Nadiagnose ako na may sakit na cancer sa dugo. At kumalat na yun. Malala na at nasa stage 4 na. At ang daya lang, dahil saka ko lang to nalaman kung kelan malapit na pala kong mabura sa mundong to.
"Hinanda ko na ang sarili ko para dito mama.. " At gayon na lang ang mahigpit na pagyakap sakin ni mama. Habang naririnig ko ang pagiyak niya sa mga balikat ko.
Bumalik na ko sa ospital na naging tahanan ko sa loob ng dalawang buwan na magkalayo kami ni Gab at ang alam niya noon, kasama ko sila papa sa isang bakasyon. Di niya alam na nandito ako sa ospital na to at nilalabanan ang sakit na dumaloy sa buong katawan ko. Muli akong pumasok sa puting kwarto at humiga sa puting kama na katabi ng mga apparatus na muli na namang isasalpak sa iba't ibang parte ng katawan ko. Pinikit ko ang mga mata ko.
