#نياط_القلب
#طيبة الربيعي
البارت العشرون والأخير
(للكاتبة طيبة الربيعي)
استمرت الايام واني كوة جايبتهة وية علاوي
بسرعة يعصب واقل شغلة يكلي ادفنج
بس ممد ايدة غير بليلة العرس
واني وياهة وياهة اخاف عليه
بس افكر بدراستي، شلون يعني واني
كل حياتي مخلصتهة هناك
كعدنة ابيت جدة
النة سويت كامل فوك وحدنة
اهل ابو زناكيل
بس كلهم ابيت واحد
لكن واسع كلش
وويانة بس بيت عمة واحد
وبيبيتة
وبيت عمة ماعدهم ولد بس بنات
بعد مرور اسبوعين علة زواجنة
قررت احاجي علمود موضوع الدراسة
العب بصدرة واحجي
ميار: علوشتي(للكاتبة طيبة الربيعي)
علي: قلبة
ميار: دراستنة شلون، يعني نرجع للسويد؟
علي: نرجع بس مو هسه، تصيرين 18 يلة
ميار: بس تروح مني سنة كاملة
علي: واذا؟ العمر كدامج عمري، نكمل دراسة سوة حتة
ميار: شنو تريد تصير؟
علي: والله الصراحة اني ماحب الدراسة، عادي اصير اي شي بس اخذ شهادة واسد احلوكهم مني
ميار: تمام قلبي اهم شي انتة مرتاح
علي: وانتي شتريدين تصيرين؟
ميار: صيدلانية مثل خالة
باوعلي ضايج: وتهمليني مثل امي؟(للكاتبة طيبة الربيعي)
ميار: لا حبيبي لاا ابد، بس بنفسي اخذ هل شهادة، عادي مو الة اشتغل، اهم شي عندي انتة يروحي
علي: عفية حبيبتي
واستمرت الايام
بس
بنت عمة الوسطانية بكدة معاجبتني
تنظر لعلاوي هواية وتصفن عليه
بالبداية كلت عادي يجوز هية هيج طبعهة
تباوع عالكل
لكن انتبهت بس علة علي
قررت احاجي
ميار: علي
خزرني
ميار: علاوي
علي: عيونة
ميار: ممرتاحة البنت عمك سلمى
باوعلي: شبيهة(للكاتبة طيبة الربيعي)
ميار: لتحتلك بيهة هواية، ماريدهة قريبة منك اضوج
علي: ميار بدينة بسوالف النسوان
ميار: مو مسألة سوالف نسوان، بس مارتاحلهة تباوعلك هواية
واني ماحب هل شي
علي: هية تباوع مو اني، لتحطين ابالج تعاي بوسيني
سكتت، وعادي مرت الايام
بس نظراتهة الة متعجبني
وهو عادي مستمر يشاقة وياهن ولا كأنما
وبيوم جنة بالسوك اني وبيبتة
جنت محتاجة غراض وكوة خلاني اروح
رجعنة وصعدت لغرفتنة
فتت وانصدمت بألي شفتة
علي نايم علة بطنة
وهية كاعدة تمشي ايدهة علة ظهرة
تخبلت
ميار بعياط: شدتسوين!(للكاتبة طيبة الربيعي)
فزت وكامت: ولا شي
ميار: انتي متستحين! شلون ادخلين غرفتي وتتحارشين بزوووجي
فز علي وكام
علي: شكوو
سلمى: واذا ابن عمي
باوعت العلي: تقبل انتة بهل شي؟! تقبل تلعب بظهرك!
علي: شكووووو
كمت ابجي: نايم وتلعب بظهرك شلون تخليهة
سملى: مسويت شي جيت اخذ اذا عندكم ملابس وصخة، كذابة اني مسويت شي
علي: روحي سلمى نزلي
نزلت واني اباوعلة وابجي
حتة مسوالهة شي
علي: ميار غيرتج متوصل لدرجة تتبلين علة البنية لو تتخايلين(للكاتبة طيبة الربيعي)
ميار: يعني اني اكذب؟ ليش متصدكني داكلك شفتهة بعيني
علي: ختولي بعد ماخليهة تصعد هنا
تركتة وطلعت
نزلت يم بيبي وسملى بكل عين صلفة تباوعلي
ولا عبالك السوتة غلط
بس عتبي مو عليهة علة رجلي الي ميصدكني
وميوكفهة عند حدهة لأنهة بنت عمة
ورة شوية نزل(للكاتبة طيبة الربيعي)
مباعتلة التهيت وية بيبي اسوي الخضرة
علي ...ضوجتني ميار، نزلت وعافتني احجي وحدي
مادري بسلمى هيج جريئة، ماعندي شي وياهة
عادي بنت عمي، صدكتهة الميار بس مردت المشكلة
تكبر وتصير مصيبة
بدلت ونزلت وراهة
مباوعتلي ولا عبرتني
علي: ميار كومي اريدج(للكاتبة طيبة الربيعي)
ميار ...حرجني كدامهم، مشيت ورا صعدنة
اوت مطبينة جرني وحصرني بالحايط
علي: من احجي مديرين وجههج وتتجاهليني!
ميار: اترك اني ماحبك بعد اكرهك
عافني وراح للميز
ابجي وافرك بيدي أذاني
رجع حصرني
بس هل مرة رفع ثوبي
واني انزل بي(للكاتبة طيبة الربيعي)
ميار: لا علي الله عليك
عاط بوجهي خفت: وخري ايدج!
وخرتهة
رفع ثوبي وحسيت بسجينة
اخترقت فخذي
جرحني بموووس
واني ابجي وهو حاط ايدة علة حلكي
علي: من تتصرفين وياية هل تصرف، فكري بعواقبة واتحملي النتيجة(للكاتبة طيبة الربيعي)
روحي شاغت، جرح الموس يموت
اباوعلة بتوسل وهو يضغط اكثر واكثر
شمر الموس وجرني للفراش
واغتصبني بأبشع صورة
علي بالفراش يتخبل
ينجن
يتهستر
عبالك يذب حركتة وحركة الدنيا
كلهة بية(للكاتبة طيبة الربيعي)
عبالك يعاقبني بافعال اهلة
واني بديت اخاف وارتعب منة
خابرت خالة وكتلهة
اجوي وحجو ويا
وياريتني مخبرتهة
اجة جرحني بفخذي الثاني
وهل مرة بسطني موتني
ميار: طلكننني ماااريدك
من يوم الكتلة هاي الجملة
علي تغير وياية(للكاتبة طيبة الربيعي)
مو ميار حبيبتة والي يحبهة من الصغر
كام يغورني وية بنت عمة
وبيوم كال البيبيتة
كاعدين اني وياهة وسلمى
وهو وابن عمة جاي خطار يمنة
متزوج وعندة جهال
علي: بيبي اريد ازوج ماتلكيلي مرة
بيبيتة ضحكت
بس اني نار وشبت بية
احس كلبي انمرد
والدموع تريد تغصبني وتطلع
عفت البيدي وكمت للغرفة
بقيت لا غدة ولا عشة
وفعلا قررت اطلك منة لان تعبت ومليت
اني شسويلة وهو ابيش يجازيني
بليل دخل(للكاتبة طيبة الربيعي)
علي: حضريلي هدوم مال طلعة
ميار: وين رايح
علي: وانتي شعليج، يلة حضري وطلعيلي الريحة الجديدة وملابس داخلية جديدة
تخبلت هذا اكيد انجن
ميار: والله يا علي اذا لمست وحدة غيري تحلم ابقة وياك لحظة وحدة
علي: دمشي لج تهدديني، روحي انكلعي الف من تتمنة نظرة مني انتي شنو
حجاهة باستهزاء
باوعتلة عيوني مغوركة
ميار: متستاهل كل الأسوي علمودك
طلعت جنطة وبديت الم بملابسي
وابجي بحركة واحجي عليه
وهو واكف يباوعلي(للكاتبة طيبة الربيعي)
علي ...من كالت هاي الجملة
حلفت الة اندمهة واطيح حظهة
تهددني، مثل امي من جانت تهدد ابوية
بس ماريد اصير مثل ابوي اني
ابوي ابو النسوان
الجان يخليهة تبجي دم ولا يحس بيهة
مستحيل اطلع نسخة من انسان فاشل مثلة
اباوعلهة وكلبي محروك عليهة
بس اريد اتوبهة واخليهة اطيعني بكل حجاية
وفعل
علي: رجعي اهدومج لتتخبلين دنيا ليل
مجاوبتني تلم وتبجي
رحت جريتهة دفعتني(للكاتبة طيبة الربيعي)
ميار بعياط: ماااريدك اني خلاااص انتة انسان دنيييء ميهمك غير الفراااااش
انهارت فد نوب
بس انقهرت من كلمة دنيء وميهمك غير الفراش
لا ميار اني ميهمني غيرج انتي
احب اسوي كلشي وياج اشاركج بكلشي
انتي امي وابوية صعب اعيش بدونج
انتي الحييتي كلبي الذبل بمشاكل اهلة
حييتي بداخلي حب محصلتة منهم
جانت شفقة منهم الحب الشاركوني بي
مو حب حقيقي، مثل حبج الي وخوفج علية(للكاتبة طيبة الربيعي)
رحت شبكتهة وبجيت: ميار لتعوفيني، اني اموت بدونج، لتصيرين مثل امي وابوي، سويت هيج علمود احرك غيرتج جي قهرتيني من كلتي طلكني ماريدك
ميار ...انهار اكثر مني وكام يبجي
يمة لا كلشي ولا ينقهر
حضنتة وكعنة اثنينة
هو يبجي واني ابجي
تهستر كام يحجي علة اهلة ويغلط عليهم
مسحت علة شعرة: حبيبي انتة روحي وعمري مستحيل اعوفك، قلبي كافي فدوة العمرك لتنقهر، عوفهم كلهم خيولون اني يمك لزكة مستحيل اعوفك
ومن يومهة بعد متعاركنة ولا تزاعلنة
لكن مشاكل بسيطة عادي تصير بين كل زوجين
رغم صغر سني بس حسيت نفسي جبيرة(للكاتبة طيبة الربيعي)
ومسؤولة عليه اكثر من ما مسؤولة علة نفسي
انتقلنة البيت اهل خالة لان سلمى مو راحة
وهو هم مو مرتاحلهة، كبرنة ثنينة
ورجعنة للسويد
صار عدنة تلث اطفال
اطلع من اربعين الاول احبل بالثاني
وهكذا
علاوي خلص دراسة وبدة يشتغل وية خالو
واني خلصت وكعدت بالبيت وهو يصرف
لان ميقبل اداوم واني عندي تلث اطفال
وهو رابعهم
وعلة فكرة، خالة رتيل حبلت وجابت بنية
تخبل، خالو حسن جان بنفسة طفل لاخ
وعلاوي يموت عليهة حاير بيهة اكثر
من اطفالة(للكاتبة طيبة الربيعي)
الحمدلله كدرت اقوي قلبة العلوشتي
ومو علة كلشي ينقهر
كعدنة كعدة معدلة وتناقشو هو واهلة
خطية خالة كامت تبجي وهو وياهة
اعتذرو منة علة كل الي صار بسببهم
طلعنة بفلة احنة وبيت خالو حسن
وعايشين احلة عيشة
خالو حسن وعلاوي اعصاب
واني وخالة رتيل نجيبهم بالسياسة
وهمة رغم اعصابهم قلبهم طيب وماكو مثل
محنتهم ابد
حسن ...بالنهاية انصح كل متزوجين
وعدهم اطفال(للكاتبة طيبة الربيعي)
انسو حياتكم وعيشو لاولادكم
لتصيرون مثلي جان كل همي الونسة
مافكرت بعواقب الطلاك
مافكرت بابني تصير بي حالة نفسية واحنة بالغربة
بس مو كل النسوان مثل رتيل، بنت اصول
رغم السويتة بيهة مادخلت القانون
واتحملتني وتحملت طيشي وابني المجنون
رتيل ...الحمدلله بعد العناء الله كتبلنة حياة
خالية من المشاكل الجبيرة
حسونتي راد نسوي طفل سوينة
واجتي بنية تخبل ماشاءلله(للكاتبة طيبة الربيعي)
وعلوشتي فدوة الكلبة رجال بمعنى الكلمة
والله ينطيهة الميار محد غيرهة عالجة
ترة الحالة النفسية اهم من كلشي
ضروري ننتبه للانسان الانحبة ويحبنة
منجرحة بحجاية لو بفعل
كلنة الي بينة مكفينة
اشيل الحمل عنك وتشيل الحمل عني
هية هاي الحياة
تمر وتنتهي
وتبقة اعمالنة(للكاتبة طيبة الربيعي)
علي ...اختم القصة بكلامي
صح تأذيت هواي ومن اقرب ناسي
بس جنت انفعل زيادة عن اللزوم
واحرك بروحي علة اقل شغلة
بس ميار
ميار علاجي
الانسانة الكدرت تخليني اصارع لخاطر نفسي
وافوز بيهة
كلبي تعب بس من القهر
اكتشفت حتة لو احرك بروحي
وانقهر وابجي واكره عيشتي
الدنيا مراح توكف(للكاتبة طيبة الربيعي)
محد راح يوكف علمودك
انتة التسوي نفسك بنفسك
يجوز اني عندي حظ والله هدالي ميار
بس مو الكل يحصل انسانة مثلهة
اهتم النفسك اعتني بالامانة الربك رزقك بيهة
النهاية ...
العبرة، لتستهين بطفل
صح طفل
بس يحس
يفتهم
يشعر
وهل مشاعر راح تنعاد بالكبر
وراح يذكر كلشي
ويكوم يقارن ويفكر
مع الاسف اغلب العوائل متتعامل باسلوب وية اطفالهة
ايدهم والضرب، لسان زفر (مع احتراماتي للمحترمين)
اذا سوة شي يكلبون الدنيا
ميكولون هذا طفل هم يحقد
هم عندة مشاعر
يتأذة وينقهر
الطفل يريد واحد يحتويه
مو يأذي
وانتة الرجل اذا مو كد المسؤولية
وتعرف بنفسك متستمر بزواج
لتكون عائلة وتتركهة بنص الطريق
الله ميضرب بحجار
يجي يوم ويضربك بالدنيا
بس عذاب الآخرة أمر وأشد
والمرة الي تحافظ علة بيتهة
رغم المشاكل، لخاطر جهالهة
هاية كنز لا يفنى
بس مع الأسف بهذا زمنة
المحترمة والشريفة اسمهة "معقدة"
والخفيفة والسانهة يلعلع
هية المطلوبة
بس الشريفة تبقة محافظة علة نفسهة
مهما صار
أنت تقرأ
نياط القلب
Roman d'amourقصه منقوله للكاتبه طيبه الربيعي #نياط_القلب ما يعانيه الطفل بطلاق الوالدين وما يعانيه الوالدين بما يشعر به الطفل وتصرفاته احسنوا الأختيار قبل فوات الأوان بقلمي طيبة الربيعي
