اختاريتج انتي

11

#اختاريتج _انتي بارت ١١
#البياتي
ليث ..
صارلي 30 يوم من سويت الحادث اليوم واخيرآ راح افتح الجبس من رجلي واكوم
باجر اروح للكليه ان شاء الله واشوف ندى حتى لو من بعيد مااتقرب يمهاا ولا احجي وياها المهم بس اشوف عيونهاا
بعد ما اتحمل البعد كتلني
رحت للدكتور وفتحت رجلي الحمدلله وكالي الكسر ملتئم ما شاء الله..
واكدر امشي عليها
رجعت للبيت دزيتلها مسج ..
(حبيبي ابشرج فتحت الجبس وباجر اداوم .. اعرف متقبلين احجي وياج بس اني مراح اضغط عليج اشوفج من بعيد يكفيني.. احبج وان شاء الله هانت كلها كم يوم واجي اطلبج من اهلج .. وتصيرين حلالي ❤)

ندى...
صارلي اكثر من شهر مشايفته ولا سامعه صوته ....
اوووووف يا ربي والله حموووت احس روحي طلعت من بعده
كاعده داافكر بيي وقطع افكاري صوت المسج .. فتحته من ليث ..
قريت المكتوب وطرت من الفرح
الحمدلله والشكر ربي شافيته وعافيته ربي تمم عليه فرحتي ولا تحرمني منه يا الهي دخيلك.
بهذي اللحظه سمعت صووت محمد يصيح جوه بالبيت ..
بسرعه ركضت اشوف شكوووو
وكفت ع الدرج اسمع شديكول ...!!!

محمد .. يابه هذا الولد مو من مذهبنا وفوكاها ضابط بالجيش باجر عكبه يموت وتترمل وتجي تكعد بركبتنه ..
واني مستحيييل اقبل لو على كص ركبتي انطي اختي لواحد (سني)

الاب.. ابني انت شلون عرفت هو مو من مذهبنه ؟!!

محمد .. يابه اني سألت عنه وعرفت كلشي و حتى طلع واحد طايح حظه وعنده سوالف مكسره .

اني .. انصدمت مكدرت اتحمل اللي ديحجي محمد عن ليث ، اعرف ديكذب حتى يسمم افكار بابا ضد ليث ، بس اني كولشي مااكدر احجي لانوو حيعرفون عندي علاقه بي ، ويعاندون بالاكثر وحتى يبطلوني من الدوام وياخذون الموبايل
وبعد مااكدر حتى اعرف اخباره 😔

بقيت احرك بروحي ماادري شسووي .. سمعت ماما تحجي..

الام .. ابني واذا الولد مو من مذهبنه وين المشكله ، بعدين الولد لو عنده سوالف مكسره مثل متكول ميجي يطلب ايد اختك جان يكدر يضحك عليها ، مو يرتبط بيها

محمد .. اللي عندي كلته وعلى جثتي ندى تتزوج واحد مو من مذهبنه...

كال هذا الكلام وطلع.. سمعت بابا يصيح عليه ندى .. ندى..

اجيت بسرعه نعم بابا ؟!!

الاب.. بنتي انتي تعرفين اني رجال مريض وعندي قلب ، واخوج هذا عنيد وراسه يابس
ومايرضى تتزوجين الا واحد من مذهبنه وسمعتي اخوج يكول الولد مو خوش ولد وعنده سوالف مكسره واني مااكدر اوكف بوجه ، حتى اخوج علي هم ميكدرله .. واذا ضغطنه عليه ما عنده كل مانع يروح يسوي شي للولد وتصير دم وعشاير ..
وميفيد الندم بعدين .