#اختاريتج_انتي بارت 5
#البياتي
ليث..
بعد ما حجيت وياها حسيت براحه وهدوووء بس حسيت بندم لان عصبت عليها هواي
بس اني طبيعة وظيفتي العسكريه ورتبتي دائما اني أآمر والجنود ينفذون ومااحب احد يعصي اوامري وهذا الشي هواي أثر على شخصيتي بشكل كبير ..
اضافه الى انه اني مااتحمل ابدا شخص يتعامل وياي بطريقه مستفزه وهي الخانم 😒 بس تجفص بالكلام .
المهم دزيتلها رساله كلتلها تصبحين على خير .. وخليت راسي ونمت حتى ما أتأخر الصبح ويروح عليه الموعد .
الصبح..
ندى..كعدت وكنت متردده مااعرف اروح اقابله واعرف هو منو؟ وشرايد مني؟!! لو لا. المهم
غسلت بدلت
اجاني الخط صعدت و حجيت ويا ايه وياسمين وكلتلهم ع الي صار البارحا وشنو حجه وياي وطلب نلتقي حتى اعرف منو هو واشون وصل لرقمي وشنو رايد مني البنات كالو هذا احسن حل حتى تفهمين شرايد منج وبلكي يطلع ادمي ويعوفج بحالج
لبس ندى 👆
اجاني الخط صعدت و حجيت ويا ايه وياسمين وكلتلهم ع الي صار البارحا وشنو حجه وياي وطلب نلتقي حتى اعرف منو هو واشون وصل لرقمي وشنو رايد مني
البنات كالو هذا احسن حل حتى تفهمين شرايد منج وبلكي يطلع ادمي ويعوفج بحالج.
وصلنا للكليه الساعه ب8 باقي ع الموعد نص ساعه كلت اكعد بالاستراحه افكر بالموضوع اشويه لحد متصير ونص والله كريم.
ليث..
كعدت من الصبح ب٦ سبحت وكشخت كشخه توب مع العلم اني بكلشي اطلع حلوو 😋
لبست
طلعت اخذت سيارتي وكبل للكليه 😍وصلت الساعه 8 رحت بوجهي للنادي كلت حتى اوصل قبلهاا
طلعت اخذت سيارتي وكبل للكليه 😍
وصلت الساعه 8 رحت بوجهي للنادي كلت حتى اوصل قبلهاا .
دخلت طلبت ريوك واستكان جاي كملت وبقيت انتظر ...
ندى: صارت الساعه ب8 ونص واني فكره توديني وعشره تجيبني اخر شي ققرت اروح اقابله واللي يصير يصير ..
رحت للنادي بس اني خطوه ليكدام وعشره ليوره لحد ما وصلت دخلت للنادي وبقيت صافنه وين اروح
زين اني مااعرفه، ولا شايفته، اذا بعده مجاي اشوون ؟!! رحت كعدت على طاوله وكلت هو من يدخل للنادي اكيد يشوفني ويجي عليه .
ليث..
كاعد وصافن ع الباب داانتظرها ...
وجان تدخل من الباب ..
واني بلا وعي وكفت على حيلي ردت اركض واشيلها من الكااع .. واحضنهاا
المهم بقيت صافن عليها بس هي متشوفني لان بعيد عنهاا
والنادي جان هوسه ومليان الناس.
شفتها كعدت بقيت كاعد بمكاني واباوع عليها..
كلبي يرجف .. يريد يطلع من صدري .. شطالعه اليوم تمووت 😍
كلت خليها تنتظر اشويه حتى لتكول مستقتل عليهاا .. طلبت ستكان جاي ثاني وكعدت اشرب .
ندى..
الساعه ب8 ونص وخمسه والافندي ماكووو ما بين 😒
شنو يضحك عليه ؟!! بسيطه خلي يجي واعرفه منووو ويصير خير .
ليث ..
كملت الجاي ورحت للمغاسل غسلت ورتبت شعري ... ورحت عليها كبل ...
وصلت لطاولتها هي جانت مدنجه راسها .. وكفت كدامها وكلت... صباح الخير !!
ندى ..
رفعت راسي وشفته كداميييي 🤤😨
طووول وهيبه وشكله يجنن 😍
واني كلبي كام يدك سريييع حسيته حيوكف بقيت صافنه بوجهه مااعرف شنو اسوي جمدت بمكاني ..
هذي اول مره بحياتي اللتقي بولد واكعد ويا مااعرف اشوون اتصرف !!!
ليث ..
سلمت هي رفعت راسها وعيونها صارت بعيوني اوووف ربي راح اموووت مااكدر بعد شنووو هالجمال هذا سبحان اللي خلقج بقيت صافن بوجها وانتظرتها اترد السلام
ماكوو بقت ساكته.
جريت الكرسي وكعدت،
ليث: شنوو متعرفين تردين السلام ؟!!
ندى: منوو حضرتك؟!!
ليث: اهااا العفوو اسمحيلي اعرفج بنفسي.. اني ليث ريسان الدليمي
عمري28سنه وبعد كم يوم اصير 29
طالب قانون مرحله 3
ندى: اييي ؟!!
ليث : شنوو اييي ؟!!
ندى: اعتقد اني مااجيت لهنا حتى اتعرف على جنابك الكريم !!
ليث: امممم اني اعرف على شنوو اجيتي لهناا .. وليش قبلتي تشوفيني .. بس مااعتقد من الذوق احجي وياج قبل مااعرفج على نفسي.
ندى : اوك عرفت انت منوو .. ممكن هسه تكولي من وين تعرف كل هذي المعلومات عني؟! ومنو انطاك رقمي؟!!! والاهم شرايد منيي ؟!!
ليث : اكيد راح افهمج كلشي اني جيت لهنا على هذا الاساس.
اسمعي يا بنت الناس ..
اني مراح امدحلج نفسي واكلج اني واني بس ان شاء الله الايام تثبتلج منو هو ليث، اني قبل فتره شفتج يم التسجيل دتبجين وحجيت وياج اذا تتذكرين ؟!!
ندى : بلي اتذكر شخص حجه وياي وطلب يساعدني بس اني مشفته ولا انتبهت عليه ، يعني انت هو هذا الشخص؟!
ليث: نعم انيي .. ومن ذاك اليوم انتي ساكنه ابالي مااكدر انساج حاولت اطلعج من بالي ومن تفكيري مكدرت كلبي اتعلق بيج اشلوووون ماا ادريي ، وليييش هم ماادري .. اني اصلا مااعرفج من قبل بس هو هذا الحب من الله واني حبيتج اول ما وكعت عيني عليج ،ومتت لحد ما وصلت لرقمج وحجيت وياج، ومستحيييل اعوفج لوو ياخذون روحي لو يكطعون راسي مااعوفج ولا اتركج
واني ماناوي اسوي علاقه وياج ولا اضحك عليج
مجرد حنطيج وقت تتعرفين عليه زين وتحبيني 🙄 وبعدها اتقدملج على سنة الله ورسوله .
ندى: (حدث العاقل بما بلا يعقل فأن صدق فلا عقل له) انت تعرف شدتحجي لوو شنووو اشون ارتبط بشخص اصلا مااعرفه ؟!
كولتلك اني ماعندي هذي السوالف التعبانه والعلاقات الفاشله
الي تطلبه مستحييييل .
ليث : عندي ماكوو شي اسمه مستحييل وانتي لتحلمين اعوفج لو على كص ركبتي
والي يتقربلج احط طلقه براسه 😡
ندى: انت اكيد مخبل
ليث: مخبل بيج والله مو بيدي يا بنت الناس ..
لو حده غيرج تحجي وياي هيج اسانها اكصه بس انتي اتحمل منج
ندى: الله يخليك افهمني اني اهلي متشددين ومااكدر اسوي هيج من وراهم واخون ثقتهم بيه.
ليث: ومنو كال اني اقبل تسوين شي من ورا اهلج
اني مستعد هسه اروح اطلبج من ابوج
بس اني خليت فتره حتى تتعرفين انتي عليه وتتعودين على اسلوبي وتعرفين طبيعتي حتى متجفصين بالحجي وياي
ندى: انت الي تستفزني واني احجي هشكل 😏
ليث: ماشي عمي بعد مااستفزج وعد بس انتي انطيني جواب ريحي كلبي شكلتي ؟!!
ندى: انطيني وقت افكر بكلامك والي كاتبه الله يصير.
ليث : ماشي اخذي وقتج بس خلي ابالج انتي الي وحدي وبس برضاج او غصباً عنج انتي (مالتي ) .
يتبع....
👇👇ليث
