قـــصــــة أســــيــرة الــــقــــدر
بقلمي ( فــجــر المسـاري )
البارت 6
سراب…
ثاني يوم حظرت ملابسي ورحت اخذت الانفكاك
من المدرسه ودعت الطلاب واني ابجي وهما
يبجون ع فراقي واحسهم قطعه مني صاروا
تعودت عليهم خلال 40 يوم… ورحت سلمت ع
المديرة ست سميرة والمعلمات وطلعت
خالتي جانت برا تنتظرني بالسياره وسافرنا لبغداد
اني وياهه وصلنه للبيت…
جان بيت طابقين جبير وبي من كدام حديقه حلوه
دخلنه شفت زوج خالتي حميده قاسم سلم عليه
وفرح بجيتي ورحب بيه خطيه…
اني جنت تعبانه من لسفر ونعسانه…
كتلها خاله تعبانه ونعسانه اريد انام اخذتني
وصعدنه فوك دخلنه لغرفه فارغة مابيها اي
قطعة اثاث بس بردات…
سراب يمه انتظري بهل يومين واجيبلج اثاث
هزيت راسي اي ..
طلعت خالتي غيرت ملابسي وبديت انظف بالغرفه
لان جانت كلها تراب ومتروكه مسحتها وكملت
فتت للحمام غسلت وبدلت طلعت تراك اجتي خالتي جايبتلي
فراش دوشك ومخده وبطانية ..
فرشت ونمت مكعدت للمغرب .. كعدت ..
لبست حجاب ونزلت جوه وياهم فتت للمطبخ
وساعدت خالتي بالعشه وكعدنه ناكل اني وزوج
خالتي وخالتي كملنه غسلت لمواعين ونظفت
كملت وصعدت فوك لغرفتي انام…
كلت خلي افتح تليفوني واشوف شنووو اخبار
البنات من يوم الي صار سديته مفتحته وشفت
هوايه مسجات من البنات صديقاتي يسئلون عني
خطيه بعد مرور 3 اشهر واني منقطعه عن الكل
حجيت وياهم كملت وياهم ونمت لثاني يوم…
كعدت ونزلت وصادف يوم جمعه…
فتت للمطبخ…
سراب صباح الخير… صباح النور
خاله اني اسوي ريوك من اليوم كل شغل البيت
عليه معليج باي شي…
كعدتها ع الكرسي يمي وبديت احضر لريوك
سويت جاي وطلعت من الثلاجه اجبان ومربئ
وزوج خالتي جاب صمون…
