الولادة بعد الموت

ج5

دخلت المرحلة الرابعة واريد افرج العالم ع سعادتي، طبعا هاي الحركة اليسوووهة المخطوبات دائما عمود الناس يشوفون الحلقة، جنت اضحك.. بس جنت بلا وعي اسويها وكل شوي اغسل اباوع عليهة انام اباوع عليها فرحي مكان بالزواج فرحي اني رح اكون مع الانسان الي حبيتة،
بس كوني خطيبة مهند كان لازم اسوي كم شغلة،
مهند: هاي شنو نبأ..
شنو شنو اكو شي ع راسي..
وخرة مهند وخرة..
صوتج نبأ.. ماكو شي بس ليش شعرج طالع..
شعري.. شوية مطالع..
مهند: ممنوع ولاشعراية تطلع..
وتنورتج كصيرة.. مو كتلج لاتلبسين كصير..
نبأ: وبعد.. شنو معاجبك عمود اغيرة..
مهند: نبأ انتي تعرفيني جكد احبج، وهسة انتي مرتي، ومرتي مااقبل احد يشوفها غيري.. بعدين هيج احلى والله شنو معناة الكذلة والربطة سوا ذكريني باام الكيمر..
ام الكيمر مو...
روووح لاتحاجيني...
تعالي.. تعالي.. مو انتي باعي مغطية شعرج وحلوة..
مجموعة أشياء تغيرت بشخصيتي.. ملابسي طلعاتي عنادي كله تغير تغيرت عمود حبك عمود اشوف رضاك مو مهم شو حابة شو حاسة جنت انت سعادتي انتي حبيبي روحي.. ليش وكت مااحتاجيتك اتخليت عني.. ليش مهند وين وعدك الي مو كلت ماتعوفني شو عفتني ورحت، خلصت السنة الرابعة والحفلة مال تخرج جكد جنت متحمسة الهة ردت بس تخلص لاصير مشكلة ويتاجل العرس جنة متفقين بس تخلص الامتحانات نتزوج واهلي واهلة كل شوي يختلفون ع شي ونرجع كوة نصلحة، جانت لهفتة لشوفتي وحدهة تملي الالاف قصايد من الحب وحظنتة قضبان رجال عاشق لحبيبتة..
ودموعة ليلة زفافنا كانت تطمن الف مشكك بهالحب..
وحظني حظنة لحد احس بوجعهة بعظامي كان اجمل يوم واحلى احساس
اخ..
مهند: نبأ.. ممصدك.. ممصدك انتي بين ايدي.. هنا بغرفتي.. ممصدك..
نبأ.. احبج انتي ماتتخيلين كل ليلة فكرت رح تغيبين بيهة عني موت.. موت احمر..
نبأ: هياتني.. بين ايدك.. اني اكثر شي فرحانة بي.. هو اني بحضنك وانت زوجي حبيبي..
مهند.. ماتعرف.. شو صار بية واني انتظر تخطي خطوة وتثبت للكل ان حبك حقيقي.. مو كذب.. داخلي متاكد متعوفني.. بس شك.. شك كان يموتني يومية..
مهند: خلص من اليوم ماكو شك بس حب وبس.. اني احبج.. وماكو قوة بالدنيا رح تفرقنا رح ظلين حبيبتي وام بيتي ام اولادي فرحتي وسعادتي انتي...
تعالي خ نغسل ونبدل ونرتاح خلاص ودعنا التعب للابد..

مضت ليلة زواجنا وكان مهند يحبني حب كل لحظة يخابر ويطمن شونج اخبارج..عاونيهم بس لاتعبين روحج..
الاشياء الي كالها ابوية كانت كلها صحيحة.. عائلة جبيرة وجهال وهوسة يعني الراحة والهدوء ودعتها بيت اهلي..
وفعلا مهند مكان يكدر يسوي خطوة بدون دراية اهلة ولان زواجنا كلف هواية جان يشتغل لساعات متاخرة..
واني مااكدر انام ولااصعد غرفتي الا يجي هوا لهذا جنت انتظر ومجبرة اسمع حجيهم واختلافاتهم.. ومجنت ادخل بس انتظر الباب ينفتح ويجي مهند...
يغسل احضرلة عشا واصعدة الة...
واغلب الاحيان الكى نايم..
كنت تعبانة طول الوقت بس كنت استحمل لان مهند حبيبي..
والشهادة لله جانو يحبوني.. بس الشغل هواي والكل ايدة بالشغل.. اضافة لااولادهم..
امي دائما تسالني ليش وجهج شاحب عيونج تحتهم اسوود.. كنت محتاجة الراحة.. ومرات روحتي لااهلي تكون عبارة عن قيلولة اعوض بيهة التعب..
لان مهند ميقبل ابات لان اهلة يحجون المرية متنام برا بيتهة..
مر شهر ونص تقريبا..
بدات عندي حالات لعبان نفس ودوخة مستمرة ع طول وصعوبة بالبلع والتنفس بالليل...
واكثر من مرة صار عندي حالات اغماء..
واخرها بحفلة زواج ابن اخو مهند.. جنت اركص وفرحانة محسيت بروحي الاوكعت وركض بية مهند للمستشفى كل ظنة حامل لان كل العلامات تدل ع ذلك كتبلي دكتور ع تحاليل لان دنيا ليل.. ورجعنا ذيج الليلة كلها سهرانين نفكر شرح نسمي ابنا الجاي ومهند كل شوي يبوسني ويحضني ممصدك..
ثاني يوم مهند استأذن من والدة ورحنا سوينا التحاليل بس مجان من ضمنها فحص حمل..