عــاشــق جــارتــي

ســحــرتــنــي جــارتــي البارت الثالث

سحرتني_جارتي ﴿ 3 ﴾🔞🔞

گعدت الصبح لگيت اُمي گاعدة تتريگ ..
مگدرت آكل .. شربت چاي وخليت سارة يمها ..

هند : " هاچ يمّة وكليهة .. رايحة أغسل السطح
ام هند : " تعالي حارّة عوفي !
هند : " لا بعد الجوّ زين ! خلي اكملة ..
ام هند : " ابكيفچ ...

هند : طبّيت الغرفتي عندي دشداشة قديمة وردي لونها ..
بس للشغل مخليتها ، لأن ضيّقة وگصيرة ما أگدر ألبسها
من أحّد يجي .. لبستها علمود آخذ راحتي ..
شديت شعري وصعَدِت .. صعدت فتحت باب السطح ..
سمعت صوت بالسطح !! انداريت شفت شاب مرتب طويل !
حيل حلوو ! ما أعرف بعد اشلون أستر نفسي بقيت مصدومة
شهم : " إنفتح الباب اني اتفاجئت !
وطلع ملاك نازل من السماء ..
بس وردي .. مو أبيض مثل الأفلام .

ابنية شابة اتخبل لابسة دشداشة وردية ..
امخصّرة على جسمها ، كل مفاتن الإنوثة بارزة !
شفتها وانصدمت !! ما أعرف شسوّي ..
أشَبّع اعيوني بالنظر .. مدري أحچي مدري أسَلّم ..
مدري أنهِزم .. وهيَّ هم شافتني انسطرت !
يمكن خافّت !! گلتلها ابتوتر : منوووو إنتي شسويّن اهنا !
هند : " ابرعب وخوف وتفاجئ .. هو إنتَ منو وشسّوي اهنا !
شهم : " ااااني شهم ( أريد اكمل إبن ...  )
هند : " شهم !! والشهم يعبر على اسطوح الناس ؟
شهم : " اوگفي اوگفي أفهمچ لتصيحيّن ..
اني اسمي شهم ، هذا بيتنا
والطيارة وگعت اهنا وعُبَرِت لإن البيّت فارغ .. !
هند : " لا صار يومين من إشتريناه ..
إتذَكَرت نفسي وشلابسة .. رِجَعِت ورة الباب و گتلة .. روح !
شهم : " انتبهت النفسي بعدني على سطحهم ، گتلها آسف ..
رايح وطفرِت الستارة ورحت ..
أخذِت حمودي ورحت الغرفتي ..
وصورَتها ابعيني مدا اتروووح ..
اويليي اشلون ابنية اتخبل 😍

هند : " طبيت ركض وسديت الباب ..
شفت الوَلد راح بس أحِس گلبي يريد يطفر من مكانة ..
حيل إرتِبَكت .. ما أعرف اشصار ابحالي ، اتخربط كلشي بية .. انتبهت على نفسي إشگد عيّب شافني هالشكل لابسة ..
هسة اشگال عليّة ..
بقيت أحچي ويَ نفسي ورة باب السطح ..
الحد ما إتأكدت راح ...
اُم هند : " ها شو سديتي الباب ؟
هند : " اي يمّة دا أسوّي بالمَي ..
هسة أكمّل وأنزل ..

هند : بعد ما اتأكدت الوَلَد راح .. صَعَدِت غِسَلت السطح ..
وكل دقيقة أتخيّلة وراية وأفِز .. لحد ماكملت السطح ونزلت ..
وبقيّت كُل اشويّة أتذَكرة ما أعرف ليش .. !

شهم : بقيّت صافن وأتذَكر البنية وملامحها .. اوووف
أريّد أشبَع شوّف مِنها .. وحمودي ابهاي الأثناء شبَّعني كَتِل .. لأن يسولِف وياي واني بالي فوك السطح 😂 ..
صاحولنا نتغدة ، طبعاً ناكل واني صافن ..
وأشوف أهلي يتغامزون واحد للثاني 😉
ام شهم : " يمّة اُم امحمد انطاچ أخوچ المواصفات المطلوبة .. لو بعد ؟
ام محمد : " لايمّة لِسة گاعد يفكر .. !
شهم : " هاي شنو اشبيكم .. عليمن تحچون ؟
اُم شهم : " اُكل اُكل مو يمّك السالفه .. يتهنّة الشاغل بالك ..
شهم : " أگول صدگ يمّة منو مشتري بيت اُم هادي ؟
اليوم سِمَعِت صوت بي .. والباب مكنوس ومرشوش !!
يمكن سكنو بي ناس .. !
اُم شهم : " هاي شنو من اشوكت سكنو بي اشو ماندري ؟
شهم  : " اها ماتدرين .. لعد العصر روحي يمهم .. شوفيهم
أخاف محتاجين شي !
( ابگلبي .. وشوفي بتهم الصاكة وياريت تخطبيها موتت ابنچ )

اُم شهم : " اي والله هذا واجب ولَو ..
مالي عين أدخل بيت اُم هادي خِسرنا جورتهم الحلوة ..
اشلون ناس طيبين !
شهم  : " يمّة إدعيلهم بالتوفيق اشترو ابحَي امرتب
وبيت كبير .. افرحيلهم
( ابگلبي .. دسكتي يايمّة انتي شفتي الغزال الي يسكن
بي .. لو أدري قبل ١٠ سنين إمشيل بيت اُم هادي 😂 )
اُم شهم : " فرحتلهم والله بس الجار الزين !
ابهلزمن مو سَهِل اتحصلة ، راحت جورة قبل ..
اليوم أروحلهم ونسويلهم نزلة ..
هم : " نزلة شنو يمّة ؟
اُم شهم : " هاي تقاليدنا يمّة ..
الجار الجديد نسويلة أكلة وندزها إلهم !
شهم : " اها خوش شسوين ؟
اُم شهم : " ما أدري !!
شهم : " اوك راح اروح اليوم للسوك ..
أجيبلچ سمچ وأشوي .. ودزّي إلهم !
ام شهم : " اي يمّة عفية انت ابو البيت اهنا وهذولة جيرانك !
شهم : " ( اوووووف بلكي انصير نسايب همّة شلوون جار )

يتبع ...