#اختاريتج_انتي بارت١٢
#البياتي
..
لما حجه وياي ليث حسيت كلبي برد وهدئت اعصابي ..
رجعت من الدوام للبيت رحت على امي كبل
كولتلها ..
اني .. ماما اليوم شفت ليث وكولتله اللي كاله الي بابا ومقبل يكوول مستحيل اعوفج
واليوم يجي لبابا يحجي وياا 😓
الام .. عزاا وج اشون يجي واخوج محمد اشون هذا مخبل لا يسويلنا مصيبه !!
اني .. ماما الله يخليج احجي ويا بابا بلكي يقنع محمد ، فدوه لكلبج ماما ساعديني مااكدر اعيش بلا ليث ماما والله مو بأيدي احبه احبه وبقيت ابجيييي
الام .. حضنت ندى .. خلص ماما اسكتي هسه احجي ويا ابوج حتى لو بس يشوفه ويسمعه والله اليستر لا يجي اخوج ويسويها عليه ظلمه.
اني .. فدوه ماما ماعندي غيرج بس انتي تحسين ساعديني .
الام .. ان شاء الله.. يلا كومي حضري روحج وخلي اروح احجي ويا ابوج.
راحت ماما تحجي ويا بابا واخويه علي يستقبلون ليث .. واني واختي سهى نظفنا البيت ورحت حضرت نفسي .. جان يجيني مسج من ليث ..
ليث .. وصلت للبيت وحجيت ويا ابويه كلتله يابه هيج وهيج السالفه اكوو بنيه بنت اوادم وياي بالدوام ورايد اتقدملها .. كال الله يوفقك ابني وهذا اسعد يوم بحياتي يوم الي اروح واخطبلك واشوفك عريس
اني .. ان شاء الله يابه بس بالاول اريد اروح اتعرف على اهلها واشوفهم ينطونها لا وبعدين اخذك وانروح نخطبها .
الاب .. بيها الخير وليدي ، وين يلكون احسن منك ، ان شاء الله ينطوها وترجع فرحان .
امي فرحت وكامت تهلهل ، صدك يمه راح تتزوج واشوفك عريس؟!!
اني .. ههه يمه بعدني كولي يا الله بس اني اريد دعائج حتى اتصير اليه وان شاء الله تشوفين احفادج عن قريب 😉
الام .. يوم عيد يمه واشوف جهالك .. الله يوفقك يمه ويهنيك ويحقق الي ابالك ويرزقك بنيت الحلال .
اني .. ايييي يمه فدوه لكلبج على هاي الدعوه
رحت بدلت وحضرت نفسي ارسد اطلع واتذكرت اني مااعرف عنوان بيتهم !!!
دزيت مسج لندى ..
(حبيبي اني طالع راح اجيكم كلتي الاهلج لو لا ؟!! و دزيلي العنوان مالت بيتكم 😍 )
ندى..
شفت المسج يريد العنوان .. دزيتله عنوان بيتنا بمسج وكلتله بلي كلت الاهلي .
ليث .. دزتلي العنوان طلع مو هواي بعيد علينه مسافة نص ساعه .. وصلت دزيتلها مسج اني وصلت .
ندى .. من كال وصلت كلبي كام يرجف مااعرف خوووف ، فرحه ، ارتباك ؟!!
مشاعري متلخبطه
