ليا
دنسولف و هو شابكني عادي يعني جان اشوف الولد اجوي من بعيد معصبين مدري شبيهم يركضون علية كمت و كلت
ليا : هلو شباب
يزن : ليا بسرعة للبيت و انت روح ادبسز حاضن عرض الناس ( بعياط )
علي : ولج شدسوين وية الولد ها ( بعياط )
ليا : شبيكم انتو العراقين شكد مكروهين ( حشاكم بس هية القصة هيج )
الولد ( كرايبهة ) : هسة شيكولون الناس على عرضنة بسرعة لا اذبحج ( بعياط )
ليا : اي عود بكيفك تذبحني طخني و شوف شسوي بيك
لزمني وراد يضرب بوكس اني بسرعة ضربتة جلاق بمنطقتة الجوة ( اسفة على هاي الالفاظ ) و شردت لسيارتي وشغلتهة و رحت للبيت
الولد : وج حقيرة هسة ارجع و اموتج ( بعياط )
ليا
دخلت للبيت و رحت للمطبخ شفت الولد دخلو و هذا الولد الي ما اعرف اسمة اجة علية و جرني من شعري و بقينة نتعارك اني ويا نوب هو ضخم و كلة عضلات صارت اعياط اجو عمامي و جدي و النسوان يفاككونة و احنة منمطلين بلكع و نتعارك بلخير وخرونة و اني سويت وجهة دم لان جنت امطولة اضافيري و هي من النوع القوية و هو فاصخ ايدي و عاض رجلي حيل عبالك جلب ........ الي يشوفنة يكول جهال ........ اجت بنية يمي اذكر اسمه سجى و كالت
سجى : ولج شلون تكتلين حسين
ليا : ليش ملك و ما ادري
سجى : لا قصدي عيب تكتلين ولد
ليا : يضربني وتريدين ما اضربة
سجى : عادي نتعرف
ليا : اي اني ليا عمري 18
سجى : و اني سجى عمري 20
ليا : تشرفت
بقينة نحجي و صرنة صديقات و اني حجيتلهة شلون جنت عايشة و هي حجتلي على حياتهة و كالت همة يبطلون بالثالث متوسط و جانت تتمنة تدخل كلية ............ بعدين كالت خلي نروح نتعشة همة عادتهم يتعشون يوم الجمعة الكل سوه رحت كعدت يمهم جان حسين قريب من يمي فراد ياخذ جناح الدجاجة جريتهة قبلة شفتة عصب مد ايدة على الخبزة اخذتهة قبل كام كلشي يريد ياخذ اخذة قبلة بالاخير جرني من شعري و كعني بلكع ( طبعا صوجي اني خبيثة 👿 ) جريت الشوربة و لطختهة براسة و كمت اضحك شفتة صار احمر من الغضب جان كاعد يم جدو جر الجاي مال جدو و جبة علية ........ جان جدو شمر شحاطتة علينة ( اني جنت واكعة بالكع و حسين جان صاعد فوكاي ولازم ايدي فماكدر اتحرك ) لمن جدو شمر الشحاطة صارت على راس حسين فوكع صار وجهة بوجهي صفنت عليه حلو ملامحة حلوة و اسمراني جان احس على نفسي دفعتة و كمت جدو عيط علينة و طردنة اني جنت جوعانة ملتهية بس بالعراك رحت سبحت لان صرت كلي جاي و لبست هاي ⤵
أنت تقرأ
حياة جديدة
Romansaبنت اصلهة عراقية تعيش في المانية و تعود الى العراق بعد موت واديها لتلتقي باعمامها الشيوخ قصة باللهجة العراقية
