عــاشــق جــارتــي

سحرتني جارتي البارت السادس

البارت السادس

سحرتني جارتي

هند.دك المبايل وية كل دكة كلبي يدك ..
الو..
شهم . فدوه هلصوت شلونج
هند،، هلوو ..ضحكت شلونك ..
شهم ..شلوني
شلوني من البارحه لليوم دايخ وبالي وتفكيري بوحده
هند. ليش دايخ منو هاي الوحدة ..
شهم . الليل كله اتحلم بيها اول مره يصير بيه هلشكل يمكن سويتيلي سحر والصبح طفر كلبي من شفتج
هند..! اني؟
شهم . ليش هو اني شفت غيرج . من البارحه لليوم واني اريد طريقه احاجيج بيها وما لكيت حل
هند . اي قابل بعيده السطح بصفك وانت تعرف تطفر
شهم . شلون بالله طفرت وصحتو حرامي شكوووول
هند' اذا كل الحرامية هالشكل ..مستعدة خلي يجي يسرقني راضية ..
شهم . ههههههههه شمعرفني بعد . البارحه زين ما فشختيني كلت ماتقبل ...
هند..ههههههه لا ماافشخك ليش اني اكدر..!
شهم . لعد لو ادري كان بقيت من البارحه بسطحكم شلون هوه بي عذب وماينمل. خلاني طول الليل اتخيل..
هند، سكتت شوي تدري شهم .
معرف ليش بقيت عيني على بيتكم ومن اول يوم شفتك معرف شصار بحالي مابالي احد غير بس شهم ..
شسويتلي انت فهمني
شهم . اوووف هند لعد لو تدرين شصار بيه اني اخاف احجي لا تزعلين
هند،، ماازعل انت اخذت گلبي قبل عقلي ..
تعرف شنو صرت مثل المضيعة ابنها عيني عالبيان والله ....
شهم . هند الليل كله تخيلتج كبالي تخيلتج يمي صورتج بعيني كلشي اشوفه كدامي انت . والله مو طبعي اهتم بموضوع البنات بس مستغرب من حالي..
هند . شهم ثق بالقرآن . لا تتصور قبل مسويتها ونطيت رقمي لاحد ولا تتصورني سهله بس قسما بالله وداعة عافيتي نفس الي صار بيك صار بيه . والبارحه فكرت كلت حتى لو متزوج هم راح احبك واليوم ماتتصور من عرفت من امك انت مامتزوج شكد فرحت .
شهم . تحجين صدك هند . ولج اني الي متخبل وشلون اعرف شي عنج
هند . اي حتى تتصورني وحده رخيصه مو
شهم . وداعة والي اغلى شي عندي لا مفكر هلشكل ولا عندي عندي هيج فكره
هند . انتظر خلي يهدأ الوضع ونشوف شلون تصفى
شهم . اوك عيني الي تشوفي اني وياج للموت
هند . هواي اكو شغلات لازم تعرفهن
شهم . اوك {{{اساور العزاوي}}}
هند . صارت الساعه بـ١ الوقت مناسب واني اعرف نفسي راح يصير بيه مثل البارحه . لازم اجازف اني ماشفت راحه بحياتي اهلي باعوني لانسان علمود فلوسه ومحد فكر بيه وبمشاعري ولا يوم من الايام اقتنعت بي زوج الي فارق العمر بيناتنا كان كبير كامل كان اكبر من بابا كل هذا خلاني انعجب بشهم واتنازل من اول نظره . شهم تكدر تجي ؟
شهم . وين اجي هند
هند . اكو طياره واكعه علسطح
شهم . هههههههه تره مخبل واسويها ما خايف والله
هند . هو شوكعني غير خبالك اموت على المخبل تعال بس دير بالك انزل بهدوء
شهم . ادري بس غير اعرف وين اجي
هند . وين يعني تعال مشتاقتلك
شهم . ولج هو منو مامشتاق تدرين كوه مصبر نفسي عليج
اطلعي راح اجي
هند . اوك راح اطلعلك دير بالك واي صوت لطلع امشي على اطراف اصابعك
شهم . يله جاي اطلعي . طلعت للسطح هي هم طلعت واشرتلي تعال عبرت على كيف على سطحهم . هي تلكتني وسحبتني
هند . من عبر فكرت لا احد من الجوارين بالصدفه فوك السطح ويشوفنا بدون تفكير سحبته من ايده ودخلنا اخذته للغرفه وقفلت الباب
شهم . من سحبتني بدون تردد لكيت نفسي تحت تصرفها دخلنا للغرفه وقفلت الباب . هنا صارت الصدمه . لكيت طفله نايمه على السرير . بقيت صافن بدون اي حركه
هند . شفته بقى صافن على ساره عرفته مستغرب . شهم اني كتلك قبل شويه اكو هواي شغلات لازم تعرفهن . هاي بنتي اسمها ساره
شهم . وين ابوها وليش ماكلتي متزوجه
ساره . اني احجيلك كلشي بالتفصيل . وحجيت كل القصه وشلون اهلي فرطو بيه وشلون تزوجت لحد يوم طلاقي
شهم . تسولفلي قصة حياتها واني كلبي يتكطع عليه معقولة هيج بنت وهيج جمال هيج يصير بيها بدت مشاعري تجذبني لساره دنكت عليها بستها
هند . حجيت الي صار بيه لشهم ودموعي تنزل بدون سيطره اول مره اشكي لانسان واحسه يسمعني بقلبه قبل اذانه خلصت الكلام اشوفه مدنك على ساره ويبوسها . هذا الانسان الي ابحث عنه كلبي ماكذب من حبه اول يوم ولزمت ايده بديه
شهم . بست الطفله وما احس الا هند لزمت ايدي شلت عيني عليها لكيت دموعها تجري . بديت امسح دموعها بيدي واني مسطور بجمالها مو بس الضحكه تلوكلها حتى بجيها فتنه
هند . صار يمسح دموعي بيده واني عيني بعينه ما اتحمل بعد اريد احضنه اريد اخلي راسي على صدره اول مره هيج احس مشاعري تجاهه كأنما نعرف بعض من زمان كأنما كان غايب ورجع
شهم . تقربت عليها بدون وعي بستها براسها وكتلها لخاطري لتبجين حركتي كلبي
هند . رحت فدوه لكلبك شهم والله العظيم اول مره اسوي هيج الله عليك لتاخذ نظره عني
شهم . يشهد ربي مامفكر بيج مسويتها لتاخذين على نفسج
هند . شهم اني تجربتي بالحياة خلتني اقتنع مالي حظ بيها لا تتصور اريد اضحك عليك . اعرف اكو مانع يمنعنا نكون لبعض ومع هذا مارايده اجبرك بيه او استغلك يكفيني انت موجود بكلبي وتحجي ويايه مو مجبور توعدني بشي
شهم . هند لتبقين تقللين من قيمتج الي صار بيج قضاء وقدر والحمد لله ماناقصج شي ولا بيج شي يتعيب
هند . كلامه خلاني اتشجع . بلا شعور حضنته وكتله ما اريد غير اشعر بالامان وياك
شهم . حضنتني واني لحد هاي اللحظه احس نفسي حلمان مامعقوله هيج نتقرب لبعض بيوم واحد . شميت عطرها ودخت . شلون هسه شسوي
هند . شهم روح كافي ولتكول طردتيني
شهم . ههههههه شبيج اوك صار يله شوفيلنا الطريق
شافت الحاله امان
هند . يله كوم
شهم . طلعت من الغرفه وهي وياي لحد باب السطح . كافي لتطلعين هند ارجعي اقفلي الباب وارجعي
هند . بصوت ناصي صار
شهم . بدون ارتباك وتفكير تقربت منها بستها ورحت
هند . هذا شسوه بدون ما اشوف شي ما احس الا صار بوجهي باسني وراح🙈
شهم. ولله مامدري ارجع مدي ابقى العمر كله مكابلها ..رجعت وبقيت اتذكر نضراتها حركاتهه
اوووف ربي ..صبرني..
هند.رجعت لغرفتي طايرة فرح بوست سارة من كل مكات بوجهه يمة يمة عطر شهم موجود بسارة يخبل ..
رن الجهاز رسالة..
شهم اموووت عليج ..
هند..قريت هالكلمتين واحس نفسي بحلم
رديت ..اموت على روحك ..
شهم .دزيت المسج ونمت وكعدت الصبح عيني على شباك غرفتها مفتوح جان والستارة مفتوحة
نزلت غسلت ..
ام شهم ..ها وليدي اليوم مرايح للدوام ..
شهم .لا اليوم مالي خلك اخذت اجازة..
دزيت رسالة للمدير اعتذرت منة وكتله مااجي
ام شهم. اسم الله شبيك

يتبع..