الولادة بعد الموت

ج2

الو.. الو..
نبأ: هذا منو كاعد يدك هسة خل انطي رفض..
رجع دك مرة ثانية ورفضتة..
اجاني مسج.. فتحتة..
يا حظ المكان بيك
يا حظ من هم حواليك
يا حظ ناس تشوفك
وانا مشتاق اليك

نبا: هاي اول مرة يدك علية رقم غريب
منو هذا والاهم منو انطا رقمي ظليت حايرة منو ديدك.. فاتت نيران..
نيران: هااا توج كعدتي... جبت الكرزات والجوكليت اريد اسولفلج كم سالوفة..
لو تعرفين اليوم اجة ولد صارحني.. لو تعرفين يانبوتة يخبل طول وعرض..
نبأ؛ كعدت نيران تحجيلي عالكبل مالتها واني حايرة بهذا الرقم الغريب كل مايدك ارفضة..
نيران: هاي منو كل شوي يدك.. وانتي شكلج ضايجة منة..
نبأ: وين ضايجة... وياج وياج.. كملي..
نيران: يا ويايا.. اني بديرة وانتي بديرة متكوليلي شنو المحيرج..
ومنو هذا الي يدكلج..
نبا؛ مااعرف.. بس دزلي مسج...
نيران: شو اشوف..
لج هذا داز رسالة عالفايبر..
نبأ؛ ويعني شنو..
نيران: حفظي الرقم وهسة يطلع اسمه واذا حاط صورة بلكي تعرفي..
نبأ: ولج نيران.. انتي شنو.. صار ساعة افكر.. شون اعرف منو كاعد يدك علية..
همزين جيتي.. زين شااكتب..
كتبي حرف اي شي..
اوكي.. دقيقة.. هسة بين.. هذا مهند البياتي..
نيران: هذا منو.. مهند..
نبأ: طبعا شكيت هو.. مااعرف.. بس مين حصل رقمي وشيريد..
نيران: ساليني اني غير جاوبين.. وتعرفين شيريد..
نبأ: لاشون مااكدر..
نيران : شو جيبي.. ولج هذا شنو نبأ يخبل هاي واني صار ساعة احجيلج شاب وحلو وانتو ظامين الحلاوة يمكم كلها..
اذا متردي جيبي اريد..
نبأ: جريت تلفوني منها كانو بكلماتها تجر واحد من ممتلكاتي الثمينة،
جيبي ولج، شنو انتي كل شي تريدين تاخذين..
نيران :خلص.. جاوبي وشوفي شيريد وبعدين سولفيلي سالفتة شنو..
دك.. شلتة..
الوو..
الووو.. واخيرا ردتي..
نبأ: اكو شي..
مهند: احم.. احم.. اكو اشياء.. اشياء لازم تعرفيهة.. ولازم.. ولازم..

لازم شنو..
اني رح ادخلج بالمفيد نبأ اني احبج واريدج الي..

نبأ؛ شنوووو...
ليش الذكريات لازم تهاجمنا ليش صايرة مثل المرض الي مو رايد يتركنة.. ليش مو راضية تختفي من ذاكرتي ليش يارب ليش..
مسحت دموعي، ورجعت لصوت صفاء الي حسيتهة كلش فضولية وحابة تعرف ليش وشعجب وشمعنى..

صفاء : يمعودة انتي شنو.. جكد عاطفية هسة استلمي الجاي احلى..
نبأ: يمكن كلمة الجاي احسن..
رجعت لحتى اسمع قصة شذى الي كل كلمة منها لامست جروحي وهيجتهم..
........ ..... .........
شذى:شنو..
الي سمعتي شذى.. اني احبج..
والله احبج.. اعرف شتحبين شتكرهين..
لأ.. لأ.. ماكو شي تكرهيه..
شذى: حسن شهالحجي.. عفية خليني انزل هنا.. فدوة..
حسن: شذى.. مو جنتي كالبة الدنيا علية..
شذى؛ عمود فلوسك.. فلوسك خوية ردت ارجعلكياها..
حسن: اني.. مو اخوج.. مو اخوج اني احبج.. رايدج بالحلال..
شذى: حطيت ايدي ع حلكي.. ممصدكة..
حسن.. افتحلي الباب.. افتحة الله يخليك..
فتحتة.. ونزلت واركض مااعرف شون ابتعدت بخطواتي..
واحجي ويا روحي الحمدلله.. طلع سكران.. شون ركبت ويا..
عزة العزاج شذى لو كاسر ركبتج بعد هالعمر الناس تحلف براسي.. هيج انزل من سيارات ناس مااعرفهم.. تلكتني مرة اخوية.. تلكتني وجسمي كلة يرجف..
هااا.. جيتي وين صرتي هياتة السوك.. وين رحتي..
شذى: عزة.. نسيت علاكة المسواك.. بسيارة حسن...
مااهتميت لحجيهة.. بس حسيت نار كبرى وشبت بية..
وجهي صار ازرق من الخوف..
ولحد هسة ايدي وجسمي يرجف سمعت مرة اخوية تصيح شذى ولج شذىلج شبيج هذا ابن ابو خماس جاب المسواك..
شذى؛ شنوو ..
هيفاء؛ خلف الله علي الولد تعنى وجاب المسواك يكول تخربطت.. خيرج...
شذى :منو بيت ابوخماس..
هيفاء؛ تذكرين من رحنا اشترينا ثلاجة ومجمدة منهم وابنهم غيث الجبير الله يسلمةهو نقلنا الغراض، وهذا الولد وياهم.
شذى:يعني حسن جان ويا الولد فات لبيتنا..
ابنهم اسمه حسن مين تعرفي..
هاااا.. مو ايام مجانت امي عايشة نصعد
يودينا..
هيفاء؛ امممن.. بصوت كانو ممقتنعة..
شذى؛ اروح اعزل المسواك..
هربت من اسئلتها..
وظليت افكر.. بحجية..
جنت اشتغل واسمع ضوية تصيحني..
من المنور.. شذاوي.. شذاوي وينج ركضت فتحت الباب الجانبي..
هااا.. ضوية شونج عيني حمدالله ع سلامتج.. شونهم الاهل..
ضوية؛ زينين.. هاج هاي امي دزتلجياها..
هاي شنو..
برتقال ع رمان ع جبن وزبد مسويهم بالبيت..
شذى؛ شنو هالزحمة.. والله ماكو داعي..
يووو. شون بيج ولج ماكو زحمة.. ليش اذا اني نسيت امي متنسى جكد داريتيها واني بالدوام..
شذى: شدتحجين ضوية والله عيب تعرفين امج عزيزة علية من اشوفها اذكر امي..
شذى؛ تسلمين حبيبتي..
هيفاء : واحنا عيني ضوية.. مو جيران..
ضوية:حبيبتي انت وينج دوم اسال عنج مموجودة لو يم اهلج يو طالعة ويا المحروس رجلج وهاي المكرودة حايرة بالجهال..
هيفاء؛ هي متقبل تطلع..
ضوية؛ طبعا عيني خايفة ع روحهة من الحسد..
هيفاء؛ اروح ع ابني..
ضوية :الله يساعدج شذاوي.. متنحمل.. باعي العصر تعاليلي عندي كوم حجي وياج..
شذى:واني هم...
للعصر رحت بيت ضوية كعادتها محضرة كل شي..
هاج الجاي..
وذوقي هذا الكعك لايك لحلكج..
شذى؛ تسلمين كوليلي شردتي تكولين
ضوية؛ سالت رجلي.. وطلع ابو خماس مزوج وحدةغير زوجتة وحسن اخَوهم من ابوهم. بس امة الله يرحمهة صار حريق بيتهم وماتت..
شذى؛ خطية يعني يتيم..
اي، وهو عازل روحة عن اخوتة، وميقبل ياخذ منهم..
شذى؛ من هاي المسكين يشتغل تكسي..
ضوية؛ المهم اني حجيت ويا خواتة خولة واحلام وكتلهم شعجب مامتزوج لحد هسة..
كالولي جان خاطب بس طلعت مو خوش ادمية وفسخ،
كتلهم ليش متدورولة وهو طخ ال30..
كالو عالاساس لاكيلة وحدة بس بعد..
ضوية: ماادري ليش حسني كلبي انتي، يارب انتي..
شو ساكتة وبكلبج حجي.. شكو..