# قـــــصــــة أســـــــيــرة الـــــقــــد ر
بقلم ( فــجــر المسـاري )
البارت 14
وخالتي بقت ساكته وتباوعلي واني ضليت مصدومه
هما طلعوا...
هاي تاليها اتزوج واحد اكبر مني وعلمود اصير
خدامه عدهم يعني ليش هيج كسرني ياسر وفقدت
اخر امل من شفته متزوج ويعشق زوجته ومرتاح
وعايش حياته واني مثل مااني متغيير شي بحياتي
ولا مهتم بيه ولا يمه وخالتي سالتني شنو رائيي
كتلها افكر صعدت لغرفتي، واني افكر وكلت ماعندي
احد بهالدنيا اذا خالتي ماتت وين اروح وين انطي
وجهي ومنووو الي والزمن والناس مترحم بقيت
يومين افكر واخذت قراري وانزلت وكلت لخالتي
مووافقه... .
الـحياه ..عبارة عن قـدر ونصـيب،تعيشة سواء
بارادتنه او لا... .
وكلت لخالتي اني موافقة... على الزواج كالتلي يمه
انتظري،ان شاء الله يجيج نصيب زيـن كتلها لا خالة
اني مطلقة ومنووو يقبل بوحده مطلقة وحتى اذا
هو قبل اهله راح يرفضون ... منو يقبل ياخذني
هما بنات مدا يزوجون انوب اني المطلقة واني يتيمة
واعرف هما هسه شلون عايشين وخطية ابنهم النونو
التهي بي وبلكت يصير عندي طفل يمكن الله يعوضني خير... حته انسى ياسر ..
كالتلي مادام انتي موافقة ومقرره مااكدر احجي شي
براحتج هاي حياتج والله. يسعدج بنتي وباستني
من راسي وكالت لعد اني شريد غير راحتج وسعادتج
جنت بالمطبخ اسوي عشا فاتت خالتي وكالت
سراب خابروا بيت عمج ابو ياسر... خير
يكولون باجر الخميس مالت عمج ويسوون اكل
ويريدونه نروح عليهم... اييي خاله بعد مكملت عشا
وتعشينه اني وخالتي كعدنه شويه سولفنه وخالتي
راحت تنام بعد وكت... رحت للطبخ وسويت حلويات ومعجنات وجدر برياني ودجاج تعبت
كملت ونظفت وصعدت انام وللصبح انزلت فتت
للمطبخ شفت خالتي كاعده كالت هاي شنووو شوكت
لحكتي تسوين كل هذا خاله بعد مرحتي نمتي بديت
