سحرتني_جارتي ﴿ 2 ﴾
إتقرّب إلية كامل بس اني بعدتة وخفت وگتلة : عفية عوفني
كامل : " لتخافين منّي اني زوجچ حبيبچ !
هند : " اي أعرف بس لتتقرب مني واطلع أريد أغيّر ملابسي !
كامل : " هههههه إنتي حلالي شنو أطلع ! تعالي اشبيچ .. ؟
هند : " راح اروح أغيّر ملابسي بالحمام وأطلع ..
كامل : " هههههه تالي وياچ !
هند : " بقيت أتهرّب منة خايفة بس ما أعرف اشلون
قنعني ابأسلوبة وإستسلمت الى كلشي چنت ما أعرف 🙈
كامل : " إنتي أحلى شي صار ابحياتي انتي طفلتي المدللة
راح ادللچ لإن انتي يلوكلچ الدلال ..
هند : " يحاچيني واني مبتسمة وخجلانة ابنفس الوقت ..
نمت لإن چنت كلّش تعبانة وكعدت الصبح كامل نايم ..
خجلت اكعدة ، لمّيت غراضي وخليت البدلة بالجنطة ..
وحسّيت كامل گعد !
كامل : " صباح الورد ..
هند : " صباح النور ..
كامل : " شو گاعدة الحلوة من وكت !
هند : " متعودة على الدوام الصبح بالمدرسة ..
حتى بالجمعة أكعد من وكت ..
كامل : " سبّاعية طفلتي الحلوة ..
هند : " هههههه شكراً
كامل : " يلا خلّي أتصّل يجيبون الريوگ
هند : " كملنا الريوّگ .. وحضرنة غراضنة
طلبت منة أروح الأهلي ، وهو خطية ابسرعة وافق ..
رحت سلمت عليهم عبالك صار سَنة ما شايفتهم ..
وأخذني كامل للبيت مالتنة چان بيتنة ابزيونة يخبل حيل حلو ..
ومناقصة شي ، غرفتي اتجنن .. العطر ابكل مكان بالبيت ....
مَر شهرين على زواجي وفعلاً عِشت أميرة
كامل دللني أي شي أريدة يصير يمي ..
چانو يجون هواية ناس عليه ما أعرف شيريدون ..
يكعدون جوة أسمع مرات صياح أسِألة :
يگلي .. شغل معليچ بيهم ....
الى إن إجة اليووم الّي فهمت شنو شغل كامل !!
إجاني بلاغ على كامل لازم يحضر المحكمة ..
عليه ديوون بالملايين !! إنصدمت وانقهرت حيل !
يعني چنت مخدوعة كامل چان امسافر ..
أخذت وانتضرتة يوصل .. وسألتة ونِكر ! گال مستحيل !!!!
متوهمين بالإسم .. چان يشوف صِغَر سنّي عبالة ما راح اعرف بقيت أسأل وأطلع فعلاً كامل نصااااب !
ناصب على اهواي ناس وماخذ افلوسهم .. !
گعدت دگيت ولِطمت كامل گلي ..
روحي الأهلچ بين ما أحلها ..
أخّذ ملابسة وطلع من البيت ما أعرف وين راح !!
مرّت الأيام وآني ابّيت أهلي وسمعت كامل لازمي !!
وهو هسة بالسجن .. ومحكووم عليه ١٥ سنة !!!!!!
وأملاكة كلهن راحن .. إتصادروهن ونص راحت للديانة ..
هنا إنتهت حياتي .. گتلهم مستحيل بعد أبقى على ذمتة .. !
أهلي إنقهروا عَلية حسو همَ السبب .. لحو عَلية زايد
قدّمت دعوة طلاگ بالمحكمة ومشيت بالمعاملة ..
وإطلگت منة غيابي ! ، رغم الّي سواه كامل .. !
بس كلّش إنقهرت عليه !
لأن ما أذاني .. بس تركتة گلت لازم أشوف حياتي ..
اُم هند : " كامل ماهمني الي صار بيه ! ولا همني السجن ! چان بالي بس يم هند ابنيتي الحلوة اشلون هيچ راحت مني !
اشكالت علية هسة .. ! اووف اشسويت بنفسي اني ..
هند : " بعد طلاگي من كامل ابـ أشهر عرفت اني حامل !
أهلي چانوا يلحون علية أنَزّل الطفل ! بس رفضت ..
لإن الطفل شنو ذنبة !! وبعد ٩ شهور وِلَدِت بنتي سارة ..
چانت كلش حلوة .. وهواي تشبه أبوها !! بابا راح وحچالة
گال : هاي دنية ولازم يعرف الطفل راح ينكتب ابأسم وآلدة
حچالنة أبوية .. من سمع كامل كلش فرح !
وبنفس الوقت گعد يبچي ... !
أخذت إلها صوّر من صار عمرها شهرين .. ودزيتهم
الأبووها للسجن مرّت أيام وقررنا انبيع البيت !!
بابا باع البيت واشترالنة بيت اصغير على گدنا ..
حتى نگدر نفرق اشوية من المبلغ الباقي .. ونسوي بي شغل لگينة بيت ابأطراف بغداد حيل حلو ..
وصغير والمنطقة حلوة وهادئة .. !
وبالمبلغ الباقي بابا فتح محل
للمواد الغذائية قريب على بيتنة ..
يتبع
أنت تقرأ
عــاشــق جــارتــي
Romantizmقصة حقيقية واقعية. اتمنئ تنال عجابكم دعموني بلمتابعات والتصويتات
