#نياط_القلب
#طيبة الربيعي
البارت التاسع عشر
(للكاتبة طيبة الربيعي)
موتني من الألم روحي رادت تطلع
رتيل ...فرحانة بوليدي، ربي يسعدهم
رغم الزواج بهل عمر خاطئ
بس زواجة حالة طارئة
ومسألة حياة او موت
بقيت يمهم لان ميار خايفة
واني اصلا جنت ناوية ابقة
وحسن هم كلي ابقي ابنج مو راحة
بقيت اني وهمة بالغرفة
شوية وسمعت صوت عياط ميار
حرت اصعد لو لا
كامت تصيح خالة الحكيلي راح اموت
رحت للباب دكيتة
كلبي رجف عليهة(للكاتبة طيبة الربيعي)
صاح علي: روحي ماكو شي
رتيل: ابني شبيهة البنية شدتسوي
علي: شسوي يعني! روووحي!
وميار مستمرة تعيط وتصيح راح اموت
عفتهم ورجعت
اتصلت بحسن
رتيل: حسن البنية راح تموت بيدة ابنك متوحش
حسن: شلون يعني
رتيل: افتهمهة شبيك
حسن: عوفيهم عادي، لتخافين يأذي روحة وميأذيهة، بس الظاهر مستعجل الواطي
رتيل: شلون فهمني خايفة عليهة
حسن: دعوفيهم بابا رجال ومرتة، خلي شيسوي بيهة خل يسوي مرتة، ميأذيهة شبيج، شلون بعلاوي حرمني من ام علاوي
رتيل: حبيبي بس اليوم، اوف يعلاوي مرمرنة
حسن: ابقي وياي عالخط، من تسمعيني اشوخر سدي
رتيل: ماشي قلبي(للكاتبة طيبة الربيعي)
دخلت للغرفة وسديت الباب
بقيت عالخط وية حسونتي
نسولف لحد ماغفة
واني نمت من التعب والتفكير الزايد
علي ...كعدت الصبح مرتااااااح
رغم اعرف تبجي بسبب أذيتي الهة
بس احبهة وجنت منتظر هاليوم بفارغ الصبر
مثل اليسوي انجاز وينتظر تقييمة
فكيت عيني لكيتهة نايمة
وخرت خصلة من وجههة
بستهة بشفافهة
خوش ريوك من الصبح
صرت فوكاهة اكعدهة ابوساتي
علي: ميورة، ميورتي، حبيبتي، امي، ابوية، ماتكعدين؟ مرتي بنيتي حبيبتي(للكاتبة طيبة الربيعي)
ميار ...مو علاوي اليخاف علية
معرفتة صار غير انسان
شبعت بجي يلة نمت
متكسرة مابية اكوم منا لهنا
عبالي حلم من حسيت ابوساتة
وكلامة العذب
حسيتة رجع علاوي الحقيقي
فكيت عيني شفت اللمعة بعيونة
اني احبك، مو بس احبك اموت بيك
بس انتة أذية(للكاتبة طيبة الربيعي)
خفت ليعيد الكرة ويبهذلني
ميار: صباح الخير
باسني: صباح النور، يلة خل نسبح ونطلع نتريك، ترة جوعاااان
ميار: اي بس وخر خل اكوم
بأيد وحدة شالني وكام
تعلكت بخصرة
علي: ولج متبعدين عني لحظة بعد، حتة من اطبين للحمام وياج
ميار بقلق: وشلون هاي
باسني: معليج اني ادبرهة
دخلنة سبحنة ومكعد عاقل
واني اخاف اردة لينقهر
ويصير بي شي لا سامح الله
غير اموت والله(للكاتبة طيبة الربيعي)
طلعنة بدلتلة بيدي وهو مستمر يبوس
لمساتة صارت رقيقة مو مثل البارحة
بدلت ورا
لبست ثوب ماما جابتليا كالت تلبسي
بصباحية عرسج
ابيض بقماش حريري
مفتوح من الظهر
بس بأردان
علاوي بس شافني هيج فك عينة
علي: ولج انتي انسان مثلنة لو كمر؟
خجلت: كافي علي(للكاتبة طيبة الربيعي)
علي بعصبية: لتكولين علي، اذا شلتي علاوي ادفنج
خفت: علاوي ليش تعصب، مو قصدي غير احب اسمك
جرني من خصري: اي ميخالف، احب علاوي احلة بحلكج
طلعنة نتريك
كيمر وكاهي وعسل
رحت اكعد خالة
خطية فزت فزة
مفزوعة عبالهة بية شي
رتيل ...حسيت علة صوت ميار
كمزت من مكاني عبالي بيهة شي
لو علاوي صار بي شي لا سامح الله
رتيل: ها خالة شكو
ميار: لا خالة ماكو شي ليضل بالج، بس تعاي تريكي ويانة راح من بالي اكعدج
لزمت ايدي: خالة شلونة علاوي وياج البارحة ليش عياطج رج البيت شصار(للكاتبة طيبة الربيعي)
نزلت راسهة خجلانة: مصار شي خالة عادي يعني
عرفتهة خجلت ومتريد تحجي
وخرت الغطة: يلة حبيبتي انتي روحي كملي ريوكج واني هسه اجي
ميار: ماشي
ميار ...رجعت علاوي جان منتظر
جرني كعدني بصفة لزك
علي: لتكومين مني، لزكي بية صيري لزكة
ابتسمت وحاوطت ايدي بذراعة
وخليت راسي علة كتفة
ميار: حبيبي من اني صغيرة لازكة بيك اطمن ماتركك لحظة
ضحك: شلون لزكة تخبل، عبالك دوة
اجتي خالة(للكاتبة طيبة الربيعي)
صبحت بوستنة ثنينة وكعدت
رتيل ...يمة وليدي الفرحة باينة علة وجههة
الضحكة مفاركت وجهة
وميار فدوة الكلبهة عبالك ملاك ويداوي بجرح طفل
ربي يسعدهم والله فرحانة حيل
من خلصنة ريوك كامت تريد تغسل المواعين
كتلهة ابد، روحي الرجلج انتي
كعدو بالهول واني بديت اغسل مواعين
خلصتهن دك الجرس
رحت اشوف منو
علي: تعاي وين، اني رجال البيت
فدوة الطولك وشلون رجال يخبل
علي ...منو يجي بهل وقت، فكيتة
العشيرة كلهة، واولهم ابوي
بوسني وباركلي
طبو كلهم باركو(للكاتبة طيبة الربيعي)
اذكرت ميار لبسهة فضيحة ومالابسة حجاب
شاروت ابوي: يابة ليطبون هسه، ميار مالابسة حجاب
حسن: عيب بابا تخلي الناس واكفة برة، واذا كلهم عمامهة مو غربة
طبو كلهم، جانت كاعدة بالهول
خزرتهة واشرتلهة تصعد
ميار ...دخلو كلهم، داريد اسلم شفت علاوي
يخزر بية ويأشرلي اطلع
يمة رجلية محملني بعد
منا يسلمون عيب لازم ارد السلام
ومنا خزراتة المميتة
سلمت عالسريع وطلعت
صعدت داريد البس فوكا شي
لكيتة وراية
خلة ايدة ورة ظهري وزرفة باظافرة
ميار: اااي علاوي شبيك
علي: خليتيهم يشوفون ظهرج، غير اطبين من تسمعين صوتهم!
يحجي بعصبية بس بصوت ناصي
ميار: مادري والله، هسه حلبس والله حلبس
علي: اخر مرة هاي
ميار: اي اخر مرة اسفة(للكاتبة طيبة الربيعي)
ابتسم وباسني: يلة ولفي حجابج هم، ولتكعدين هواي روحي للمطبخ يم البنات
ميار: ماشي حبيبي
انتظرني البس حجابي يلة
اخذ ايدي ونزلنة سوة
شوية ورحت يمهم بالمطبخ
وسوالف واسئلة(للكاتبة طيبة الربيعي)
ماما وخالة يجاوبن نيابة عني
لان احس راح اموت بكاعي من الخجل
يتبع...🌺
أنت تقرأ
نياط القلب
Romanceقصه منقوله للكاتبه طيبه الربيعي #نياط_القلب ما يعانيه الطفل بطلاق الوالدين وما يعانيه الوالدين بما يشعر به الطفل وتصرفاته احسنوا الأختيار قبل فوات الأوان بقلمي طيبة الربيعي
