حلالي 2 (باللهجة الجزائرية)

..5..

ريتاج : بنتي رياان بنتي
ريان : صايي ريتاج حاتزيدي تضريها كيما هاك
ريتاج : بنتب دروك كيفاش حاتعيش كيفاش حاتكمل حياتها شكون لي يتزوجها شكون لي يبغيها
ريان : هذا مكتوب ربي ريتاج ماشي نتي لي تتحمي فيه
ريتاج : ماتحسش نتا بهاذ الصوالح...تجيني و تقولي ماما راهم يلعبوا بيا في المسيد و يقولولي العوجة..تقولي ماما شادرت في حياتي مش نجي كيما هاك و الله نكون مليحة و الله مانعاود نغلط...
ماقدرش ريان يشد دموعه كثر مقدرش
كلام خرج من فم براءة شادرتي في حياتك يابنتي ماتخافيش ربي يبغيك بزاف عليها دارلك كيما هاك
طفلة تع عشر سنين تشوفهم يلعبوا و هي ماتقدرش دير كيفهم تخاف من الكلام الزايد
"جانافار جانفاريي..ياكين قالميور" (Canavar canavarı yakın gelmiyor) "وحش وحش...ماتقربيش منا"
ناضت تتنفس بلخف و تعرق من الكوشمار لي يجيها كل يوم تقريبا
مست كرشها و حست بالمشد تع ظهرها
كانت الزوج تع ليل و غدوا الاحد يعني ويكاند ماكاين والو (في ترك) و ماماها ماتحلش البيرو
دخلت للكوزينا مش تشرب الما بعد ماقدرتش ترقد
حتى خرجلها الجن من حيت لا تدري
جودا : اسم الله رحمان الرحيم استغفر الله
جلال بشورت و صدره عريان (لي ابدو 😏) :دودا..شاكي ديري دروك
جودا : نتا شارك دير خلعتني اععع كيفاش هبطت من دروج ماسمعتكش
جلال : راني بلاحفا و جيت ندي حاجة ناكلها تفرجي فيلم
جودا : مازال ماترقد
جلال : ماعندي ماندير لشهرين اني فاكونس هدري على روحك
جودا : كون غي درت فارماسي كيفك انا تانيك حمارة في جويلية و نقرا
جلال : ايا اكتيفي ديري كاش حاجة ناكلوها باغي نتفرج قاد المالح
جودا :قااد مون امووغ
جلال : راني في بيتي
بعد ربع ساعة هكا شوي ماييس و زوج موغ كايك (كيك يطيب فالميكغوأوند) و كوكا راني انا و جلال فالسرير تاعه نتفرجوا تحت كليماتيزاسيون احححح حتى مافقتش بروحي و رقدنا كيف كيف في سرير
بعد مرور الساعات على 10 تع صباح نضت عوجة تقول شي كانو يضربوا فيا فليل اخخخ سرير جلال كيفاش مستحمله خرجت شعري طالع فسما عينيا مغلوقين دخلت لتويلت (حشاكم) و بلاك جوبونس رقدت فيه جوبونش
خرجت رجت ديراكت للكوزينا
جودا : ريري لابلوند عمريي
ريتاج : صباح الخيير دودا تاعي
جودا : صباح النور
ريتاج : قيساش نضتي و رحتي عن جلال باباك ناض يفيريفي ماصبكش في بلاصتك
جودا : على زوج تع ليل رحت عنده كان داير فيلم تفرجناه كيف كيف
بون فلافامي تاعي كامل ياكلوا صباح يعني فطور الصباح بمعنى الكلمة انا اما تصيبوني نشرب فالما و لا حاكمة حليب بشسكولا كيما مام مالقغي كو بابا عالعام يقولي كولي رح تفشلي رح طيحي مي مانديرش عليه اصلا حتى لو مرضت بابا يدبر راسه راني عارفة يفريها
لعد مافطرنا ماما قاتلي نخرجوا ياخي رانا في موسم التخفيضات سووولد نروحوا نشوفوا تقسيم شافيها و اذا كاش حاجة لدار نروحوا نشوف ياخي الفيد مي معليش
بينما نحن نبحث و نستخبر على الأسعار ماما جبدتلي سوجي شوي حساس
ريتاج : دودا بنتي شاعندك على كريمو ولد خالك
جودا : هاا؟؟
ريتاج : جوغ اممم
جودا : جوغ وش..شاكاين
ريتاج : ولد خالك راه جاي لترك بعد سيمانة و جوغ بغيت نعرف اسكو رح تتنارفي و لا نو اي تو
خراء على وجه ذلك الاحمق
جودا : هي ماعندي والو معاه اذا حب يجي مرحبا بيه اذا ماحبش كاين  الحيطان
ريتاج : يعني متقدريش تكوني شوي شوي شووي هكا لطيفة معاه
جودا : كون نكون لطيفة معاه يحسب روحه و ماشي نتي لي نقلك شاراه حاب كريمو ياخي ولد خوك و تعرفيه
ريتاج : و نتي علاش ماكيش مقتنعة بلي هو راه يفكر فيه
جودا : مام حبيبتي عندي 20 عام اولا مانيش نخمم في زواج دوك
ريتاج : و شكون قال راني نهدر على زواج
جودا : اهه ها شوفي خييمار شباب شوفي لاكولوغ شابة احم..
و هربت من ماما
مام تقولشي عايشة داخلي يعني علابالها بكلش لي راني نخمم فيه  حتى لو مهدرتش و مين نبغي نفهم و نقوو كيفاش تقولي كنت عايشة كيما نتي بون رجعنا بدار و درنا كلش بعد يومين كان الثلاثاء طبعا الام خدامة الاب خدام الاب خدام جلال يقرا و جاد و جار يقروا طبعا و بقيت وحدي فدار لانو مانقراش كل يوم اصلا مابقاليش بزاف و ندير حانوتي ماما راهي خادمتلي البروجي و راني حاسبة شحال يجينا الحانوت كامل راني نستنا برك بابا يزيدلي دراهم و نفتحوا بقالي برك فينيسيون و ديكوغاسون و نبدا نصنع لانو راني ملايمة من خدمتي عند ماما (امي ذكية)
عيطتلي ماما قاتلي روحي للمطار راه جاي كريمو على الربعة تع عشية
اوك قلت واتفاك محال امبووسيبل روحي نتي
قاتلي ماتوصلش بكري و تخرج على الخمسة بون عصرت قلبي و رحت خارجة لأتاتورك اربورت
ندخل نستنا الفول تع باريس وصل ربع ساعة مكانش نورمالمون المشكل تع الباغاج غي في الجزاير ماشي في ترك و كامل خرجوا بقا غي هو مشفتهش
حتى جا عندي واحد يهدر بوحدة الاونجلي جابتلي الضحك بصح ملاكسون تع الاونجلي تاعه عرفته بلي فورنسي
السيد :ايسكيوزمي دو يو سبيك اينجليش
جودا : اهه نتايا من فرونسا
بلغة الطغواسون طبعا
السيد : اوه الحمد الله تغهميني  
جودا : نفهمك بيان ديجا اصلي من جزاير و نهدر الفرونسي...أنا جودا متشرفين
ايا و نسمع سيد وحداخر يعيطله ميشال ضرتله نصيله مون كوزان الخرا اععع علاش هاذ البنادم كلما نشوفه يولي شباب واااي
(لغة الكغواصون)
ميشال  : هاني صبت وحدة تفهم الغرونسي بلاك توريلنا وين نروحوا
شافني كريمو و كيشغل ابتسم لي انا طبعا بوكر فايس
كريمو : سي با لابان راهي قدامك بنت عمتي جودا
ميشال : وي علابالي ناس ملاح البنت
جودا : شكغا شكغا حشمتني
ميشال : بصح كيفاش هذي الشابة تكون بنت عمتك ياخي نتا مقلة و هي حورية مديت والو من عمتك نتا و لا جداتك و لا شاه
كريمو :ايا قادر روحك و الله نخليك هنا و نروح
جودا لميشال : قصده نتا تروح معايا و هو يبقا
كريمو بالجزايرية : ماعرفتكش كيما هاك تع شاشرا راكي باغية تديه معاك و تروحوا وحدكم بلخف
و فجأة طلعت رجلي و ضربته فديك البلاصة لي اححح
جودا بالجزايرية : في بالي داسرتك بزاف نتا تاوليت طول في لسانك عليا يا الخرا افسم بالله ماني داياتك و طير بيك بصوالحك لفرنسا ياخي عبد خامج
و رفدت روحي و خرجت رحت لدار طبعا يستاهل بني.. تف و منقدرش نعاير والديه لانو خالي و عشقي بعد بابا و جلال و جار و جاد و جدي و جدي نيميرو دو و عمي و ولده صفيان بعد يجي خالي ماشي بزاف
و رجعت لدار دخلت منارفيا طلعت لبيتي بلخف ردخت الباب ماما مافهمت والو و بابا تانيك جار و جاد كانوا في الدار تانيك يعني يخافوا مني في هذي الحالة لانو ندير كيما هاك نبكي تبانلكم بلي تقلاش اي تو مي ملي كنت صغيرة و انا نضحك نخبي بزاف في قلبي عكس ماما على حساب ما بابا حكالي مي و الله يديرولي حاجة نطرطق و نزيد مع كامل المشاكل لي كانوا مجمعين
دخلت للبيت نحيت قشي و لبست لاقان تاعي و رحت للسرير حكمت مخدة تاعي الزاوجة و احتضنتها تقولشي بيبي يخاف تهرب ماماه
حتى تفتح الباب
ريان : واش صرالك بنتي شاكاين
كانت عاطيته بالظهر يعني مايشوفش وجها حتى قرب ليها و بقا يمسح على شعرها يعني اكو فاهمين نورمالمون
ريان : شكون زعف دودا تاعي نروح نضربه
و مازالت ساكتة
ريان : صح شاصرا مع كريمو
جودا : قالي بلي نتي تع شاشرا راكي باغية تقعدي مع صاحبي وحدك
ريان : شكون هذا صاحبه
دارت جودا عند ريان
جودا : كريمو جا مع صاجبه سموه ميشال و كانوا متودرين تلاقيت ميشال لول و تعارفنا لاني الوحيدة لي نفهم فرونسي فاتاتورك و نين هدرنا انا وياه جانا كريمو و مين قاله .....(بلا مانكمل مانعاودلكمش)
ضحك ريان تاشبع على شادارت جودا بثح بعد تكالما
ريان : احم..صح هو يستاهل بصح كيشغل ماشي خسرتيله المستقبل تاعه يعني شوي
جودا : كون يجي قدتمي نرميه متاقة هذي ماشي نضربه ولد البارح باغي يعلمني كيفاش نتصرف يهدر على خواتاته ماشي عليا يلبسوا المعري و العياذ بالله
ريان :ابنتي ماشي مليج تهدري في بنات خالك كيما هاك
جودا : معلاباليش بيهم اصلا مايبغونيش تقول شي قتلتلهم شي عبد  و زيد بنت خالي محمد ماشي كيفهم و خير منهم
ريان : شوفي جودا هذو من دمك ماشي ناس برانيا ماشي مليح تهدري فيهم بلاك ببعد تصيبيهم معاك و تقعدي نتي تتحسري و ضميرك يأنبك مين تشزفيهم وقفوا معاك و تانيك فرنسا ماتسمحلهمش يلبسوا الحجاب ماشي كيما في ترك المهم ماتزعفيش و ماتعمريش راسك بهذو صوالح كلشي يفوت و تاحاجة ماتبقا كيما هاك ماتقلقيش روحك نحتاجك غدوا تكون اون فوغم ياخي حانروحوا مع ماماك مش نكملوا حانوتك
جودا : شااااه حاتكملي الحانوت اععععع بابااا نبغييك
و سوطات عليه تعنقه و تسلم عليه مثل ماكانت دير مين كانت صغيرة
جودا من النوع القوي بصح كون تعرفها بيان تحسيها برك بيبي صغير راه حداك
.....
اوك طولت و بلبزاف و حقيقة معنديش سبب باين مي سمحولي دخلت بالأحد بديت نقرا حسيت روحي ماديتش فاكونس كامل
طبعا باك بداونا بالسيريو مي انا مانديرش عليهم
بصح نوغمال
انتظروني في جزء اخر