عــاشــق جــارتــي

سحرتني جارتي البارت الثامن

سحرتني_جارتي ﴿ 8 ﴾

ابقلمي اساور العزاوي ..

هند : " متدري اني دا انتضر شهم وبدلت من وكت
ماريد احد ينتبخ عليه اذا ابدل واتحضر بوقت متأخر
راح ينتبهون اكثرر .
هند : " عاجبني اليوم اهتم ابنفسي حرام ؟
ام هند : " ممممم ابكيفج !
هند : " وصل حسن وبابا واني بقيت بالمطبخ
الف بالكبة ماطلعت سلمت ..
حسن : " وأخيراً وصلت بيت عمي هلكان .. تعب
كلشي موبعيني اريد اشوف هند شلون صايرة !
بعدها نفس جمالها لو احلى اكيد ملكة
هي كل ماتكبر تحلووو غير لو بس تجي عاد اشووفها
ام هند : " كومي سلمي ابن عمج هنا عيب !
ابوج سألني عليج كدامة كتله تكمل البيدها وتجي
هند : " استغفر الله ربي ..
ام هند  : " تره زودتيها هو سلام ..
هند : " افتهمت .. نفضت ايدي غسلت ..

شلت سارة ورحت اتقصدت اروح بلكي يشوف سارة ويبطل ..
حسن : " جنت اغسل وجهي وحسيت هند دخلت للاستقبال ..
نشفت ايدي وعدلت شعري
ودخلت غرفة الخطار ..
انتبهت هند مندارة وتعدل ابشعر الطفلة ماشفت وجهه ..
كحيت .. السلام عليكم !
هند : " فزيت وكفت على حيلي .. وعليكم السلام
حسن : " وكفت كدامي شنو من طوووول شنو من جمال ..
بالله عمي عنده هيج جمال اخ ..
هند : " اشلونك ..
حسن : " ابخيرر الحمدلله انطيني الطفلة
هند : " كون ما تستغرب .. ابسرعه اتخاف
من اتشوف احد ماتعرفة تضل تبجي ..
حسن : " لا جيبيها متخاف مني فدوة فدوة ..
شكد حلووة تعالي حبيبتي تعالي ..
هند : " اخذها وبسرعة كعدت ابحضنة ولابجت !
حسن : " اخبارج هند ..
هند : " عايشين الحمدلله اروح اسويلها حليب ..
هند : " طلعت من يم حسن وخايفة
شهم اذا عرف شراح يكول !!
والنوب حسن نضراتة الي تخووف ..
شراح يخلصني ياربي ..
حسن : " طلعت وعافت الطفلة ابحضني ..
واني كلش احب الاطفال بقيت اسولف وية الطفلة
ومرت عمي رايحة وجايه واني انوم بيها لحد ما نامت ابحضني
هند : " كملت ورحت انطيها الحليب شفت سارة نايمة ..
هاي شنو نامت .. !
حسن : " اي نامت الاطفال يحبوني هسة ابن هالة
متعلق بية ..
هند : " فدووة الكلبة اشكد مشتاقة الهم .. ليش مجوي وياك
حسن : " ما احد يعرف اجيت عليكم
عندي شغلة اببغداد ومريت ..
هند : " انطيني سارة انومها ..
حسن : " لا خليها عادي ..حلو اسمها !
هند : " شكراً بس اتضوجك جيب انومها ابمكانها ..
حسن : " اخذت الطفلة مني وتقربت مني عطرها
يخبل .. بقيت صافن عليها وايدها صارت بأيدي ..
بقيت صافن عليها بدون وعي عيوني بعيونها
هند : " اخذت سارة وحسن مشال عينة مني
اشبي هذا كل عقلهم اوافق ..
حسن : " كعدت احجي ويه نفسي ..
ضيعتج قبل مراح افرط بيج مرة اخرى ..
آخذها يعني آخذها

هند : " صار الليل وكعدنا نتعشى وحسن
جان كل شوي ينضرلي نضرة ابمكر ..
ويبتسم الي ابتسامة خفيفة
جنت اسوي نفسي ما مهتمة
رن جهازي رسالة ..
طلعت للمطبخ اشوف منو رسل رسالة !
شهم : " وينة الحلو غايب عليه اليوم
بيمن ملتهية شفت سيارة ببابكم غريبة عدكم ضيوف ؟
هند : " رديتلة اليوم جنت ملتهية عندي شغل
ويمنا ضيوف مشتاقتلك وربي .. 💔
شهم : " ما اعرف منو هاي الضيوف الي يمهم
اول مرة اشوفهم .. احتمال بيت عمامها .. !
اشوكت اتصير بالوحدة واشوفها ماكو صبر ..

هند : " لميت المواعين وغسلتهم
وعفت اهلي وحسن كاعدين
صبيت الجاي ..
وكلت : اني اترخص رايحة انوم سارة
حسن : " بعد وكت .. جيبيها انومها .
هند : " لا من تنام بمكانها اتضل للصبح نايمة ..
ضوجتني اريدها تنام ..
حسن : " لدكولين ضوجتني متريديها
اني اريدها فدووة شكد محبوبة ..
هند : " ههههه يومين وتشمرها عليه
لتشوفها تضحك ترة تخبلك ..
حسن : " وشعندي اني راضي اتخبل .. ابتسمت الها ..
هند : " ماعرف شجان يقصد اترخصت منهم
اخذت سارة ورحت ..
يله حنومها اذا مانمت انزل ..
حسن : " منتضريج ..
هدى : " تعالي نلعب دومنه وين رايحة ؟
حسن : " اي والله ايام الدومنة صدك
هبة : " نوميها وتعالي ..
هند : " باجر اليوم تعبانة
هدى : " اووو لازم اطلع حجة ..
هند : " هههه ولج اذا نامت من وكت انزل..
صعدت سارة بسرعه طبيت سبحت
عاالسريع وثبتت شعري .. وكعدت عيني عالشباك
شهم : " اي اي صعدت الضوة انفتح خلي اشوف
هند : " شهم يتصل ..
الو .. ؟
شهم : " يااا الواات وينج عايفتني وحدي اليوم
هند : " هلوو حياتي مو عندي شغل ..
شهم : " واني ما اقبل اي شي بالكون يبعدني عنج
هند : " بعدهم كاعدين خلي ينامون عيني عالباب اخاف ..
شهم : " منو الضيوف الي عدكم .. !
هند : " حسن ابن عمي .. !
شهم ها الي ماخذ اختج .. !
هند لا اخوه ..
شهم : " ممم شرايد .. ؟
هند : " ماكو شي عندة شغل اببغداد
ومر علينة .. من تجي نحجي ..
شهم : " ماشي كتوكتي اموت على هالصوووت احبج احبج ..
هند : " هههههه اموت عليك يله روووح عاد ..
شهم : " وين اروح جايج بالليل .
هند : " راح ينور البيت ..
.شهم : " ابنورج يابعد الدنيا واهلها ..
هند : " كافي روم عاد هههه
شهم : " صار صار ..

هند : سديت الجهاز ونزلت اشوف الوضع ..
امي وابويه نايمين .. وسهى بالغرفة كاعدة ترسم
سديت الباب عليها استغربت حسن وينة ؟؟
انداريت ..
حسن مرتجي على الحايط ..
حسن : " .. لازم نامت
هند : " اسم الله فززتني..
حسن : " ههههه اشبيج .. !
هند : " اي نامت اجيت اشرب مي ..
حسن : " اكدر احجي وياج .. ؟
هند : " ابخصوص شنو ..
حسن : " اكدر احجي لو لا ؟
هند : " احجي ..
حسن : " اهنا !؟
هند : " لعد وين !!
حسن : " اقصد تعالي نكعد
ابغرفة الخطار ونحجي افضل ..
هند : " لا بنتي فوك اخاف تبجي وما اسمعها
واني مستعجلة ..
حسن  : " لعد روحي باجر نحجي ..
هند : " من رخصتك ..
حسن : " ما اعرف ليش تحجي وياية ابهالشكل !
احسها تبتعد عني .. بس عمي جان حجيه
غير شكل ممم يمكن اتكون خجلانة مني .. !
هند : " اووف اوووف ما اعرف اشلون
اتخلصت منه وصعدت .. ولكيت مكالمة ورسالتين من شهم
شهم : " وييييج ردي ماكو صبر ترة راح اطفر ردي
هند : " عززة بعيني شبي ههههع رديت ..
تعال بس بدوون صووت ..
فتحت الباب على كيفي وشفت شهم وطولة الحلو 😍
جاي يمشي بالسطح ..
شهم : " وينج موتنيني اليوم ..
هند : " هسة مو وكتها تعال جووة ..
شهم : " شبيج خايفة ..
هند : " ابن عمي جووة لايسمعك ..
شهم : " تعالي لعد جوة ..
هند : " قفلت الباب وكعدنة نحجي ..
شهم  : " مشتااااكلج اهواية ..
هند : " اني اكثر ..
شهم : " شو اليوم احسج بااردة
كلامج متغي .. !
هند : " دنكت.. شهم ..
شهم : " ياكلبة وروووحه .. عيوني الج كولي
هند : " شهم ابن عمي اهنا ..
شهم : " اي !!!
هند : " جاي يخطبني .. 😢
شهم : " تشاقين ..
هند : " لا والله ما اشاقة هو من قديم اتقدملي
ورفضتة وهسة رجعلي ..
شهم : " وانتي اموافقة .. احجي !!
هند : " طبعا لا ..
شهم : " بعد شكووو مدام رافضة ليش ضايجة !
هند : " بعدك متعرف ولد عمي من يردوون شي
ياخذو لو بالغصب .. !
شهم : " وكفت  على حيلي .. دشوف الي ياخذج مني منو ..
هند : " نصي صوووتك اشبيك اتريد تفضحني .. !!

يتبع ...