الولادة بعد الموت

ج8

لمن يختفي الالم وتغيب اعراض المرض تحس براحة انو خلص ارتاحيت حتة ميخطر بالك انو انت مريض بس من اشوف صفاء وكل جلسة تجي بضحكة تودع البنات وتكللهم احتمال الجلسة الجاية مااكون مو جودة..
حيل اخاف واكول رح يجيني يوم كل ليلة ويوم اودع اهلي واحبابي.. واخليهم يعدولي لحظات..
بعد اخر تقرير خفت لااخذ كيمياوي مرة ثانية ولتاذى بدون فائدة جنت كاعده بيت صفاء و الي اهلها اعتادو وجودي وفرحو لمن شافوني ويا صفاء..
صفاء : لج بابا انتي حالتج سهلة بس يحتاج صبر.
نبأ: بعد مااريد اتاذى، مااريد صفاء
هذا الحجي تكولي لمن تخلصين كل العلاجات وميجيب نتيجة.

احسن شي نشوفهة لمعتز..
نبأ: لا.. صفاء عفية الله يخليج حيل استحي من اخوج..
صفاء: ليش تستحين.. قابل رح يخطبج..
نبأ: عم الصمت لثواني.. دخل معتز..
صفاءحست جرحتني اعتذرت مني لان هذا الموضوع حساس بالنسبة الي..
نبأ: مرحبا.. معتز اني رايحة للبيت..
صفاء :نبأ.. وين رايحة.. اني اسفة..
معتز: محد رح يجي يوصلج..
نبأ: لا.. هسة اخذ تكسي..
معتز: دنيا ليل.. وين تروحين..
صفاء؛ نبأ.. لاتروحين هسة.. ابقي..
نبأ؛ تعبانة صفاء اروح احسن..
خلص خلي معتز يوصلج.. اجي وياكم..
معتز؛ لاتخربين بالطريق يلة نبأ اذا مصرة تروحين..
نبأ؛ ماكو داعي معتز والله..
معتز: يااختي اعتبريني سايق تكسي واوصلج..
يلة امشي لاتصفنين والله متخليج صفاء تطلعين امشي..
نبأ: كعدت بالمقعد الخلفي ووجهت وجهي بااتجاه الجامة..

معتز: صفاء، دايما لسانها طويل ياما لسانها وكعهة بمصايب،
نبأ: هااا.. صحيح مرات.. اهة.. ابتسامة خفيفة..
نبأ.. اني اشكرج لان انتي باقية ويا صفاء بهاي الاوقات،
لا... يمعود معتز بالعكس صفاء الها دور بحياتي ماانسى..
معتز: تعرفين صفاء طعنتها اقرب المقربات الها صديقتها..
طعنتها شون؟

زوجت زوجهة بنت عمي الثاني وهي صديقتها المقربة، لهذا هي طلبت الطلاق لان تعرف كل المرت بي صفاء..

مرات اكو اسرار بحياتنا اشخاص محددين يعرفوها واذا انكشفت فهو بسبب موقف او صدفة تحضرنا معتز كالي ع سر من اسرار صفاء اني مااعرفة رغم اني جنت شايفتهة كتاب مفتوح بس اكو اسرار داخلنا منحب نحجي بيهة لان تبين نقاط ضعفنا وخوفنا من شماتة الناس وشفقتهم مرات احساسنا المرعب والمؤذي نحطة بعيد عن انظار الناس حتى الي نحبهم عمود لاناذيهم بس اليحبونة صدك هم الي يحسون بااوجاعنة حتى بدون منحس.. وكان معتز واحد من الاشخاص الي جعلني اتغلب عن الرعب العايشتة من الموت..
معتز: اكلج.. انتو ع شنو تعاركتو انتي وصفاء وشنو لازم شوفيني..
نبأ: لا ماكو شي..
معتز: نبأ اني اسف بس اني سمعت كل الحجي الحجيتو سوا..
اوكي لاتزعلين، بس اني بدون مااكلج خابرت ولد صديقي بالهند وحجيتله عن حالتج وشجعني ادزلة اوراقج عمود جيك الوضع، ونلكي علاج نهائي وانتي بمراحلج الاولية..
نبأ: لا.. مااريد.. خايفة مااستجيب..
معتز : هاي الكلمة شيليها من قاموسج اذا تريدين تعالجين السرطان.
نبأ؛. د. معتز.. اني خايفة.. واكثر شي خايفة منة انو اهلي يتاذوون وهم يشوفوني انازع الموت..