عــاشــق جــارتــي

ســحــرتــنـــي جــارتــي البارت الرابع

سحرتني_جارتي ﴿ 4 ﴾

هند : " حارّة طبيت أسبح كملت كل الشغل ..
اجيت أسبح وشهم ما راح من بالي أتذكر اشلون نضرتة چانت
اليَّ تخبل .. ياربي ليش هالكد فكّرت بي .. آخ اذا هو اشلون
شااب يموّت .. كملت سبح طلعت امشّط شعري

هند : اندگت الباب وطلعت اُمي
سمعت صوت امريّة اتحاچي اُمي
لبست الحجاب وطلعت ...
اُم هند : " تعالي هنودة هاي اجتي
اتسلم علينة بيت اُم شهم جوارينة !
هند : " ابگلبي گلت : صَدَقَة اشلون شهم هوا 😍
هند : " أهلاً خالة زارتنة البركة ..
ام شهم : " هلا ابنيتي شلونكم ان شاءالله مرتاحين ..
هند : " أكيد خالة الحمدلله
كلش حبيت المنطقة اتفضلي ليش عالباب !
ام شهم : " اجيت اسلم وبعد شوية امرلكم حبيبتي ..
هند : " خالة البيت بيتچ كل الهلا ..
ام شهم : " طلعت وبگلبي اصلي على محمد ..
اشلون ابنية اشلون جمال ..
وصلت البيت لگيت شهم يشوي بالسمچ
شهم : " ها يمة رحتي للجوارين ؟
ام شهم : " اي والله خوش ناس اشگد طيبين ومتواضعين !!
شهم : " اريدها بس اتجيب طاري هالگمر الي عدهم ..
چلبت امي بمتواضعين ..
شهم : " الحمدلله طلعو خوش ..
ناس اهواية همة بالبيت لو قليلين ؟
ام شهم : " عدهم بس بنات خطية
ماعدهم ولد كلهن متزوجات ....
شهم : " انصدمت رفعت راسي كلهن !!
ام شهم : " لا الكبار متزوجات عدهم بعد اثنين
شفت وحدة تبارك الخالق ملكة .. طول وشكل وجسم
شهم : " ابگلبي گلت اووف يمة بهذلت أحاولي ..
هاي البنية غير لو تدرين شسوت بية ..
ام شهم : " وين تصفن اشبيك هاي صار يومين ..
توزع ابتسامات وصافن اشبيك دحچي .. !
شهم : " اوو يمة حتى اليصفن ميخلص ..
هند : " راحت خالة ام شهم فدووة ..
اشكد يشبهة شهم نفس الملامح ..

طلّعت سويت بسكت و چاي السارة و گعدت بالحديقة أوَكلها
وچان عيني اتروح على بيت شهم ماعرف ليش بقيت اباوع ! حسّيت نفسي اريد اشوفة مرة اخرى ..

شهم : " لازم اشوفها انوووب بس
اشلوون امي هي الي راح اتودي العشى ..
گعدت بالحديقة اسمع صوت بحديقتهم وصوت طفل .. هذا الطفل منو .. ؟
اكيد اخواتها المتزوجات اهناك ..
او خاف هاي متزوجة !!!

دخت واني افكر بيها بلوة مو ابنية ..
ام شهم : " يمة اتودي السمچ ؟
واني اجيب باقي الأكل وراك .. !
شهم : گال لازم أبيع ثكل اشوية ما اريد ينتبهوّن اهلي ..
شهم : " اشبيچ يمة !! شنو طفل اني اروح ؟؟
خلي احد يروح ابمكاني ..
ام شهم : " جوارينة من الباب شكو بيها !!
السمچ حار محد يگدر يشيلة دگوم يا ابني .. ما اگدر وحدي !
شهم : " عود ضجت .. اووو يمّة .... صار

أخذت السمچ واني ضايج ..
دگيت الباب .. وانفتح
السلام عليكم ..
ام هند : " هلا وعليكم السلام ..
شهم : " اني شهم هاي من الوالدة وهي جاية وراية ..
هند : " سمعت صوووتة وگال اني شهم
وگفت الحيلي بس مشفتة .. الشجر گدامي ..
شهم : " احچي وية امها وعيني عالبيتهم بلگي تطلع ..
ام هند : " شنو هالزحمة والله خجلتونة ماكو داعي ..
شهم : " هذا واجبنة وما امسوين شي خالة ..
ام هند : " الله يرضة عليك ابني تعبناكم ..
تعالي هند وين اختچ وحدة منكم تجي وياية ..
هند : " صاحت امي مصدّگت ذبيت سارة على هدى ..
ولبست شال على شَعري يتبع