نياط القلب

8

#نياط_القلب
#طيبة الربيعي
البارت الثامن

(للكاتبة طيبة الربيعي)
ام حسن: شلونج خالة، شو كطعتي فد نوب
رتيل: الحمدلله خالة، شسوي ملتهية بالشغل وبعلاوي
اباوع لعلاوي شلون يشبك ابنت نهلة
يبوسهة وهية ادفع بي
ام حسن: ولك مكموع عوفهة
حسن: عوفهة بابا عيب
جرة حسن لحضنة وبوسة
نهلة ضحكت: المكموع طالع علة ابو يحب الشكرات
حسن خزرهة، باوعتلهة ورجعت باوعت لخالة
ام حسن: نهلة كومي بدلي رجلج راح يجي
كلامهة صحيح، يحب الشكرات
يموت عليهن، شكد انقهرت
يعني كلهة تعرف بي(للكاتبة طيبة الربيعي)
بس اني الساذجة ماعرف بشي
كامت نهلة وراحت
شوية واجة رجلهة اخذهة هية وبنتهة
ام حسن: حسن يمة صارلة الولد عندك خمسة ايام، خلي يم امة دورهة
حسن: يمة كلمتي ماثنيهة، لحد يلح
رتيل: مو من حقك تاخذة
كام: راجعلج اصبريلي
مدري وين اخذ علاوي ورجع
حسن: كتلج وحذرتج، علاوي خط احمر، تريدين تزوجين امشي ولي ازوجي، بس ابني ماتلوثي بالمخنث مالج(للكاتبة طيبة الربيعي)
رتيل: لك يامخنث انتة شدتحجي!
ام حسن: شنو مخنث مو عيب هل حجي، خالة فهميني شنو زواج، صحيح تريدين تتزوحين
رتيل: خالة وداعة امي وابوية ممفكرة بالزواج ولا جايبة طارية، دكتور وياية طلب ايدي وكتلة مموافقة، رفضتة والنبي رفضتة
حسن: والهدية الجايبهة! لامج!
معرفت شأكلة، صوجي حجيتلة
دأكليهة انتي الجبتيهة النفسج
حسن: ها شو سكتي
ام حسن: وانتة ليش دمك محروك، واذا جابلهة هدية شنقص من جيبك انتة(للكاتبة طيبة الربيعي)
حسن: شعلية بيهة يطبهة طوب، جايب هدية لعلاوي، اروح اكسر سنونة بحلكة اذا بعد سواهة
رتيل: ماعندي شي ويا والله، والهدية راح اذبهة وراح اكلة بعد ليجيب ولا يحاجيني، بس خلي اخذ ابني خالة فدوة
ام حسن: سمعت؟ بعد ماكو المخنث، انطيهة ابنهة خل تاخذة
حسن: ماكو اليوم يضل يمي
رتيل: لك صارلة خمسة ايام يمك!
ام حسن: حسن شبيك انتة ماما، شهل تصرفات، شنو فلمكم
حرام هالولد بهذلتو بمشاكلكم، ليش هيج شوصلكم لهل حالة(للكاتبة طيبة الربيعي)
رتيل: خالة اريد ابني فدوة
كمت ابجي، اجة علاوي
بجة: اجي وياج
سودة اعلية يا يمة
شسويت بيك اني بمشاكلي
شلتة ابوس بي
ام حسن: اخذي خالة وروحي، كافي لتبجين كدامة ترة حتة لو طفل يفتهم
رتيل: شكرا خالة مقصرتي
حسن: خلي ابالج، مرة ثانية اذا سمعت بزايدة ناقصة اخذة واروح للعراق احرمج منة والله
ام حسن بعصبية: امشي خالة اخذي ابنج وروحي
لبستة سلمت عليهة وطلعت
رجلية يرجفن يمكن ضغطي نزل(للكاتبة طيبة الربيعي)
وصلنة للبيت بقيت علوشتي بحضني
ابوس بي واشم بي وهو ضاج
لان لحيت ويا، مثل ابو
يضوج اذا الواحد يلح عليه
واني حسيت علة نفسي صدك لحيت
تركتة
رتيل: علوشة ماما، انطب نسبح، مي داافي
علي بفرح: يلة
بوستة: اففييييش(للكاتبة طيبة الربيعي)
مسحهة: ماما شبيج، بس تبوسين بية، روحي بوسي بابا
ضحكت، لا يا مكموع منين متعلم
هل حجي، اكو غير ابوك
الله اليعلم شتشوف من تروح عندة
تركت هل افكار ورحت دفيت الحمام
وترست البانيو مي دافي
طلعت حضرتلة ملابس
اخذتة نزعتة ودخلتة بالبانيو
كام يشمر علية مي ويضحك
بللني، فدوة الضحكتك اروح
احساس الأمومة حلو
ماكو مثلة احساس
كأني ضاربة كلشي بعرض الحايط
بس علوشتي الكل بالكل
سبحتة ولفيتة لف يلة طلعتة
جان تعبان، كبل للفراش
نومتة، دك الجرس(للكاتبة طيبة الربيعي)
رحت فتحتة، وداد
دخلت كعدنة بالصالة
سويت جاي وعندي كيك
خليتة بالصينية واخذتة
وداد: معاجبتني هل ايام شبيج
رتيل: يعني متعرفين، اني ساكتة طبعا لخاطر صداقتنة
وداد: ولج شبيج، شنو هل حجي
رتيل: شلون تحجين لحسن علة هيثم، مو كتلج ماريد احد يعرف(للكاتبة طيبة الربيعي)
وداد: عزة العزاني وين حاجية، انشاءلله اكمع جهالي اذا حاجيتلة
رتيل: لعد شدرا، محاجية لواحد غيرج
وداد: ماعرف والله، بس زوجي يعرف، سألني عليج كتلة متقدملهة دكتور وياهة بالمستشفى ورافضتة، بس وداعة جهالي ولا محاجيتة الحسن، ذاك اليوم اجة يمنة وكعد وية زوجي، اكيد هو الحاجيلة متعرفيهم اصدقاء
رتيل: اوف يا وداد، من تعرفيهم صداقتهم قوية ليش تحجيلة الرجلج، متعرفين شسوة الافندي من عرف
وداد: والله مو ابالي هيج حجينة عادي، شسوةة
كتلهة(للكاتبة طيبة الربيعي)
ضحكت: يابة اذا مطلع يغار فلا اسمي وداد، لا ابنج ولا بطيخ، دخل يسمع موافقة لا ما يجي يحركج
رتيل: دشوف هاي يا الله، هو طبعة هيج وابو طبع ميغير طبعة، من جنت يمة محس بوجودي تريدي هسه يحس، سكتي لتخليني احركج بالجاي مثل ما كلبي محروك
باعتلي بابتسامة صفح: تحبي
رتيل: وداد ميزي عاد
وداد: وربي بعدج تحبي، بس ذاكة راسة يابس
رتيل: مااحبة، ابو ابني لا اكثر ولا اقل، سكتي كافي
ورة شوية راحت، كعد علوشتي اجاني
عيونة مطفية
علي: تعاي نامي يمي(للكاتبة طيبة الربيعي)
شلتة وبوستة: افيش يروحي مو تدلل
نام بحضني دفن راسة بصدري
يمة فدوة لأبني
اموت بي امووووت
للمغرب يلة كعدنة
سويتلة عشة وكلتة وعفتة يباوع كارتون
صليت وتوني اريد اطب اسبح
دك فوني، باوعت حسن
جاوبت: الو
حسن: مو صارلي ساعة ادك وينج
رتيل: جنت اوكل علاوي مسمعتة، شكو
حسن: دورت حجز، عالاسبوع الجاي يناسبج؟
تفاجئت وبنفس الوقت طرت من الفرحة
بس محبيت ابين(للكاتبة طيبة الربيعي)
رتيل: وليش تحجز، اكدر احجز الروحي مو طفلة
حسن: راح احجز عائلي اذا تحجزين وحدج مالكة نفس وقت طيارتج
رتيل: بس اني ماريدك تجي

يتبع...🌺