#اختاريتج_انتي بارت ١٤
#البياتي
شالني وركض والدواعش بقوا يركضون ورانه ويرموون..
حسيت الولد تعب بعد ميكدر يركض لان شايلني على ضهره ، اترجيته كلتله ..
سيدي الله عليك عوفني واشرد بروحك.
اني بالحالتين ميت لان اصابتي خطره ، ليس تخسر حياتك بسببي ؟!!
الضابط .. مستحيل اعوفك لهذولي الوحوش ، انت ابن بلدي يعني دمي ولحمي اشلون اعوفك؟!!
انت بس اتحمل اشويه وان شاء الله نوصل لمكان امين ويسوولنا اخلاء وانقلك للمستشفى .. بس كول يا الله .
وبعدين اذا الله مكاتبلنا نعيش فراح نموت سوه ..
محمد .. بقينا نركض من الدواعش لحد ما وصلنا لبيت ضاربه القصف ومتهدم ، دخلنا بي وكالي لتطلع نفس
طبعا الدنيا الليل جانت وظلام دامس..
كعدنا اشويه وسمعنا الدواعش مروو من يم البيت ويرمون ، خنسنه ولا نفس لحد ما حسينه بيهم طلعو كبل جرينه نفس وارتاحينه ..
الضابط اللي نقذني كال انت نزفت هواي وجرحك بعده دينزف خلي اشوف بلكي بالبيت هذا وصله نظيفه شي معقم حتى اضمد جرحك ليتلوث ومو زين عليك ..
اني بقيت ساكت مااعرف شحجي .. فوك ما ضحه بنفسه على مودي هسه يريد ينقذ حياتي من الموت مره ثانيه.
راح اشويه واجه شايل بأيده غراض وتعقيمات كال ..
الضابط .. الحمدلله لكيت بالبيت اكو صيدليه منزليه ،ممتضرره هواي بالقصف بيها مواد اتفيدك ..
محمد ..شاف جرحي وعقمه كالي اتحمل اشويه يأذيك لتصيح ليسمعونه هذولي الكلاب ويجيون علينه .
اني اتحملت الالم وبقيت كاتم صوتي ضمدها وكمل كعدنا انسولف اشويه وتعارفنه .. طلع اسمه ليث من بغداد يعني ابن ولايتي
واني هم عرفته على نفسي كلتله اسمي محمد ومن بغداد .. وعرفت هوو من غير مذهبيي (سني )..
بقيت مصدوم اشكد اني غبي وحقير ، يعني اصدقائي اللي مني وبيه عافوني وانهزموو وهذا الي من غير مذهب وميعرفني اصلا ضحه بروحه علمودي ؟!!!!!
حسيت بندم فضييييع على عقلي وتفكيري الطائفي .
وانقهرت اكثر على ندى واللي سويته بيها حرمتها حياتها والشخص اللي حبته بسبب تفكيري العنصري ونفسيتي الضعيفه .
(طبعا بالمناسبه محمد مشايف ليث ولا يعرفه اصلا ، وليث كذلك يعني واحد مملتقي بالخ )
ليث .. انت اشجابك لهنا بعدك صغير ليش تضيع حياتك بالجيش ؟!!
اكيد هسه امك كلبها محترك عليك .
محمد .. اني اجيت لهنا لان اني اريد اموت واخلص من حياتي ..
اني ارتكبت جريمه بحق انسان كلش قريب من عندي ودمرت حياته ،
وما كدرت اسامح نفسي لذلك التحقت بالحشد حتى بلكي الله ياخذ امانته واتخلص من عذاب الضمير.
