خرجت و عيطت لبابا و انا فرحان
كريمو : ابا غادي نتزوج امين رح نتزوج
امين : وش غي الخير بالاك هبلت
كريمو : لالاا جودا بنت عمتي قبلت تتزوج بيا راني عندها و رايح نخطبها دروك دبر راسك الله يسهل عليك ارواح نتا و ماما راح نتزوج بعد شهر تجي خوتي ماتجيبهمش دبر راسك انا نتزوج بعد شهر
امين : استغفر الله اربي وشبييك نتا باغي يقبلك ريان تتزوج ببنته كيما هاك
كريمو : ماشي هو المسؤول عليها جدها
امين : ايه سي بير عليه روح اولدي الله يهديك
كريمو : معلاباليش بيهم جودا تكون مرتي و الباقي ينحرقوا
امين : اووو نتا سامط و الله
كريمو : حانقطع باي
عند امين و أحلام
أحلام : شاكاين وش صرا لولدي
بقا امين يشوف في تيليفونو حتى ضحك
أمين : ولدك راح يتزوج بنت ريان في شهر
و تطلق احلام ديك الزغريدة الجزايرية في دار
أحلام : نووض نووض ريزارفي نروحوا نهبطوا للبلاد اجري
أمين : هذا الولد و الله...قالي انا نتزوج جودا و الباقي ينحرق
أحلام : ماكالله نقولك نتا شاقتلي نهار لي جيتو تخطبوني
أمين : ماقلت والو برك قلت الحقيقة
أحلام : ماتكدبش عللى روحك راك فرحان بوليدك خرج كيفك فوطوكووبي
أمين : سي فري... ايا نوضي وجدي الصوالح ني خارج
و ناض وخرج بينما أحلام راحت تخبر ولادها
اما عند كريمو و جودا
طولت عليه بلبزاف دخل صبها بدلت قشها و تشرب عليلو بيبرون لي كان فصاكوشا تاعه
حسي جزء من حياته رجعله و نص قلبخه تعمر قرب ليهم و عليلو يشوف فيها برك و هي تعاملوا كأنو مه من كرشها و هي لي جابتو
كريمو : مارحش ترفضيه و تقولي انو ولد مرا وحدخرا
جودا : مادامه ولدك علاش نكبر في المشكلة
مين كمل البيبرون تاعه قعدت تمسحله على ظهره حتى تقرع " حشاكم اسمحولي" بعد ناضت
كريمو : كيفاش تعرفي لهذو الصوالح انا و مانعرفهمش
جودا : كنت نخدم عند ماما و نص الخدامات يولدوا في رحبة سبحان الله ايا كنت نشدهلهم و نوكلهم مام نبدلهم ليكوش انا اصلا اي حاجة عندها علاقة باسم طفل نعشقها
ضحك و خرج قبلها بينما هي رفدت عليلو و راحت
غي خرجوا من الحانوت صابو صفيان قدامهم بلوطو
أنت تقرأ
حلالي 2 (باللهجة الجزائرية)
Humorالجزء الثاني من كرونيك حلاليي استمتعوااا *لا تحكم عن الكتاب من غلافه*
