ايا راحت لبست سيرفات و انا لبست فيزو تع سبور و تريكو طويل فضفاض كبير بزاف عليا و طويل باه نستر روحي بصح كنت كيوت مع انا قصيرة الله يبارك و درت خمار اما ريتاج باينة مدارتش باغسك خاوتها خخخخخ
برك حبطنا صبناهم يستناو فينا و حنا واقفين جات عندي ريتاج و همستلي في ودني
ريتاج : ياربك راكي طيحتي خويا ليك كيش راه يخزر فيك
و لتم و بدون اي تفكير عطيتها بكوتبيي جبتها فلرض
امين فتح فمه ابري راح ليه محمد
محمد : لا خويا متتخلعش هادي احلام دايمن هكا
بون محمد يعرفني مليح و مداصراته اما امين سي لابروميار فوا لي نجي و نصيبه هنا كل ما نجي نصيبه ففرنسا و دك راه كمل و حبط لدزاير
انا خزرت ف محمد قريب قتلته
امين : لا لا عندنا وحدة كيما هي *راه على ريتاج* عنده لحق لي قال ما يتصاحبو حتى يتشابهو
حزرت فيه خزرة تع دك نجي نقتلك و رحت عاونت لبقرة باه تنوض
احلام : جينا هنا باش نقصرو ؟؟
حتى نشوفه حكم لبالون و تيراهولي ضحكت معاه و بدينا كنا نلعبو كي لهوايش واحد فينا ما يصلح بصح شبعنا ضحك
و حنا نلعبو حتى لمهبول محمد زدم في ريتاج كي البقرة انا برك شفته و شفت ريتاج طايحة فلرض تتوجع رحت نجري و بديت
احلام : يايمااااااااااا توخدت في صحبتي يايماااااااااا دك متتزوجش و تموت بايرة ياربيييييييي سي بون سي بون راحت الطفلة
و تشوفو سكوت مفاجئ حتى ريتاج و حبست تخور فيا حتى تنطق
ريتاج : مهبولة نتي ولا شاه ؟؟ يابقرة فصحتينا درتها باش يي فوت
احلام : اوووبس ام سورييي
و بعدت عليها باغسك كون قعدت قدامها تقتلني و انا واقفة و نصيب امين قدامي و نشوفه دار يدو على جبهة التحرير تاعي ااااااااااااااه ربيييييي دك نموت هنا قلبي خرج
احلام : وو....وشش....وشش...وش راااك دد...دير
امين : اصبري نشوف بلاك راكي مريضة ولا لخطرش يابنتي نتي بلاصتك فسبيطار مهابل
و انا لتم درت يدي على قلبي زعما تشوكيت
احلام : اومايقاد .. لقد جرحت مشاعري
امين : سي بون تأكدت ...
ممبعد دار عند ريتاج و قال
امين : بح ريتاج مشي صحبتك قصيرة شوية بزاف
احلام : يا الاااااااااهيييي لقد جرحت مشاعري مرة ثانية
ريتاج : والله ياخويا عندها 4 سنين مطوالتش الله عالب
احلام : تحاميتو فيا .... ريتاج وش وعدتك نعلمك انسايه
ريتاج : لااااااا بعيد الشر بعيد الشر صحبتي ناس ملاح صحبتي طويلة الله يبارك شابة خموس عليها
احلاظ : ههههههه بيان سور ربي يحفظني ليكم اوموا كي تشوفو جمالي تفرحو
امين : مبقاتش معيشة فهاد لبلاد اسكتو و ارواحو نكملو
ريتاج : اوك بب
محمد : ترحو بزاف
احلام : بلللع
ايا كملنا نلعبو و رجعنا للتمسخير و تمهبيل و بالتاكييييييييييييييييييييييييد
هما ربحونا مع هداك امين زوج مترات و محمد تان يطلعو يديهم برك يماركيو اربييييييي
امين : كيما تفاهمنا لازم تديرولنا كاش طلب
احلام : الروح الرياااضية
ريتاج : صحح حنا قابلين
قبلنا و يا ريييييت مقبلناش باسك الطلب تاعهم كان....
امين : لازم تروحو دكا تشرولنا هاد ليستة بدراهمكم
انا برك شفت ليستة قلبي وجعني غير لميلكا و شيبس لغالي و النوتيلا بلا ما نفيق رحت عند امين قعدت قدامه ضحكتله ضحكة تع براءة
احلام : اخي في الله
امين : نعم اختي في الله
احلام : انا فقيرة و بابا فقير و جدي فقير و بابات جدي فقير و جدي لكبير فقير منقدرش يا اخي في الله
امين : اين الروح الرياضية انا لا اراها
احلام : لا بعيد الشر انا معنديش الروح رياضية اصلا وشنو هادي روح رياضية
ايمن : مممم شكون كان يهدر....ريتاج شوفيلنا معاها
دقيقة و نصيبو ريتاج مكاشها الطحانة خلاتني وحدي
امين : نص ساعة و يكون كلشي عندي
انا قريب كقرت ديك دقيقة
امين : سينون منردلكش هادا
و نشوفه جبد مفتاح طونوبيلتي
احلام : استغفرالله مين جبته
امين : ههههههههه سقسي روحك رامياته وين جات
انا و بدون اي تفكير حمدالله يعني كنت لابسة حوايج يصلحو للخرجة رحت بكل روح رياضية ديراكت للسوبيرات حمدالله مش بعيدة قدامنا برك بصح كومام فيها مشية
قاعدة نمشي و نكفر و ريتاج لكلبة يسموني نقتلها ليوم
ايا دخلت لسوبيرات و بديت ندي وش كتبو فالليستا هديك و قلبي يؤلمني يازح لروحي مشريتهمش مي معليه يا امين نوريلك
ايا برك كملت رحت باه نخلص ابخي السيد هداك بعد ما حسبلي و كلش جبدت دراهم و قلبي يؤلمني جيت نحطهم حت نحس يد شدتني تخلعت برك درت صبته امين و مد هو دراهم لسيد انا خلعت
بعد ما كملنا و كلش خرجنا كيف كيف
احلام : مهبول نتا ولا شاه
امين : هههههه نعاودو نرجعو تخلصي نتي
احلام : لا والله ماتصرا بعيد الشر....خرجت في باطل يعني
امين : هههههه مش في باطل راكي تفسحتي شوية
احلام : بلا بلا بلا
امبن : هههههههه مهبولة اسكتي
احلام : بلا بلا بلا
امين : خلاص خلاص... قليل منين تعلمتي تلعبي بلاي و باسكات هههه يبنتي راكي خالعتني
احلام : ههههههه انا متعددة المواهب
امين : وي باين عليك
كملنا طريق قاع قصرة و ضحك حتى وصلنا لدار دخلنا كيف كيف شافتنا طاطا ربيعة تخلعت
ربيعة: كنتو كيف كيف
احلام : ااممم... اااه....نن....ااه
امين : ايه ههههههههه ربحناهم ماتش و درنالهم الشرط كيما موالف نديرو لريتاج
ربيعة : ياماااا مهبول الطفلة ضيفة و نتل تحقر فيها
امين : هاديس هي اللعبة
احلام : هههههههه معليه لمرة لجاية تشوفو
طاطا ربيعة رجت لبيتها و انا جيت طالهة للبيت
امين : احلام
درت و برك درت عطالي لمفتاح حسيت بامان ضحكتلو و طلعت نجري با نقتل ريتاج برك دخلت شبعتها دبازي و ضربات ممبعد عشينا نصحكو و نتمسخرو و حكيتلها قاع شاصرا و ياريتني مقتلهاش بخطرش ردتني مرت خوها معليه سمحتلها و رحت بدلت لبست بيجامتي و طلقت شعري و قعدنا نقصرو حتى شفت هداك الصاشي لكحل محطوط و بما انو امين لي خلصه لزم يرجع ليه و بيان سور قلت لريتاج باه ترجعهولو و البقرة ما بحتش كيما حللتها انا عبالي تدير فيها بلعاني مي بون معليه...زدت خمار و جيلي طويل و حبطت دقدقت لبيتو
امين : تفضل
دخلت و وجهي حممممر معباليش علاه مي حشمت بزاف مهم دخلت محبطة راسي
امين : اووه احلام خير ما جابك
و بلا ايهدرة طيتلو الساشي
امين : وشنو هادا
احلام : ساشي
امين : سبحاان الله مكانش عبالي حمدالله قلتيلي
انا لتم مقدرتش نشد الابتسامة تاعي....
احلام : هدا وش شريت
امبن : وعلاه جبتيه
احلام : باغسك نتا شريتو هههههه
امين : ههههه بصح انا شريتو ليكم
ياربي متت بلحشمة فهديك اللحظة
احلام : اه...مكلاه ... تشقي روحك
و حطيتو و هربت نجري باه ميهدرش قاع
و طلعت عند ريتاج حكيتلها ماتت بالضحك ابخي قعدنا و بدات تحكيلي هي على وحد الطفلة نكرهوها بزاف
حكاتلي بلي غير كيما دارت الليسور و قلعت شعرها معاه و حكاتلي معناتها
هي تحكي و انا نبكي مالضحك جونغ هداك الضحك الهستيري تع ترجعي تتقلبي و تعيطي
و انا هكاك ختى نسمعو لباب تفتح زدمو علينا بلا مانفكر رميت خماري على شعري
انا و ريتاج سكتنا فجأة ابخي دخل امين و كما موالف ضحكتي دارتها بيا معباليش هلاه بصح برك تلاقاو عينيا مع عينيه. و نفتح فمي و نطلقها بضحكة مشي نورمال تع عياط و رجعت نتقلب هو تشوكا و مفهم والو و ريتاج كي شافتني طرطقت معايا شفتو ديك لحظة مين يحكمك فوغيغ و متقدريش تحبسي هكاك كنت انا و هو مزاله مشوكي
لمهم بعد مرور مدة فقت على روحي و بلعت فمي و ريتاج كانت مزالها تضحك خبطتها بكف سكتت و قعدنا نخزرو فبعضنا
امين : كملتو
احلام : الحمدالله وي
ريتاج : وي بيان سوغ
امين : حمبوكم وشبيكم ؟؟؟ زاد عليكم لحال...مرت عليا حالة كيما هادي فسبيطار وجدو رواحكم نطلعو نداويكم راكو قراف
انا لتم عاود جاني الضحك و عاودت طرطقت شوية برك باغسك ريتاج خبطتني و عاودت سكت
امين : سوغتو نتي راكي قراف بلبزاف
احلام : انا ؟؟
امين : شكون غيرك
احلام : لقد جرحت مشاعري
ابخي دخل و جبد كرسي كان لتم و قعد قدامنا و
امين : موالف يجوك نوبات هكا منداك
احلام : مندااك ؟؟ ياو انا دايمن هكا
امين : اباغامون سي فغي راكي مريضة ابنتي
احلام : بنتتيي ؟؟ ون تزوجت بكري كون راني جبتك
لتم حل عينيه و خزر فيا مشوكي و ريتاج طرطقت بالضحك
ريتاج : فصقتييييه
و درنا هاي فايف
امين : صح عندك الحق منعرف شكون لي عمرو 28 سنة
احلام : ني نشم رائحة العجائز اخرج منا
ريتاج : قصففاااتوووووو
ممبعد لتم جبد هداك الصاشي و حطو ابخي جا عندي قالي في ودني
امين : هههه حسابي معاك ممبعد
خزرت فيه و خرجت لساني ابخي قلتلو
احلام : بلا بلا بلااا
و راح هو برك راح جبدنا انا و ريتاج هداك الصاشي و وزعناه قاع درنا فيلم و بدينا نشوفو و ناكلو و بعد انتهاء الفلم بنهاية مشي قاع شابة انا خريت بلبكا رجعت نشهق و ريتاج قاعدة تضحك عليا بيسك شافتني نبكي لازم تضحك يعني بصح شبعت بكا
لمهم كانت جوايه الطناش الشعب قاع كان راقد و انا حبطت نغسل وجهي بلعقل باغسك كنت معمرة بدموع و عينيا تنفخو و رجعو حمورة لمهم حبكت و مكنتش دايرة خيمار باغسك كان عبالي بلي قاع راقدين
غسلت وجهي بيان و مسحتو و برك كملت طفات الضو انا لتم قريب بلت تحتي ملخوف
حتى نحس عبد حكملي يديا انا جيت حا نسوغ حتى نحس يد على فمي
يارب خلاص حا نبول تحتي ملخوف يادرة شكون هدا زعما سراااق ياربيي دايمن نقول لويو تغلق لباب لي ملتحت بصح علاه تسمع هديك البقرة بصح سييت نتشجع و نهدر
احلام : شوف يا تطللقني يا تاخد طريحة تع كلاب
و زاد مردش ياربييييي
...............
لاني سعيدة ليوم فوق اللازم و نشالله مايخرسش البروغرام تاعي حانزل تانيك بارت اخر غدوا
احححح راني مع سارة بارح رحنا لماناج و تلاقينا
خلوني استمتع كثر خلوووني
أنت تقرأ
حلالي 2 (باللهجة الجزائرية)
Humorالجزء الثاني من كرونيك حلاليي استمتعوااا *لا تحكم عن الكتاب من غلافه*
