# قـــــصـــة أســــيــرة الـــــقــــدر
بقلم ( فــجــر المسـاري )
البارت 10
سراب ..جان يحجي ويبجي .اني ساكته ودموعي
تنزل واسمعه ..بكلبي متحملت كلامة ليش هيج
ياربي ليش ليحبوني،يرحون ويعوفوني ..
كام ومسح عيونه واقترب مني وباس راسي وكال
اوووووف…
ياروحي خسرتج يااغلى مااملـك سسسامحييني ..
وطلع تلفونه وكلي بـاعـي شوفي شكاتب ع رقمج
شفته كاتب عليه نـبـضـي وحــبــي…
من شفته اووووف متت اني،…
سراب… محمد روح كـافـي…
تعذبني واعذبك رووووح ربي يسعدك بحياتك
وهو يفتح باب الغرفه يريد يطلع كتله محمد التفت
عليه… كل ماتشتاقلي اسمع اغاني فيروز الي جنه
نسمعهه سووا…
واكل فطاير واشرب عصير… ضحك وكلي صار من
عيوني انت حبيبتي مع السلامة واتمنالج حياة
سعيدة يااااربي… وتلكين الحب مع غيري وترتاحين بحياتج بس
صدكيني انتي مزروعه هنا واشر ع قلبه بايده
وراح ادفن حبي الج بقلبي وطلع وهو يبجي واني
ابجي ..
سراب… ليش هيج ياربي تعذبني ليش خليته يحبني
ياربي مثل مازرعت حبي بقلبه خلي ينساني يارب
لخاطر خطيبته خطيه شنووو ذنبها هم باجر تصير
مثل حياتي حجيم وتعيش ويه شخص ميحبها
اووووف ياربي… ضليت ابجي الى ان تعبت ونمت
ومحسيت ع الوقت شكد نمت مكعدت للصبح
الى ان اجتي السستر قاست ضغطي…
ومن تجي الدكتوره هي ترخصنه ونطلع…
وبهالاثناء دخلوا خالتي وعمي قاسم ياعيني عليهم
جانوا خايفين عليه… وللعصر اجتي الدكتوره
وشافت الجرح وكالت ميصير بهالفتره اشتغل اي شي
ولازم ارتاح… طلعوا راح عمي قاسم يكمل اجراءات
الخروج وخالتي حميدة اخذتني للحمام غسلت
وبدلت ملابسي ولبستني عبايه اسلاميه وشال
وطلعنه وصعدنه بالسيارة وطووول الطريق ساكتين
محد حجه ولا كلمه وصلنه للبيت وفتنه جوه
كتلهم اروح ارتاح وانام تعبانه وصعدت لغرفتي
