الولادة بعد الموت

ج9

مرت ايام الحداد ع روح صفاء كل الي بالفاتحة بجو من كل كلبهم بجو ع انسانة خلوقة محبة تركت بصمة خير بنفوس كل العاشو وياها وعاشروها اول مافتت دا اعزي والدة صفاء جرتني  وكعدتني يمهة،، وظلت تبجي وتبوسني وتكولي من ريحة الغالية..
اما خليل.. فجان منهار واي احد يحجي ويا يصيح ويعيط.. سمعت طراطيش حجي من امة واختة انو هاجر زوجتة من اشهر، ومن ماتت صفاء حمل امة واهلة وزر مرض صفاء وتطليقة الها جانت اكو بنية تحجي ويا دفعها وصاح عليهة..
ولزمت زاوية.. وكعدت تبجي..
مرات لو جكد مانعيش ونحب مستحيل يكون حبنا نقي وصافي مثل الحبينة لشخص خسرنا بسبب الضرووف اني بهاي اللحظة سامحت مهند.. سامحتة ولكيتله اعذار هواي عمود مااشيل بكلبي..
بس تمنيت اواجهة مرة ثانية واسالة ليش وعدتني بالحب وليش تركتني اول ماوكعت..
دخلت غرفة صفاء...
كانت عدنا ذكريات بهذا المكان بعد ريحة المستشفى بي.. طلعت مستلزمات طبية جانت تستخدمهة دخل علية معتز..
هاي انتي نبأ.. شكاعد سوين هنا..
نبأ: اني اسفة دخلت بدون اذن بس..
مو هذا قصدي انتي ليش شيلين أشياء ثقيلة..
نبأ؛ معتز اني متاكدة صفاء رح تفرح اذا تبرعنا بهاي المستلزمات لمرضى سرطان مو كادرين يدفعون تكاليف علاج.. وحتة اكو جرعات رفضت صفاء تاخذهم جمعناهم وتاكد من صلاحياتهم ورحنا تبرعنا بيهم لمرضى ماعدهم امكانية الدفع..
ومعتز استشار امة بفلوس وذهب صفاء هم يتبرع بيهة ع روحهة..
طبعا عائلتهم علمتني هواي اشياء مجانت تجي ع بالي، اكو ناس هواي بحاجة علاج مساعده شفت بعيني هواي حالات ماعدهم امكانية لشراء العلاج لان تتجاوز كلفة الجرعة 200او 300الف..وهاي لجلسة وحدة..
واللي ماعندة يموت بدون مايحاول لان يلزمو الباب شغلة ثانية شفتها بمستشفيات الاورام الطبيب يباوع عالستيج مال مرض اذا بمراحلة المتقدمة ينصح اهلة وذويه ياخذو ويعدولة ايام ويركز علي الستيجات الأولى لان سهلة وبحجة ذولة بيهم امل طيب المسكين مراحلة الاخيرة هذا هو يصدرولة شهادة وفاة مع وقف التنفيذ بس يفصل الروح لفت نظري ولد جان يتعارك ويا الطبيب وباين علي فاهم..
اتخيلتة طبيب بعدين اكتشفت انو ابن مريضة السرطان منتشر بجسمها والدكتور يكلة المرض مستفحل ومالة علاج اخذ امك واسال ربك يخفف عنها..
ظل يتناقش ويا الطبيب ويقنعة انو قاري واكو دراسات وبحوث تثبت اكو علاجات تغذية او تجويع الخلايا السرطانية، يكولة ماكو هيج عدنا..

نبأ: الاطباء عدنا لايدرسون ولايكتشفون لهذا الطب متاخر عدنا وهواي وفيات.. نتيجة لخوف الطبيب من ردة فعل الاهل اذا فشل العلاج او تاذى المريض..
بينما المرضي برة يكونون متطوعين للعلاج بدون تذمر..
المهم بالنهاية معتز لزم الولد وكالة احنا الطب عدنا هيج
واذا حاب تجرب هذا العلاج انطا العنوان
وكف على صفحة وبجة ع والدتة..
طبعا الشي الي ورثتة من صفاء فضولها..
ردت اعرف قصة ام علاء شنو؟
شوية واجتي اختة ووالدتة.. كمت وكتلهة تفضلي خالة استريحي..

ام علاء :خالة اسفين كومناج..
نبأ: لاخالة اصلا تعبت من الكعده..
ام علاء؛ جاية ويا مريضة،
نبأ: ضحكت.. اي مثل هيج خالة..
شوي واجة معتز وماشي ويا الولد...
اجوي ناحيتنة..
معتز: نبأ اعرفج ع علاء.. هذا الولد رح يساعدنا بسفرتنا للهند يعرف ولد هناك خلي رتب الوضع وندز اولياتج الة ويكولنة راي الأطباء هناك...