نياط القلب

5

#نياط_القلب
#طيبة الربيعي
البارت الخامس

(للكاتبة طيبة الربيعي)
كعدت المغرب وية الصلاة
صليت وكعدت وية اهلي
سوالف وحجي وضحك
بس كلبي محروك
احس نفسي تايهة
رغم عاهدت نفسي بس صعبة
اول حب بحياتي
واو رجال يلمسني
ابو ابني
صعبة يا ناس
تبخرت افكاري بصوت ماما
ام رتيل: تعاي وياية ماما انطيج ملابس علاوي الجديدة
رتيل: اي ماما، بابا حبيبي شوية واجيك
ابو رتيل: اخذي راحتج بابا(للكاتبة طيبة الربيعي)
رحت وية ماما، دخلت لغرفتهم سدت الباب وراية
ام رتيل: كعدي
كعدت عالسرير كعدت بصفي
ام رتيل: ليش وجهج تعبان وبس تصفنين، لتكليلي شغل، الشغل ميشَيل هموم هلكد
رتيل: مابية شي ماما، تعبانة من الشغل صدكي
ام رتيل: حسن مو؟
رتيل: لا يا بطيخ
ام رتيل: لعد شكو
رتيل: ماما داكلج شغل
ام رتيل: رتيل، بداعة علاوي عليج كولي شبيج
رتيل: اوف يا ماما ليش تحلفيني بي، ماريد احجي مالي خلك(للكاتبة طيبة الربيعي)
ام رتيل: دحجي فهميني شصاير، ابوج هم انتبه عليج كتلة تعبانة من الشغل، كليلي شنو البيج ماما
رتيل: تعبانة، نفسيتي تعبت، اريد ابتعد فترة ارتاح
ام رتيل بقلق: شنو القصة، شنو هل حجي
رتيل: فكرت اسافر للعراق، ابقة يم بيبي كم شهر واخذ علاوي وياية بس ماعرف اذا حسن يخليني اخذة
لزمت ايدي: ماما روحي، بس عوفي علاوي هنا، لتبعدي عن ابو حسن مخبل وابنج ميكدر بدونة
رتيل: ماعرف هو هذا الشاغل بالي، احاجي واشوف شنو رأية(للكاتبة طيبة الربيعي)
ام رتيل: رتولة، اذكري الحياة متمشي علة مرامنة، لازم اكو الحلو والمر، كل واحد بينة عندة مشاكل يجوز وية شخص معين يجوز وية نفسة، بس اذكري ربج موجود، اقرب الينا من حبل الوريد، يعني اكثر من هل قرب؟ استعيني بربج وصليلج ركعتين قبل صلاة الفجر وادعي ربج يشرح صدرج ويريح بالج، ماما مو كلشي يصير تحركين بنفسج وباعصابج
ترة محد يفيدج، هذا ابنج لتخلي يحس بيج ضعيفة حتة يقوة بجالج، ادري بكلبج شي جبير، كلب ام واحس، بس همج مو اكبر من ربج سبحانه
فعلا كلام ماما ريحني
مو كلشي اريدة يصير والدنيا فانية
نمت بحضنهة تلعب بشعري وتقرة ايات
حسيت براحة، شوية وطلعنة تعشينة وسوالف
وضحك، بس بالي كلة يم وليدي
يمة شكد مشتاقة الريحتة(للكاتبة طيبة الربيعي)
شلون اروح للعراق بدونة
مستحيل اتحمل غير اطك واموت
طلعت جبت العلوشتي طيارة عالريمونت
وملابس جدد وحذاء نايك عجبتني
يومين عند اهلي، اجتمعنة كلنة اجوي
اخوتي وخواتي وجهالهم، انترس البيت
بس احس بفراغ بدون علوشتي
بيت اهلي فلا، تلث طوابق وجبيرة
بليل كاعدة وية خواتي نسولف
دك فوني، حسن، طلعت من الهوسة دخلت
غرفة ماما وبابا(للكاتبة طيبة الربيعي)
رتيل: الو
حسن: باجر رجعي، اجيب علاوي واروح عندي شغل
رتيل: باجر مااكدر، عكبة جيبة
حسن: باجر كتلج، لتلحين
طبكة بوجهي، صوتة معجبني
هل نبرة وراهة مصيبة
كعدت ادور حجز
دخلت ماما
ام رتيل: خير ماما شكو
رتيل: ماكو شي، بس باجر لازم ارجع، حسن حيجيب علاوي
ام رتيل: شبسرعة، مو كلتي ابقة كم يوم
رتيل: عبالي يبقون اكثر بس عندة شغل، انشاءلله هم اجيكم قابل راح اكطع(للكاتبة طيبة الربيعي)
لكيت حجز، حجزت ورجعت يم خواتي
كلت البابا حرجع باجر، ضاج
ابو رتيل: بابا ليش متجين يمنة، شعندج هناك
محد يعرف بالاتفاق البيني وبينة
رتيل: بابا علاوي ميكدر بدون ابو ولا هو يكدر بدونة، خليني هيج مرتاحة من دوخة الراس
ابو رتيل بعصبية: ترة اني كاعد علة اعصابي، لتشوفيني ساكت اذا حجيت هسه اجيبج يمي، بس لخاطر هل ولد البهذلتو وياكم
بابا صار عصبي نار(للكاتبة طيبة الربيعي)
ماما هدتة: ميخالف عيني خليهم مدام مرتاحين هيج، شنريد غير راحتهم، يلة ماما روحي نامي وراج طريق
رتيل: تصبحون علة خير
الجميع: اجمعين
محد راضي علة هل وضع
كلهم اهلي ضايجين مني
وبنفس الوقت علية
حاولت ماافكر، لان فعلا تعبانة
بس من التفكير(للكاتبة طيبة الربيعي)
ثاني يوم ودعت اهلي ورجعت
وصلت للبيت الظهر، ارتاحيت شوية
سويت غدة، معكرونة بالبشمل
يحبهة حبيبي ترفة وخفيفة علة معدتة
عطرت البيت، نضيف مابي شي
سبحت بدلت، عبالك راح يجي
رجلي مو ابني هههه
دك فوني
رتيل: الو
حسن: اجيتي لو لا؟
رتيل: جاية صارلي ساعة، شوكت اجيبة؟
سدة، هذا شبي اطباكاتة فول هل ايام
خلصتهة وخليتهة بالفرن، اندك الباب(للكاتبة طيبة الربيعي)
حسن اكيد، ميدك الجرس ابد عبالك ينتل
ركضت شمرت الشال علة راسي وفتحت الباب
رتيل: هلو
حسن: هلو
استغربت علاوي ماكو
متفاجئة، طب وسد الباب
نزع حذائة وسترتة علكهة
عكدت حاجبي: علاوي وين
حسن: عوفي علاوي هسه، تعاي احاجيج
دخل للصالة وعافني بحيرة
شنو الفلم(للكاتبة طيبة الربيعي)
دخلت ورا
كعد يهز برجلة، كعدت مقابيلة
رتيل: وين علاوي ضل بالي
حسن: يم اهلي
رتيل: وليش مجبتة
حسن: ليش موافقتي
رتيل باستغراب: شنو(للكاتبة طيبة الربيعي)
حسن: الدكتور، ليش رفضتي
انصدمت، شدرا، بس لا وداد كايلتلة
رتيل: أي دكتور؟
حسن: لتجرين وتعرين، تعرفين كلش زين شأقصد
رتيل: ماعتقد شي يخصك
حسن: متكدرين تزوجين غيري مو
فار دمي بس حاولت اكتم غضبي
رتيل: اذا رفضت فهذا كلة علمود ابني، مو علمودك، لتثق بنفسك زيادة بعدين تنصدم
رجع ليورة انتجة براحة(للكاتبة طيبة الربيعي)
حسن: خلي ابالج، اذا نويتي تزوجين، انسي علاوي
رتيل: خلي ابالك، لو نويت اتزوج اكون مضروبة براسي، شايف هذا علاوي، مستعدة اضحي بنفسي علمودة، علاوي مو انتة

يتبع...🌺