# قـــــصــــة أســـــــيــرة الـــــقــــد ر
بقلم ( فــجــر المسـاري )
البارت 16
سراب مر على زواجي 6 اشهر وكل شهر يمر جنت
لانقهر لان اريد طفل صح فهودي مالي عليه حياتي
واحسه ابني بس جنت اريد اطفال...
وفد يوم سميته اليوم الاسود بحياتي بعد مكلت
الدنيا ضحكتلي رجعت بجتني...
بهاليوم الاسود طلع الحجي ابو لمياء وبعدها
مارجع للبيت... .
اجه حسن وجان مو على بعضه مخبوص وسال على
الحجية مو من عوايده يجي هالوكت وكال متصلين
بي من المعمل ويكول ابولمياء بالمستشفى واجه
ياخذ الحجية امينة واني تخبلت وتوسلت بيهم اروح وياهم حسن مقبل بس الحجية كالتله
خلي تروح يمه هذا رجلها صعدت واخذت عبايتي
ونزلت ركض وطلعنه حتى فهد عفته على اخواته
ويبجون وصلنه للمستشفى ودخلنه حسن راح
سال موظف الاستعلامات وكال موجود وصلنه
وسال حسن الدكتور كال البقية بحياتكم اهنا اني
انصدمت ورجليه متعيني كعدت بالكاع وكمت ادك
وابجي والطم على حظي الفكر...
وكالوا صايرة عركة بالمعمل واحد من العمال غالط
على ابو لمياء ومتعاركين وضاربه بالحديده على
راسه ومهزوم والعمال ناقلي للمستشفى بس مع
الاسف مكدروا الاطباء يسووله اي شي لان عندة
ضغط وسكر وماات واني اتخبلت وملخت روحي
اني والبنات واجوي اخواته وكرايبة وصار التشييع
والدفن... اووووف ياربي رجعت وحيدة من جديد
وبقيت مصدومه ممصدكة الحجي ماات بلحظة
راح من عندي الصبح اتريك وبدل ويبوس بفهودي
وكلي مشتهي دولمة سويلي وطلع حبيتة لان
ماشفت منه الا كل الخير والاحترام والتقدير
والامان والاستقرار وخلصت الفاتحة 3 ايام
والحجية امينة بقت يمنه وحسن يمر علينه كل يوم
هوه عنده بيت وحده وكاعده وياه الحجية...
ومرت الايام وزاد حزني وقل اكلي وكمت مااكل
واتمرضت ومعدتي كامت توجعني وادوخ لحت عليه الحجية واخذتني لدكتوره وحللت وطلعت
حامل شهرين مفرحت زاد قهري، ياربي هم مثلي
