قــــصـــة # أســــيــرة الـــــقــــدر
بقلمي ( فـــجــر المساري )
البارت 3
وعمي صاح بيه وصارت مشكله جبيره واني خفت
وصعدت فوك لغرفتي... وبقيت انتظر ياسر
اجه ياسر وفتح الباب وسدهه حيل اني خفت منه
وهو كام يصيح ويعطي عليه واني ساكته ..
وصاح امشي ولي عن وجهي اني كمت وكعدت
بالجهه لثاني لغرفه ع التخم ..انتظرته يهدا واحجي
وياه شفته هدا رحت اتقربت منه وكعدت ع الجربايه
وهو جان كاعد لزمت ايده كتله خلص ماداوم
مادام انت مموافق ... بس اني بقتلي بس هالسنة
واداوم علمود الشهاده تفيدني... واحقق حلم
امي الله يرحمها...
جر ايده وكاي شنووو قصدج لان اني ماعندي
شهاده... كتله لا بس اخذ الشهاده واكعد بالبيت
حته تعيين مااريد...
ياسر... افكر وارجعلج خبر كومي سويلي كهوه
كلش فرحت بست ايده ونزلت رحت للمطبخ
وسويتله كهوة وصعدتهه اله... وعفته ونزلت
فتت للمطبخ سويت حلويات وخليت منها لعمي
وعمتي وصعدت منها لياسر،...
وكعدت ناكل اني وياه وكلي موافق اداومين
اني كمزت وحضنته وبسته من خده،... ضحك
وكلي بشرط...
سراب... شنووو شرطك... وبكلبي جنت خايفه،
ياسر .. اني اوصلج للمعهد وارجعج للبيت،
موافقه...
وبديت اداوم وياسر يوميا ياخذني ويرجعني
ياسر ... نعم…
سراب... ليش متسوي خط تودي…
البنات وترجعهم احسن من الكعده،..تستفاد
ياسر... خوش فكره...
وسوووه ياسر خط وياخذني يوميا ويرجعني
سراب... جان عدنه دكتور بالمعهد كلش حباب
اسمه استاذ عدنان شفت نظراته غريبه يجينه ماده اسلاميه كلش حباب ويتشاقه ويه البنات ويعتبرهم
مثل خواته… .
وفد يوم صاحني واني واكفه يم صديقاتي
وانحرجت منه... رحت
سراب... نعم استاذ عدنان
ممكن احجي وياج بموضوع ..
سراب ..اييي استاذ اتفضل…
انتي من وين ومرتبطه لا…
