#قـــــصـــــة أســــــيــرة الــــــقـــــدر
بقلم ( فـــجــر المســاري )
البارت 8
بارت مفاجاه لحبايبي…
دخلت للبيت شافتني خالتي كلتلي شبيج
مجاوبت مشيت وعفتها وصعدت لغرفتي،ركض
وكعدت بالكاع ودموعي نزلت وذكرت تصرف
ياسر ويايه كرهته وكرهت نفسي… دخلت للحمام
غسلت وبدلت وطلعت من الحمام نمت بفراشي
وغطيت روحي مطلعت نمت للمغرب كعدت ونزلت
شفت خالتي وعمي قاسم كاعدين بالحديقه رحت
كعدت يمهم ورشيت الحديقه وراها كمت للمطبخ
سويت عشه نواشف وتعشينه محجيت لخالتي
ع الي صار اليوم…
ثاني يوم كعدت بدلت لبست تنورة سوده وقميص وشال اسود واخذت جنطتي وكتبي وطلعت ..
وكالعاده اروح للمعهد ..
مشيت لراس الشارع حتى اخذ تكسي للمعهد
واجه محمد وكف ونزل وكلي وين رايحة ست
سراب 😑
سراب… محمد ماريد اسببلك مشاكل خزرني 😒
وفتح باب السيارة وكلي صعدي صعدت وهو اندار
وصعد ومشينه وفتح وشغل اغنيه فيروز
هو يوميا يفتح اغاني فيروز يكول يحب اغانيها
طول الطريق محجينا شي ساكتين واني مدنكه
وكالعاده مثل كل يوم نزل يم الافران اشتري
فطاير وعصاير ومي واجه صعد اباوع هذا مو طريق
للمعهد هذا غير طريق ..كتله هذا مو طريق للمعهد
مجاوبني واخذني لزوراء وصلنه وصاح انزلي
بسرعه وبلا كلام ترى اشوفج شي ماشايفته
اني متت بمكاني خفت هذا شبي تخبل…
سراب عزززه هذا شراح يسوي بيه فتت للحديقة
بعد ان قطع تذاكر الدخول وضلينا نمشي اني وياه
والناس تباوع علينه اووووف ياربي
شكد فشلت هسه عبالهم متواعده وياه متت خوف
اخذني وكعدنه يم شجرة وخزرني وصاح بيه
سراب ..منو هذا الي اجه واخذج من المعهد
البارحة ورحتي وياه…
وياشر باصبعه اياج تجذبين عليه مفهوم ..
ابتعد عني ورث جكاره ودموعي تصب واجه تقرب
مني ونفخ الدخان بوجهي وخنكني بايده من ركبتي
وصاح هاي دموع جذب مو برائه وانتي جذابة
محمد باعي من الاخير شكد تريدين اني انطيج
