الجد : والله هذا عمار شلون يخلي بتة تلبس هيج و انوبة عدهة سيارة روحي ارتاحي هسة و بعدين احجي وياج
طلعت برة الغرفة دخلت للمطبخ كامت وحدة من النسوان اجت حضنتني حيل و كالت
عمة هند : حبيبتي اني عمتج هند اخت ابوج الجبيرة
ليا : تشرفت بيج
عمة هند : شوفي ابوج عندة اثنين خوات و اربع اخوان
ليا : شدعوة يعني 7
عمة هند : اي حبيبتي اهنانة اقل شي الواحد يجيب خمسة
ليا : ........
عمة هند : باعي عمة هاي عمتج هناء اصغر من ابوج بسنة و اني اكببر منة ب 5 سنوات وعندة بعد اخوان علاء الجبير ورا كاظم ورا اني ورا ابوج ورا هناء ورا جاسم ورا قاسم وعمامج هسة بالديوان روحي سلمي على عمتج هناء
ليا : هلو عمة شلونج
عمة هناء : هلة يمة مثل متشوفيني حزينة على الغالي ابوج روحي سبحي و بدلي ملابسج لان اكيد تعبانة من السفر
ليا : اي عمة ياريت تعبانة كلش بس ما اندل الحمام و الغرفة وين
عمة هناء : تعاي سجى دليه على الحمام و الغرفة
جتي بنية كالت تعاي وراية جريت جنطتي و امشي وراهة دلتني على الحمام و ودتني على غرفة و كالت ارتاحي اهنا دخلت شفت غرفة مو كلش جبيرة مثل غرفتي و بيهة خمس جرابي ام النفر و دواليب و شي يفتر بالسكف ما ادري شنو خفت ليوكع علية كمت امشي بالحافة مال الغرفة طلعت ملابس و رحت للحمام سبحت و لبست هاي ⤵
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و مشطت شعري و عفتة مفتوح صار اطول من ملابسي نمت على وحدة من الجرابي محسيت الا على بنية تكعد بية كمت شفت الساعة بال 9 الصبح كلت
ليا : صباح الخير
رقية : صباح النور كومي بسرعة جدو يريدج
طلعت هية و اني كمت غسلت و جهي و مشطت شعري و عفتة مفتوح و طلعت بس بعدني بنفس لبسي ⤴ الفوك المهم طلعت رحت للمطبخ شفت كومة نسوان يبجن سالت عمة هند على جدو كالت بالديوان كتلهة شنو يعني ديوان كالت هاي الغرفة الجبيرة الي البارحة دخلتيلهة انتي و كلهة رياجيل كتلهة ها اي عرفتعهة كالت روحي بدلي لتروحين هيج لبسي لبس طويل ما عدنة وحدة هيج تلبس عفتهة و رحت بقيت بنفس ملابسي و دخلت للغرفة مدري ديوان شفت رياجيل هواي بس مو نفس البارحة البارحة اكثر اشرلي جدو اكعد يمة رحت كعدت يمة وكال
