نياط القلب

7

#نياط_القلب
#طيبة الربيعي
البارت السابع

(للكاتبة طيبة الربيعي)
رتيل: وشلون تجي ويانة! حسن احنة اطلكنة، الناس من تشوفك وياية شتكول
حسن: وانتي شعليج بالناس، قابل بايسج كدامهم
شكد استحيت، ولا يخجل
حسن: هذا العندي، ميعجبج عوفي علاوي وروحي، لو ضلي لاتروحين
رتيل: يعني شلون؟ ما الي حق ارتاح وانفه عن نفسي؟ ليش تتصرف وياية عبالك عدوتك
حسن: هو انتي شبيج! فوك ماعايف الدنيا ورايح وياج!
رتيل: اي حقك شيعوفهة الدنيا هنا
ردت افتح الباب اريد انزل قفلة
باوعتلة: فتحة
حسن: صارلج جم يوم تلمحين علة شي، شنو فلمج
رتيل: علة شنو المح؟ اكو شي المح عليه كلشي واضح وضوح الشمس، افتح خليني اشوف دربي
فتحة، نزلت دخلت الشقتي، شمرت المسواك
بالمطبخ ورحت للحمام، نزعت هدومي
وترست البانيو مي حاااار(للكاتبة طيبة الربيعي)
اريد اريح وارخي اعصابي
متشنجة اريد انفجر
يلعب باعصابي، اني الي خليتة
ينفش بريشة علية
صوجي اني
جان المفروض اسويلي
شخصية من اول ليلة عرسنة
اذكرت شلون من اول ليلة يلقي أوامرة علية
'عودة الى الماضي' ليلة عرسي
من صرنة وحدنة، بالشقة نزعلي البدلة
وكلي بدلي وتعاي
سبحت وتعطرت وبدلت
طلعت لكيتة بس بالشورت(للكاتبة طيبة الربيعي)
حسن: قبل لا يبدي كلشي بينة، اي شي يصير بيني وبينج ميطلع خارج هل حياطين، عطر مكياج هل سوالف ماريد برة
اذا سمعت كلمة اللاء منج حسبي نفسج بعداد الموتى، ماتاحسبين وين رايح وين جاي، هل اسألة تنمحي من قاموسج وياية، يومية الكة ملابسي مغسولة ومعطرة، خصوصياتي متلعبين بيهن، الموبايل اذا شفتج لازمتة اكسرة علة راسج
وووووو، هواية شغلات
حسيت داخلة سجن والسجان قلبي
يمكن حبيت قساوتة(للكاتبة طيبة الربيعي)
عكس البنات ماحب الهادئ
والي لسانة ينكط عسل
ولا الي يتعامل بهداوة
جانت قساوتة بكلشي
من يريد فد اكلة معينة
يهددني اذا مسويتهة يطلكني
هل كلمة دائما اسمعهة منة
بس بعد ماجبت علاوي انمحت
وبمرور الايام والاشهر والسنين
بديت افكر، شكد فاهية اني وثولة
مادري ثولة لو استعبط
جنت اخلي يدوس علية واكول افيييش
وهاي الافيش هسه شكد وجعتني
'عودة الى الحاضر'
ورة مسويت غدة رحت العلاوي للروضة
كلولي ابو اخذة، ليش ميخبرني(للكاتبة طيبة الربيعي)
ليش هل حقارة وياية اني
شمسويتلة
ماذكر اذيتة بشي فد يوم
ولا رفعت صوتي عليه ولا هزيتة بكلمة مو حلوة
جان كلامي كلة عيني وقلبي وحياتي
وهو ولا مرة كلي حبيبتي، ولا بالغلط حتة
وووه ليش مدوخة نفسي بالماضي
ليش مداتقبل فكرة انو اطلكنة خلاص
كلمن مشة بطريقة
بس طريقي ابدال ميكون منوثر بورد
منثور بذكرياتي ويا
رجعت للبيت اتصلت بي
رتيل: غير تكلي راح اخذة
حسن: راح من بالي
رتيل: شوكت اجيبة(للكاتبة طيبة الربيعي)
حسن: شوكت ميعجبني
سدة، نذل مو بيدك
والله لو وحدة غيري تسكطك بالقانون
وهنا اهم شي حقوق المراة
بس لأني بنت ناس مافكر بيهة اصلا
ثاني يوم داومت عادي
العطلة مبقة عليهة غير كم يوم
اخر يوم اجتمعنة كلنة
الصيدلانيين الاطباء الدكاترة
كل نهاية الدوام يعني من تجي العطلة
واجب نجتمع وندردش ونضحك
دكتور هيثم ضوجني، جان جايب هدية لعلاوي
مو هذا الي ضوجني(للكاتبة طيبة الربيعي)
جايبلي الية همينة، من رجعت للبيت
وفتحتهة لكيت كلادة وبيهة اسمي بالسويدي
دك الجرس
كمت باوعت من العين السحرية
حسن وعلاوي، فكيت الباب
طفر علوشتي الحضني
بوستة واخذتة جوة شايلتة
وحسن ورانة دخل، كاعدين بالصالة
وراح من بالي مشلت الهداية
حسن: منين ذني(للكاتبة طيبة الربيعي)
حبيت اغيضة: من دكتور وياية، بمناسبة عيدميلاد علاوي بعد يومين
حسن: هاا كتيلي
حسيتة توتر لان بقة يهز برجلة
ورة شوية راح، ثاني يوم مريت علة
الروضة داريد اجيب علاوي
كلولي ابو اجة عليه، اليوم مو يومة
البارحة جابة صارلة خمس ايام يمة
رجعت للبيت فايرة(للكاتبة طيبة الربيعي)
اتصلت بي
حسن: الو
رتيل: الو، حسن ليش ماخذ علاوي، ماعتقد اليوم دورك
حسن: تحلمين تشوفين علاوي بعد، خلي دكتورج يفيدج
تخبلت: شدتحجي انتة
حسن: تخلين ابني يلبس هدية المخنث مالج، امشي ولي واذا دكيتي بعد اجي احرك البيت علة راسج
وطبكة، يمة هذا مخبل(للكاتبة طيبة الربيعي)
رجعت دكيت، ميجاوب
ادك وادك لحد ماكام يطلعلي مغلق
دكيت عالفايبر سد النت
ياربي
كمت اروح واجي، والله يسويهة صدك
ويحرمني منة، هذا ميمشي عليه قانون
هذا عراقي دمة حار و وعندة اطباكات(للكاتبة طيبة الربيعي)
اخاف لا ياخذة للعراق وبعد ميخليني اشوفة
وهناك يلعب بكيفة محد يكدر يفك حلكة ويا
واذا حجيت لاهلي تصير مصيبة مالهة اول مالهة تالي
بدلت عالسريع وتمشيت لبيتة
دكيت الجرس ماكو
رجعت اتصلت بي مغلق
مشيت لبيت اهلة
دكيت الباب طلعت امة
ام حسن متفاجئة: رتيل، يمة شبيج
كمت ابجي متحملت: خالة عفية علاوي وين
ام حسن: شبيج خالة، ذاكة يلعب وية بنت نهلة، تعاي طبي تعاي(للكاتبة طيبة الربيعي)
دخلت كلبي يوجعني
شفت حسن
حسن: شعندج هنا!
رتيل: اريد ابني
حسن: امشي ولي ماكو ابنج انسي
ام حسن: شبيكم تخبلتو، ماما حسن شهل حجي
حسن: معليج انتي يمة، امشي ولي كتلج
رتيل: خالة عفية كوليلة اريد ابني
ام رتيل: تعاي فوتي
حسن: متفوت كتلج، امشي!
عاطت بي: حسن! احترمني عالاقل ولك اني امك! تعاي فوتي خالة تعاي، امشي وياية لتتخبل
دخلت ورة امة وهو يهددني بنظارتة
شفت علاوي شبكتة وبوستة
جان يلعب وية بنت نهلة(للكاتبة طيبة الربيعي)
نهلة اختة
سلمت وكعدت

يتبع...🌺