نياط القلب

6

#نياط_القلب
#طيبة الربيعي
البارت السادس

(للكاتبة طيبة الربيعي)
كمت: رجاءا بعد لتجيني اذا شي ميخص علاوي، راح تجبرني ادخل الاهل واذا احتاج ادخل القانون ادخلة، لان دتزعجني
كام تقرب علية، بقيت صامدة بمكاني
ماريدة يفكرني ضعيفة مثل قبل
حسن: دخليهم وعود اني بوقتهة راح اعرف اتصرف
بقيت ساكتة، يباوع بعيني واني اباوعلة بتحدي
لبس وطلع، بس طبك الباب رج العمارة رج
مخبل، زين وليدي مراح يجيبة؟؟
اوف ياربي راح اموت علة شوفتة
كلبي ناطف عليه(للكاتبة طيبة الربيعي)
بليل جابة، يمة افيييش
بقيت الليل كلة اشمشم وابوس بي
طلعتلة غراضة، ماما جانت جايبتلة ملاعيب
وملابس، واني همينة، فرح كام يكمز
بس ضرب كلشي بعرض الحايط من شاف الطيارة
بقة ملتهي بيهة غفة وخالهة بحضنة
ثاني يوم مرحت للشغل
لان ماخذة اجازة اربعة ايام
لازم احجي ويا علة السفر للعراق
ورة صلاة المغرب اتصلت بي
يدك يدك ميجاوب
اخر شي غلقة
استغربت شنو هل تصرف
شمرت الفون وكمت يم علاوي
يلعب بملاعيبة واني اكلب بالتلفزيون
سمعت فوني يدك، اتجاهلتة(للكاتبة طيبة الربيعي)
بس اذكرت خابرتة علمود مصلحتي
كمت جاوبت
رتيل: الو
حسن: الو، مخابرتني؟
رتيل: عساس متعرف؟ مو غلقتة؟ المهم مو موضوعنة، اريد اسافر للعراق، واخذ علاوي وياية
حسن: هسه اجي اوكفي
سدة، نص ساعة ورجع خابر
حسن: الو
رتيل: ها
حسن: شنو تسافرين وتاخذين علاوي، منو سمحلج تاخذي
رتيل: داتافهم وياك مكتلك راح اخذة
حسن: ماتاخذي، عوفي يمي(للكاتبة طيبة الربيعي)
رتيل: شلون اعوفة؟! احد يكدر يداري ابني غيري؟
حسن: كولي والله! لعد اني شنو رجل الكرسي غير ابو!
رتيل: لتعيط داتفاهم وياك
حسن: سدي، جايج
طبكة بوجهي، اهووو راح يجي ويشمر بالحجي
لبست ثوب مستور وبهل اثناء دك فوني
رفعتة كبل مباوعت منو اصلا كل ضني حسن
رتيل: الو
هيثم: الو ست رتيل، اني دكتور هيثم
عزة منين جاب رقمي، اكيد من سجل الارقام
مال مستشفى
رتيل: اهلا دكتور شلونك(للكاتبة طيبة الربيعي)
هيثم: الحمدلله اسأل علة حضرتج، شو ماكو
رتيل: ماخذة اجازة علمود ابني، خير دكتور صاير شي
هيثم: لا ماكو شي، بس حبيت اطمن عليج
رتيل: تسلم دكتور متقصر
بقة يسألني علة احوالي وماعرف شنو
اوف مناقصتك اني، كتلك ماريد استغفرالله
كتلة لازم اروح علاوي يبجي
سديتة، اندك الباب، فتحتة
سلم وفات، اخذ علاوي يبوس بي
وعلاوي فرحان بجيتة، التهة بالالعاب
واحنه كاعدين يمة
حسن: تروحين روحي وحدج، علاوي يبقة
رتيل: شلون يبقة فهمني، انتة ملتهي وين تودي
حسن: اهلي موجودين
رتيل: ماخلي يم احد(للكاتبة طيبة الربيعي)
رفع حاجبة: واهلي ماعاجبيج!
رتيل: امك مريضة وابوك بالشغل، منو يعتني بي؟؟
حسن: اني موجود وامي مابيهة شي، ماتاخذي كتلج
رتيل: حسن لتصير اناني، تعبانة اريد اغير جو، ماكدر بدون علاوي
حسن: وتعرفين كلش زين اني ماكدر افاركة، شكد تضلين
رتيل: شهر
ضحك: شهر انحرم من شوفتة؟ كولي غيرهة
رتيل: لعد اسبوعين، اسبوعين وارجع
رفع حاجبة بلاء: تؤ
والله لو ما علاوي كاعد جان فكست عينة
رتيل: اريد اخذة كتلك(للكاتبة طيبة الربيعي)
حسن: انسي كتلج لتخليني اتصرف غير تصرف
دك فوني، اخذتة ورحت للغرفة، نفس الرقم
دكتور هيثم
رتيل: نعم دكتور
هيثم: بس ردت اكلج قياس علاوي شكد، بالملابس يعني
استغربت: ليش
هيثم: هيج اريد اعرف، بسرعة كليلي مستعجل
كتلة القياس: دكتور شكو
ضحك: شبيج خايفة ترة مابوك اطفال، بس عجبني كم تراكسود ماركة يلوكن العلاوي
رتيل: ليش تزحم نفسك
قاطعني: اعتبريهة هدية عيدميلادة
رتيل: تسلم دكتور متقصر
ترخص وسدة، درت وجهي
فزيت من شفتة واكف(للكاتبة طيبة الربيعي)
عاكد حاجبة ومجتف ايديه
رتيل: شبيك خوفتني
حسن: وتكولين ماوافقت مو
عكدت حاجبي: انتة شتريد
سد الباب، كلبي وكع
رتيل: افتح الباب بلة خبال
تقرب حصرني بينة وبين الحايط
خليت ايدي علة صدرة اريد ادفعة
احس جسمي كلة خدر
رتيل: ابعد حسن لتتخبل
عصر فجي بيدة، احس العظم يريد يطك
حسن: شايفة اذا سمعت بعلاوي شايفة لهذا المخنث، حلكج هذا اشكة
احاول اوخر ايدة ماكدر
رتيل: اتتترك(للكاتبة طيبة الربيعي)
تركني وراح للباب
قبل ليطلع: حذرتج، وقد احذر من انذر
طلع، واني لزمت فجي
مخبل والله، شايف نفسة علة شنو ماادري
سمعت الباب انسد
نزعت شالي وبدلت
علاوي بعدة يلعب، بليل نومتة ونمت
ثاني يوم وديتة للروضة ورحت اتسوك
العلاليك صارن كومة احس ايدي تريد تنخلع
عبرت من الكراج مال سيارات علمود اطلع
للشارع الي يودي البيتي
طبكت سيارة كدامي
نزلت الجامة، حسن(للكاتبة طيبة الربيعي)
حسن: صعدي اوصلج
مشيت: ماريد شكرا
حسن: عندي حجي وياج، صعدي لتخليني انزل اسحلج كدام العالم
رتيل: اي حتة اخبر عليك الشرطة
حسن: ولج تهديدني بالشرطة! والله زمن، تعاي صعدي اريد احاجيج علة علاوي والسفر
اني سمعت علاوي والسفر صعدت بدون
تردد، شغل السيارة وطلع
طبك بالكراج البصف عمارتنة
حسن: تاخذي وياج بس بشرط
رتيل: اي وشنو هو؟
حسن: اجي وياكم
فكيت عيني علة وسعهة(للكاتبة طيبة الربيعي)
هو اني اريد اخلص منك ومن وجع كلبي
رتيل: شلون يعني تجي ويانة مدافهم
حسن: اجي وياكم، نعوف الولد معلك بيناتنة؟
رتيل: يعني متكدر تصبر اسبوعين، انتة مو ملتهي؟ مراح تنحرم منة افتحلك كامرة ويا
حسن بعصبية: ليش متخلي يمي واني افتحلج كامرة ويا!
رتيل: هووف، شكد اناني انتة
حسن: بعد لتعيديهة هاي الكلمة، هاي المرة الثانية

يتبع...🌺