عــاشــق جــارتــي

البارت الاول

عاشق جارتي
بقلم ✍️
(( اساور العزاوي ))
خلي أعرفكم على نفسي 😊
اني اسمي .. ( شهم ) .. عمري ٢٨ سنة
طويل القامة جسمي مليان .. طبعي عصبي جداً
بس بنفس الوقت گلبي طيب
اهواي عندي مُعجبات بس ما أحب اسوي علاقة ابأي بنت
لان قبل ٨ سنوات حبّيت وحدة وياية بالدوام ..... واتفقنة
على الزواج بس انكمل امورنة .. بس بعد شهر اجتي وكالت :
اني انخطبت وراح اتزوج .. رغم چنت اني كلّش أحبها !!
عافتني وراحت چان عمري عشرينا صغير بس انقهرت
من تركتني بس چنت طايش يعني بفترة قصيرة نسيتها ..
ما أحب الإنسان الّي يبيعني .. طلعت من عيني وراحت
الله يسعدها .. وحالياً اني مُعلم أداوم ابمدرسة إبتدائية للبنات .. إحنة عائلة تتكون من ٣ أولاد وبنيّة وحدة ..
الكل متزوّج وطالعين ، فقط اني أعزب .. وأقرب شي إليَّ
من العائلة .. حمودي حبيب خاله
ابن اختي عمرة ٤ سنوات هذا فد واحد أبو لسان وكلّش حلو
بس مصلحچي 😂
من يجي ويا اُمة يمنه يقشمرني ويخليني أصرف كل فلوسي
عليه .. اُمي تشوف تعلقي بكل الأطفال !
وتكوم اتلح علية أتزوج ..
اُمي چانت اتلح عليه اتزوج وما أتزوج .. أريد افرح بيك
خابصتني يومية أسمع هل اسطوانة من الصبح .. بس اني
ماشفت الإنسانة الّي تعجبني و أكمل وياهة حياتي !
يوميّة جايبتلي صورة وحدة
و أكلها .. لا ، ما عجبتني ❌ .. واُمي تريد تاكلني ..
اُم شهم : " ابني اشطلعت وياك احتارينة وياك جبنالك الطويلة
والگصيرّة والضعيفة والسمينة .. مدگلي إلمن اتريد ؟؟
والله متلگة أحسن من مُنى بنت أخوية سمير ..
شهم : " يمّة ترة هي أذواق ! وبعدين هاي عِشرَة عُمر ..
لازم أختار الّي تناسبني !
اُم شهم : " وشبيها مُنى ؟
شهم : " يبوو يمّة مابيها شي عوفيني هسه ما أريد اتزوج ..
اُم شهم : " دفكّر بيها وإنطيني خبر يايمّة ..
شهم : " صار ياست الكل .. أوعدچ أفكر بيها
لهنا وبس خلي تكمل وياكم ..
           (( هند ))
     مساء الخير على عيون
أحلى متابعين الاساور العزاوي ..
هند : " اني هند عمري ٢٣ سنة طولي وسط .. لون بشرتي
حنطي شعري تمري لونة ، عيوني واسعة من صغري والكل
يسميني اُم اعيون الحلوة .. لون عيوني عسلي ..
صاحبة رموش طويلة .. مربربة 🙈
هواي ناس تتقدم الخطبتي بس أرفض .. لاني صغيرة
وأحب أكمل دراستي .. إحنة عائلة بس بنات ماعدنه أخ
أبوية حالتة المادية كلّش ضعيفة گوّة امدبريّن العيشة !
اني وأخواتي ٤ اثنين أكبر مني .. متزوجات الوِلّد عَمي
بس اني الحمدلله ماعندي ابن عم راهم چان ابن عمي حسن قبل زواجة حِچة بية وكال أريد هند بس .. مرت عمّي مقبلت .. أخذتلة بنت أخوها وسوتلي فضل .. كلش چبير لأن حابّة أدرس رغم حَسن مناقصة شي بس بعدني اصغيرة 😢
أبوية رجّال چبير يومية يروح للگهوة .. يجي للبيت فقط
وقت الأكل .. چنة عايشين على راتب التقاعد مالت جدي.. 
كلش چان قليل الراتب ، بس الحمدلله مدبرين امورنة وعايشين اُمي چانت تعين أبوية بالخياطة !
بيتنة چان ملك ابـ بغداد الجديدة
اهنا بدت قصتي ..
چان اكو شخص كلش غني يتردد للگهوة بين فترة وفترة
بمرور الأيام اتعرف على وآلدي وصاروا أصدقاء أبوية .. !
الگهوة چانت على طريق مدرستي  ..
من أطلع مرات أشوف أبوية گاعد بالباب مالت الگهوة
أ أشرلة ابإيدي يجيني .. أكولة أريد افلوس ! ينطيني ..
أروح أشتري بيهم شي آكلة .. لأن أطلع ابليّة أكل الصبح ..
ف مرَّة من المرّات شافني هذا الرجل الغني .. ومن يومية
طلب ايدي للزواج ..
أبو هند : " ابنيتي ادري  بيچ اصغيرة بس والله تنسعدين وياه
اني مو دايم الچن .. انتي وخواتج ماعدچن أخ وآني تعبان !!
وهذا الإنسان مَليّان .. تعيشيّن وياه أميرة !

هند : " يابة ماريدة شنو تخبلت آخذ رجال عمرة ٤٧ سنة !!
اشبية ناقصني إيّد رِجِل .. بعدين دراستي ما أعوفها !
إترك هالسالفة رحمة على روح جدي ..
ابو هند : " عيب ! الرجال حاچاني و گتلة إعتبرها إلك !
هند : " ليش يابة ليش هيچ لگمتي صارت ثكيلة عليكم ..
أحچي وابچي ما أتحمل بس انقهر و دموعي تنزل اُمي
چانت فقيرة متحچي شي !!                             
بقى هذا الرجل الغني يلح ويروح ويجي  ..
والعالم چانت تحلف ابراسة شيخ كامل والنعم منة ..
چنت أسالهم ليش .. ميتزوج ابهالعمر ؟             
گالولي إتزوج وزوجتة متوفية ابحادث ..
چان يجي للبيت مالتنة ابـ أرقى سيارة راكب (( مرسيدس ))
الجهال تلتم عالسيارة .. والكل يقنع بيّة وافقي متلگين أحسن
منة .. بعد ما أبوية بقى يلح عَليّة ... إنقهرت ماردت أزعلة .. واني چنت طفلة كلشي ما أعرف !!
وافقت عالزواج ..
گتله بابا .. خلي نسأل عنة گال ولچ الناس تحلف ابراسة !!
وافقت وراحت دراستي واني چنت بالثانوي 😔
بعد مَلحتة لـ بابا على الشيخ كامل .. وافقت !
شيخ كامل : " اني كامل عمري ٤٧ سنة متزوج وزوجتي
توفت بحادث سير بداية زواجنة .. وما فكرت أتزوج !!
بقيت أشتغل وعايش وحدي .. شفت هند بالصدفة چانت جاية
على أبوها للگهوة ، ومن لحضتها گلت :
هاي الّي جمالها يسحر !!
بقيت صافن ابوجهة وأكيد أبو هند مراح يرفض ..
لأن كلّش يقدرني .. إتقدمت لخطبتها و چنت خايف !
البنية تُرفض لإن فرق بالعمر كلش چبير ..
بعد ماسمعت الموافقة منها حيل فرحت !
وخفت اتغير رأيها .. إستعجلت بالخطوبة ، قرينة الفاتحة 
انطيتها فلوس هي وأمها تاخذ ملابس وشغلات للعرس ..
هند : " العفو عمو هاي هواية فلووس
كامل : " هههههه شنو عمو اني زوجچ!
هند : " آسفه .. بس اني اشووف كلمة عمو حلووة
كامل : " والله ما حلوو غييير هالووجه هههه
وهاي فلوس النوب اخذي الأهلچ وأخواتچ ملابس ..
هند : " لا والله عمو هواية وخواتي عدهن !
كامل : " ممكن اتركين كلمة عمو وبلا نقاش ياصغيرتي ..
هند : " چنت كلش أخجل منة بيوم وليلة صار خطيبي !
واني ما أعرفة وأحس نفسي مو گد مسؤلية زواج ..
بس بعد خطيت هالخطوة و لازم أكملها .. أخذت ارقى الملابس چنت أشوف المعلمات يلبسوها ، واني أتحسر ..
ماعندي إمكانية آخذ هيچ شي .. أخذت كل شي أحلم بي ..
إلّي والأهلي .. مابقى شي ابنفسي حتى فساتين الحنة
أخذت أكثر من فُستان !!
وإجة يوم العرس أخذوني الأرقى صالون ابـ بغداد
شافتني صاحبة الصالون والعاملات تخبلوا علية
شكد حلووة وصغيرة انتي طفلة اشلون أهلچ زوجوچ ؟
حچيت إلهم كُل شي قسمة بعد ..
اجة كامل ياخذني وهنا انصدموا أكثر !!
چانو متوقعين هذا وآلدي ..
كامل : " سبحان الخالق شنو هالحسن ماشاءالله
شفتها مابقى عقل براسي ! معقولة اني آخذ هيچ ملكة !!
بقيت صافن ابوچههَ .. !!
هند : " إتأخرت اهواية .. من زمان امكملة
كامل : " اي والله اتأخرت تعالي صعدي تعالي ..
هند : " شو بس ٣ سيارات !! وينهم أهلك ؟
كامل : " أهلي امسافرين وهسة مو وكت حچي ..
يعيني إحنة بالشارع 😕
هند : " صَعَدِت بالسيارة وكامل ما شال عينة مني ..
الزفه كلها ٣ سيارات وكية لصديقاتي وخواتي
أخذوني للفندق وآني أبچي شلون حفارگ أهلي
بوّست اني الكل وراحو 😢
كامل : " شبيج حبيبتي ليش هالدموع
انتي يمي ماكو بعد حزن راح اعيشج مثل الاميرات !!
لان انتي اميرة وتستحقين هالشي !
هند : "  چان يحاچيني ابهدوء
بس حيل خايفة منة .. ما أعرف ليش !

يتبع