يومين نجي عند جدك
جازو يومين و انا راحت لموستا بيان سور سرقت طونوبيل تع خويا لكبير و قلعت صبت ريتاج تستنا قدام الباب برك حبطت ساغنا سوغة الجزائر انهزت و بدينا نقزو *كيما نهار تلاقينا* مهم بعد العناق و البوس و النديب و الرناك اخيرا قررنا ندخلو ايه هدا قاع صرا برا ميزامي قتلكم تع تبهديل حنا اصلا هي كانت لابسة خمار و جبة حايلة تع عام جدي مهم بسيف باه دخلت لدار ايييه نحشم بزاااااااااااااااااااااااااااف جاتني لحشمة و كدا حتى نشوف ماماها جاية اوو كينبغيها بزاف هايلة طاطا دا باست جات عندي تسلم و تبوس ... بعد ما سقساتني و انا سقسيتها عالاحوال و كدا طلعنا لبيت ريتاج ... مالطريق للبيت بدينا التقطاع فالناس و و التمنشير لمهم رحت بدلت حوايجي بعدما تاكدت انو مكان حد فالدار من غير خوها صغير عمرو 12 سنة برك لبست جبة و شعري درتو طوماطيشة فوضوية و بعد ماقصرت مع ريتاج و كملنا تقطاع حبطنا للكوزينة نخدمو شوية ههههه راكو تعرفو رانا قد لبقرات و اصلا طاطا ربيعة كيف ماما
ايا حبطنا و لازم الهدرة تكون نطيبو و نقصرو....
جاز لفطور الله الله غي الضحك و فوقت الڨايلة شفنا فلم .... جاز نهار هايل
فالليل بعدما تعشا محمد و طاطا ربيعة .... تقاسمنا انا و ريتاط الشغل دهي تمسح و انا نغسل الماعن ..... هي كملت بلخف و طلعت تخمل بيتها باه نسهرو و توجد البوب كوغن و لاتاي هههه راكو تعرفو قعدة بنات
و انا قعدت فلكوزينة نكمل زوج صحون لي بقاو بصح لتم صرا لي متوقعتهش
بعدما كملت مسحت الطابلة و جيت خارجة و مع انا قزمة خموس عليا خبطت فلباب بصح نطلع راسي و نصيب عبد محبط راسو 180 درجة باه يقدر يشوفني
هو قعد يخزر و انا نخزر بلخلعة بعد مدة من النظر رياليزيت بلي السيد راجل زيد راني بلا خيمار الله يبارك روعة انا مفقتش على روحي حتى نصيب روحي رافدة بالي و نعطيه بيه لرجليه جبتو فلرض و طلعت نجري عند ريتاج دخلت مخلوعة عندها و خبطت لباب
ريتاج : سمله الرحمان الوحيم شبي جدك شبييك
أحلام : ريييتاااااج شكون هداك لولد لي كان لتحتا ياربيي نحن في خطر بلاك سرااق
ريتاج : اصبري نروح نشوف
و لنم عطيتلها لبالي لي كان في يدي و قتلها
أحلام : ادي سلاح معاك
خزرت فيا تع بلعي فمك و راحت ..... على مدة رجعت و كانت ميتة بضحك مع انا كنت خايفة كفرت عليها ديراكت ... لكن للاسف عرفت بلي داك خوها لكبير ..... الله امبر لفد تم خداعييي ياربيي خوها لكبير هنا و انا ني بايتة
و قررت مع صباح يسموني نرجع لدارنا لكن برك سمعت ريتاج بدات تحلل و تبكي و بدات تحكيلي على خوها تقولشي حا نخطبو و قالت هو حشام و عاقل و خاطيه .... بعد التمسكييييين ققرت نوافق
بصح كيفاش نخزر فوجهه و انا خبطته ببالي كسرتله رجليه يايمااايماجين
يييو يشيعها فالعائلة منزيدش نخزر فوجهم خراء عليه و علي خته لي خدعتني لمهم حبيت ننسا و رحنا انا و ريتاج بدينا نشوفو فلم و ناكلو كيلعادة حتى غفلنا مت النعااس
غدوة صباح نضنا بكري شاطرات انا زدت خمار بطريقة سامبل و حبطت مع لبقرة ريتاج للكوزينة نوجدولهم قهوة و بما انني خبيرة تحليات درتلهم كيك سامبل
بعد مدة حبطو طاطا ربيعة و محمد قعدنا معاهم انا و ريتاج و استقهوينا كنت باغية نسقسي علبه عالاقل نطلب سماح ممبعد تفكرت شادرت قلت بلاك كسرتله رجليه مقدرش يحبط
كملنا استقهوينا و محمد و طاطا ربيعة  طلعو لبيوتهم اما ريتاج قاعدة تغسل ماعين و انا مع تلفوني نشوف لجديد حتى نسمع احم احم درت صبتو واقف قدام لباب و يهخزر في ريتاج هي حركتله راسها بمعنى اتفضل انا مت بلحشمة حلطت راسي و نضت مطابلة بلا ما نفيق و جيت  خارجة حتى تنطق ريتاج
ريتاج :اوووه وين رايحة أحلام مزال مكملتي قهوتك
انا درت ليها خزرت فيها تع والله غير تموتي على يدي لخطرش عبالي درتها بلعاني و بما انو خوها كان داير درتلها ميدل فينغر اب حتى نشوف سيد رح يدور وجهو حبطتو بزربة ابخي خزر فيا صابني واقفة و بلا ما نفيق ضحكتلو ضحكة صفرة تع ني ميتة بلحشمة خلاص
أمين : اقعدي كملي قهوتك
ياربيييييييييييي نندب راه يدير روحو نسا نندب علاش هكل علاش و لتم ريتاج ضحكت ضحكة تع النصر لخطرش دايمن تقولي نزوجك لخوياو انا بيان سوغ نكفر عليها ايا انا ملقيتش وش ندير رحت ديراكت قعدت مقابلاته و محبطة وجهي وهو يشرب نورمال كلي منيش لتم .. ايا و حنا هكاك و ونشوف ريتاج خارجة بغيت نحكمها نرميها متاقة  و قبل متروح  خزرت فيا و ضحكت و دارتلي ميدل فينغر اب الزبل طلعلي
شفتو مين تكوني قاعدة مع واحد متعرفيهش و داك الصمت الغريب لي كسرتو انا بطريقة غبية
أحلام : سس...سس..سم..سملي ليارح ... حسبتك... سرااق
و لتم هو انطلق و انا بلعت الى الابد
أمين : و السراق تكسريله رجله
انا قعدت نخزر فيه و رجعت طوماطيشة يايمااا دك يقول متوحشة هادي
أمين : ههههه معليه نورمال مام انا سمحيلي دخلت بلا ما ندقدق
أحلام : ههههههه نورمال داركم اصلا
و حنا هكاك نشوف ريتاج داخلة فرحانة
ريتاج : ايييييييه تعارفتو ديجا مستنيتونيش ميمبا
والله والله غير تموت على يدي ليوم
انا خزرت فيها و ضحت و نشدد على سينيا تع راني شادة روحي بسيف اما أمين قاللها
أمين : علاه مقلتيليش بلي راهي جاية صاحبتك
ريتاج : حبيت تكون مفاجئة
أمين  : امم اوك
هادي تع اممم اوك معجبتنيش ايا خلاص منقدرش نزيد نقعد كثر نضت و رحت غسلت لكاس تاعي و خزرت في ريتاج فهمت روحها و جينا رايحن
برك دخلنا لبيتها و نعطيها كوتبيي قريب ما عوقتها و رحت كملت عليها قريب قتلتها و هي ميتة بضحك
و بعد تبخاص و ضرب باش بردت قلبي فيها  بسيف باه رضيت .... ممبعد قعدنا و بدات تحكيلي على خوها كلي راني رايحة نخطبو و عرفت بلي اسمه أمين و هو قاري طب ففرنسا خخخخخخخخخخ نبان حمارة قدامو مع غبائي الله يبارك
ايا سوجي يجيب سوجي حتى مفقناش و لقيناها العشية نضنا وجدنالهم العشاء ممبعد و حنا نوجدو ريتاج بغات تروح لتوالات ساكنة فيها راحت و انا فعدت وحدي حتى نسمع تدقديق درت صبته أمين و كان محبط راسه انا بزربة درت خيماري قيس ما نغطي شعري و قتله اتفضل بكل حشمة ممبعد درت كملت خدمتي و هو راح للفريجيدار ايا مدرتلهش قيمة و قاعدة نقطع فالبصل و عينيا يدمعو و رجعو قاع حمورا *عينيا شابين بزاف* و بداو يوجعوني  بزاااااف ايا طلقت من يدي و رحت نجري للعين نغسلهم حتى نحس عبد شدني من يدي
أمين : نو نو حبسي مش مليييح  تزيدي لما
انا مقدرتش نخزر فيه ميمبا قاعدة غير مغمضة عينيا و محبطة راسي ممبعد حكمني كركرني و خرجني ملكوزينة قاع
أمين: مرة لجاية قطعيه داخل لماء باه متنضريش قاع هكا
انا منكدبش عليكم جاني ضحك لتماك حسيته بابا ... مهم بسيف باه فتحت عينيا كانو مزالهم حمورة و لقيتو مقابلني قاعدة نخزر فيه و هو تاني حتى بعد مدة باه فقنا لرواحتينا حتى نسمعو قال
أمين : ااه عينيك شابين
ممبعد برك قالها دار يدو على فمو انا فهمت بلي زلقتلو كنت ميتة بلحشمة بصح محبيتش نحرقه دورت وجهي باه نتفادي النظر فعينيه
أحلام: م..م..مميرسي
أمين : اااه مرة خرى ديري كيما قتلك انا ني طالع باي
احلام : باي
بصح برك دار قابلاتو ريتاج انا كي شفتها زبل طلعلي  ممبعد طرطقت بضحك
ريتاج : اوووه كل مانخليها وحدها نصيبكم كيف كيف والله بديت نشك
انا لتم فتحت فمي ممبعد درتلها جاست تع حانعطيك بدبزة و طلعت يدي و بديت نسب سيلونسيو بما انو أمين كان داير
بصح دقيقة و نشوف دار ليا و صابني هكاك ياخاااااااااااه تبهديلة عاود راح بزربة و انا رحت عطيت ريتاج بدبزة قريب ماتت و عاودنا رجعنا للكوزينة بصح هي مسكتتش غير احكيلي شاصرا حتى حكيتلها باه بردت بعد ما كملنا عيطنالهم و تعشينا اون فامي انا خلاص شوية و نطرطق حتى نسمع باباها يهدر معايا
عبد الكريم : واش بنتي احلام لاباس مع الخدمة
احلاك : هه....هه الحمدالله لاباس
عبد الكريم : كاش ما تسحقي معاونة ولا امين راه هنا
امين : علاه شا تقرا هي
عبد الكريم : تبعت بيولوجي بصح عندها شوية علاقة بالطب
امين : ااه وي صح ههههه كاش ماتسحقي راني هنا احلام
ياربيي اول مرة قال اسمي انا مت بلحشمة ممبعد نطقت ماماها
ربيعة: يعمريي شحال تعجبيني كي تحشمي
شووفي طاطا ربيعة نبغيك اند يو ار دو باسط بصح متفاهمناش هكا  وش داني نجي كون قعدت فدارنا مش خير
لمهم كملت لماكلة هاديك بسيف ممبعد هما راحو وانا و ريتاج غسلنا لماعن و جينا طالعين بصح مين جيت كالعة حكمني و محمد خوها الصغير انا قريبة منو 
محمد : احلام سيلتوبلي راني تعلمت عفايس جدد ارواحي تلعبي معايا بلاي و هاد لخطرة نربحك تع صح
احلام : هههههههههه نو نو في احلامك
محمد : سيلتوبلي سيلتوبلي
محمد : خلاص ني جاية دقيقة برك
طلعت للبيت سقمت خيماري درتو تقوشي طايح و حبطت عند محمد مع ريتاج ههه انا محمد موالفني و يعرفني بلي مرنكة فراسي صافيك برك دخلت قعدت قدامو قتلو برجلة زعما
احلام : واش خو راك خايف
محمد : نو رح نربك
احلام : ههههههههههه ي احلامك الجميلة... بون منكتروش هدرة ياخو انا ريال و نتا بارصا و كيلعادة ريتاج معايا و نتا وحدك
محند : ياخو هديك بكري دك راه معايا امين
احلام : اااه يبغي بارصاا خائئئن قولو يجي و نوريله اللعب كي داير
نهدر برله و جونغ طايحة خشينة حتى نسمع ريتاج تضحك
احلام : اقعدي بلا جياحة
محمد : احلام شوفي لهيك برك
انا برك شفت وين قالي محمد صبت امين قاعد يخزر فينا و يضحك ايتها الارض انشقي و ابلعيني بليز ياربيييي راحت الانوثة سيبون راح كلش البالي و دكا تبهديلة ملقيت مندير غير الضحكة الصفرة
احلام : هه.هه....هييا نبداو
لمهم بدينا و ريتاج قدامي و امين قدامو و قاعدين كلي ماتش تع صح  و كل ما يماركي واحد يبداو يعيطو كيلمهابل و انا نسيت قع روحي برك نماركي  نقعدو انا و ريتاج نديرو داب كيلمهابل نسيت قاع روحي لكن دايمن نحس امين يخزر فيا بطريقة غريبة
لمهم مع الاخير فدقيقة تسعين كنا تعادل ابخي انا درت الطريقة السحرية تاعي المهبول محمد نضل نديرهالو و مفاقلهاش و برك قرب يخلاص درتها و ماركيت هدف انا برك ماركيت  انا و ريتاج خزرنا في بعضنا و ضربناها بعيطة ممبعد بلا مانفيق نضنا و بدينا نديرو رقصة عجيبة تع مهابل و انا بهديك لوضعية تفكرت الجماعة لي رام هنا  حبست و درت روحي كلي ما صرا والو بصح لحمورية تع وجهي فضحتني
كملنا وش بقا و بيان سور انا ربحت
ريتاج : ليزوم صحبتي
احلام : خسارة عليك الزين
محمد : شف شف لمهابل راكو سور نتو بنات
احلام : مممم مرا ولا راجل لمهم ربحتك
ممبعد غمضت عينيا و خرجت لساني باه نغزلو
و نضت جيت رايحة  بصح برك جيت خارجة و نسمع
امين : تلعبي معايا انا؟؟؟
نلعب معاه شانلعب شاره يقول
انا لتم تبلوكيت و قلبي بدا يخبط منعرف علاه و ريتاج و محمد برك سمعو لزوج جاو يجرو ليا و  شدوني من يديا و بداو  يحللو فيا
ريتاج و محمد : تلعبي تلعبي تلعبي
احلام : نوووووو خلونيي *صوت باكي*
امين : خوافة خوافة
بصح برك سمعت كلمة خوافة وقفت بيان سقمت روحي و طبعت المهابل هدوك و جيتي رايحة.... قعدت حكمت لمانيطا و خزرت فيه
احلام : مراكش معول تلعب ؟؟
هو ضحك ابخي جا و قعد قدامي قلبي قريب خرج مبلاصته بصح قلت لازم نربح لاااااااااازم
و بدينا نلعبو ياجدك السيد يعرف يلعب حسبتلك البهلول محمد خخخخخ بصح معليه هو يماركي و انا نخلف بصح كان قوي بزاف عليا و  انا قريب ما نضت نندب
حتى خلاص لماتش و ربحني بفارق زوج ياربيييي تبهدلت جامي خسرت فهاد دار سي بون راحت الهيبة  برك خلاص هو محمد عاودو نفس سيناريو تاعنا انا و ريتاج كي ربحت انا دورت وجهي و شنفت و هما يتمهبلو و ريتاج ميتة بضحك
فحأة نصيب السيد قرب وجهو لوجهي انا فتحت عيينا و رجعت حبة طوماطيشة
امين : هيهيهيهي نتي تحقري دراري صغار
برك قال هكاك عاودت دورت وجهي و شنفت
امين : اوووو راي زعفت زعما
اما لتم ضحكت ضحكة استهزاء و قتلو
احلام : لا بعيد شر انا عندي الروح رياضية
امين : الوغ علاه شنفتي
احلام : لا انا خادمة هكاك
امين : ههههههههههههههههههههههه امنتك
ريتاج : ايا سي بون خلي صحبتي
احلام : خلينا ايا نروحو بغيت نرقد عييت.... بونويييي
ممبعد ضحكو معايا و ياربي ضحكته كي شابة و طلعنا انا و ريتاج و برك جات تفتح موضوع لجياحة تاعها فلبيت صابتني فسابع نوم
مهم رقدنا و نضنا عالثمنية ههه عندنا رافاي في راسنا و كي لعاة رحنا كيبنا قهوة و شربو قاع و بعدما كملنا غسلنا لماعن طلعنا للبيت
ريتاج : ليوم لجمعة
احلام : سبحان الله علم كبير
ريتاج : بركاي جياحة هههه كل جمعة انا و خاوتي نلعبو ماتش باسكات لتحتا
احلام : جيبيها ملخر
ريتاج : امين راه باغي يلعب ليوم مع محمد كونطرنا انا و نتي
احلام : لاا تبهدليني يقول هادي معندهاش الانوثة لاا  ختي لا
ريتاج : سيلتوبلي وش فيهاااا اصلا سبور هادا نورمال
شوف لقوادة تع صحبتي دايمن تحطني في مواقف بيخة بصح منقدرش نقوللها لا باغسك كلاتلي راااسي
........
شفوتوني و الله
المهم هاذ اول جزء كتباتو سارة ساارة