# الجزء الاول
الكاتبه : بنين حسين ❤
اليوم قصتنا تحجي عن بنيه تعيش مصاعب الحياة وهيه بعمر صغير اليوم قصتنا راح تشمل هواي مواضيع واهمها هوه المرأه وحقوقها هاذه الموضوع كل النساء تعاني منه وهوه تفريق الرجل عن المرأه بمجتمعنا الي تحكمه العادات والتقاليد خلونا نشوف بنين شلون راح تتعامل ويه حياتهة الجديده
مرحبا اني اسمي بنين عمري ١٨ اني من عائله متكونه من الاب : رشيد العمر ٥٥ يشتغل دكتور اسنان
الام : حنان العمر ٥٠ صيدلانيه
الاخ : حيدر مهندس
الاخت : ساره طبيبه نسائيه متزوجه من كرار حتتعرفون علي من خلال الاحداث الجايه وعدهة ثنين اطفال عسل وايهم
بنين : طبعا مواصفاتي طولي 165 حنطاويه
وجسمي حلو وشعري اسود وطويل لحد ركبتي
طبعا اكثر شي احبه بنفسي هوه شعري
بعمري مكاصته اما شخصيتي فاني عنوديه
كووولش والبالي اسوي وما اقتنع برأي احد ابدا
طبعا هاي مشكلتي 😣 العناااد 🤣 والسان طويل
يعني بس طبعا احترم بس اليتعارك ويايه
بس اني مو صاحبه مشاكل مثل اختي ساره 😂
اني كنت عايشه حياة حلوه كولش طبعا بيتنه بالمنصور بشارع الاميرات حتكولون مايعه بس لا
احنه نحب المنطقه فلذلك احنه بيهة واحنا شوي منفتحين بس بحدود طبعا
يعني اني واختي محجبات ولبسنه زين
وملتزمين بالصلاة بس طبعا منخلص من انتقادات الناس طبعا احنه مقررين انو ننتقل للسويد
يم خالتي بس اخلص سادس بس كولشي تغير بلحضه للاسف حياتي انكلبت
اخر يوم سادس راجعه من المدرسه وتعبااانه كووولش
وتعرفون حر بعد
بنين : هلووو حيدر شو هنا
حيدر : هلوات حبي اي والله شو شفت نفسي عبالك مريض تعاي قيسي حرارتي بلا
بنين : ياحبيبي سوده عليه اجيت بس خل اشوفه وين
طبعا قست حرارته وطلعت مرتفعه
طبعا حيدر كولش حباب واحنه نحبه ويحب وحده ويا بالشغل وحيخطبهة عن قريب
حيدر : ها مرتفعه مو
بنين : اي دكوم كوم خل نروح للطبيب
حيدر : امشي بابا طبيب شنو اني حيدر اروح طبيب 😎
بنين : لا والله ليش عيني
حيدر : لا عيني اني اطيب وحدي بس شويه حركي رجليج بعد ما عندج حجه امتحانات وخلصت
روحي سويلي شوربه اني تعبان
بنين : اوووي عابت شكد خبيث اني هم تعبانه
خل مرتك تجي تسوي 😋
حيدر : امشيييي مرتي شنو لا هاي حبيبه الكلب ما اخليهة تشتغل انتي عادي 😂
بنين : هلووو شنو عيني تبيعنه على مودهة
حيدر : اي عادي واذبج بالزباله هم 🤣🤣🤣🤣
بنين : اوي شوف شكد مليييق 😒
حيدر : ها ولج منو المليق 😲
بنين : ها اني اني والله 😶🤣🤣
حيدر: دروحي رتاحي بس فكينه
بنين : لا حبي خل اسويلك شوربه
حيدر: لاحبيبتي روحي نامي انتي تعبانه
بنين: اوك
رحت سبحت وبدلت واكلت طبعا اهم شي الاكل 😁
النوب نمت كعدت كلبت تي في ( تلفزيون ) شويه ونزلت جوه
لكيتهم ملتمين عل عشا
بنين : مساء الخير
الكل : مساء النور
بنين : شنو العشا
ماما : بيتزا
بنين : اييي عفيه جوعانه
حيدر : شوكت لحكتي تجوعين اشو تمشين وتاكلين
بنين : اوووي عفيه انته شدخلك 😣
بابا : عوفهة بابا شتريد منهة صارف عليهة انته
بنين : تم قصف الجبهة 🤣🤣🤣😋😋😋😋
حيدر : لا حبي اني جبهتي متنقصف متفلشه من زمان 😎😎🤣
الكل : ههههههههه
بنين : سألوني عل امتحان وكلتلهم انو جاوبت زين ومر الاسبوع عادي
الاب : عيني حنان تره اخويه جياد عازمنه عل غده
الام : اي عادي نروح بس شوكت
الاب : انشاء الله باجر بس اتصلي على ساره حته هم تجي
الام : انشاء الله
بنين : ثاني اجت ساره من الصبح هيه وجهالهة
ساره : لج بنييين كووومي كووومي لج كووومي
بنين : بشرفج ساره عوفيني نعسانه والله 😣😣
ساره : لج مو احجي وياج كوومي يلا يلا
نشاط كومي حركي نفسج
بنين : بداعه جهالج عوفيني بس ساعه واكعد
الله يطيج بس روووحي هسه 😭
ساره: ها اوك حبي براحتج 🤔
حيدر حيدر
حيدر : يا ساتر شكوو
ساره : شوف بنين نايمه شنو رأيك نكعدهة بكل حب وحنان وغمزتله
حيدر : اي والله اوكفي عسل تعاي خالو
عسل : نعم خالو
حيدر : حبيبتي اريدج تنزلين جوه جيبيلي مي بااارد
عسل : حاضر
حيدر : اي عفيه جيبي
ساره: يلا خل نخبث شويه🤣🤣
حيدر : لج بنيييين لج الحكي طلعت النتائج ويصرخ
ساره : اخذت المي حته اول متكعد نرشه بوجهه 😏
بنين : شنو شوكت راسبه مو 😢
ساره : رشيت المي البارد كوله بوجهه 🤣🤣🤣
بنين : لج ساااره اشاااا بارد خررب هاي شنو
عفيه بااارد 😭😭
حيدر : اخ يمه بطني 😂😂😂
ساره: اني شدخلني هاي سوالف حيدر
حيدر : لاكذابه والله اني وياهة 😂😂
بنين : عابت شكد خبيثين والله الا اكول البابا وطلعت ركض
حيدر وساره : لا ولج تعاي تعااي 😲
بنين : باااابااااااا
الاب : هابابا شبيج هاي شنو المي
بنين : بابا شوف حيدر وساره خوفوني وشو بوجهي 😢😢😢
الاب : سااااره حيدر تعالو بلا
ساره : يبوووووو والله اليوم شيخلصنه
حيدر : اي والله منتضرتنه رزاله غسل ولبس 🤣🤣
ساره : يالله النوب يضحك
حيدر : يمعوده تعودنه بس نحاجيهة تروح الابويه
واترزل 😂😂
الاب : هاي شنو التصرفات بابا انتو كبار منكول لتتشاقون بس مو هيج بلا صاير بيهة شي من الخوفه
ساره وحيدر : لا بابا اسفين والله بعد متنعاد
الاب : ديلا روحو
بنين رحتلهم للغرفه هاها منو هيه ترزل خطيه والله
ماما شفتيهم خطيه 😂😂😂
ساره : مو اجيج والله اكسرج 😡
بنين : متكدرين بابا موجود
الام: كافي بنات يلا امشو بدلو
بنين : وصلنا لبيت عمي وكنت منتضره نجي بفارغ الصبر لان عمي الثاني هم موجود لان اني احب ابن عمي وهوه هم يحبني اسمه حسن بس دائما مستعجل بالزواج ما ادري ليش بس اني كولش احبه
حسن : العمر ٢٣ طويل اسمر بعيون سود
جسمي حلو عضلات لان العب حديد يعني صاك 😎
بنين : وصلنه ودخلنه بعد السلام والسوالف كعدنه
بس اني وحسن بينه نضرات طبعا
فكلت اني رايحه للمطبخ لحكني حسن
حسن : هانونه حبيبتي شلونج
بنين : هلو حبي بخير وانته
حسن : هسه عوفينه مني بنين شوكت نزوج تره راح اموت والله
بنين : هاي شبيك حسن اسم الله
حسن : اريد اجيبج يمي بسرعه الليل ما اكدر انامه اشتاقلج هوااي 😍
بنين : بدا يتقرب عليه دفعته فورا
حسن : هاي شبيج يا عيني قابل اني شمسوي
بنين : شنو شمسوي ليجي احد ويشوفنه عفيه اتركني
حسن : يعني غير انتي حبيبتي
بنين : واذا حبيبتك احنه ما بينه شي رسمي وبعدين حراام
حسن : اهووو هم كالت حرام
بنين : دفع الباب وراح دائما يسوي هيج تصرفات
بس اني اصده وما اكدر اتركه مو بأيدي والله احبه
كملنه الغده واجن بنات عمي جياد هنه بنتين وولد
البنات متزوجات بس الولد لا اسمه رافد
بس هل مره كولنه لاحضنه عليه انو مهموم وضايج
بنين : حيدر ليش متشوف رافد شبي شو مبين ضايج
حيدر : اي هسه بس اريد اختلي بي حصعد ودزي ورايه
بنين : اوك رافد حيدر يريدك فوك
رافد : طويل ابيض عيونه خضر وشعر اسود
اي صاعد هسه
حيدر : ها ضلعي شبيك شو مبين مهموم
رافد : ها لالا كلشي ما بيه
حيدر : متأكد شو ضايح
رافد : لا مابيه شي
حيدر: خلص براحتك
بنين : سألت حيدر عن رتفد وكان رده انو ما بي شي
خلصنه الغده وكعدنه ويه بنات عمي سوالف وضحك وكرزات كولش تونسنه بس اني ضايجه ومتوتره
هم من حسن وهم من النتائج حسن يريد هسه نتزوج
بس اني اريد اكمل كليتي
خلص اليوم عادي وره فتره طلعت النتائج
بنين : حيدر الله يخليك اسرع
حيدر : ليش اسرع اكيد راسبه
بنين : افف ماما حاجي تعبني
الام : ابني ليش تتلف اعصابهة
حيدر : غير اخبث شويه 😎
ها طلعت النتيجه بنين رشيد
لا ياللع ولج هاي شنو الدرجات لج ليش هيج
بنين : لا حيدر عليك الله شنو شكو
حيدر : 😂😂😂كذب عمي كذب ناجحه
بنين : الحمد الله يا ربي ضليت اقفز واصرخ كولش فرحت بنتيجتي
الاب : يلا اليوم حضرو نفسكم خل نطلع بمناسبه نجاح حبيبتي بنونه وشوفو ساره تجي
بنين : صعدت لغرفتي اخذت شاور طلعت مشطت شعري وجففته وصار لازم اختار ملابسي واني ذوقي كولش صعب ضليت واكفه كدام الكنتور
حيدر : ممكن ادخل
بنين : تفضل حبي
حيدر : اهوو بعد منا الباجر متختارين
بنين : اي شسوي مدا اكدر اختار
حيدر : امم زين ليش متلبسين هاذه حلو يلوكلج الاسود
بنين : شكرا اوك حلبسه
حيدر : ديلا اني هم رايح اغير ملابسي
بنين : لبست بدي ماروني فوق الركبه وجينز بحري
ورداء او يلك اسود علي كتابه بيضه وحمرا
ومن جوه بي فتحات وجنطه سوده وشال اسود
شوي مكياج خفيف والله طلعت صاكه 😙
رحنه للزوراء صعدنه دسكفري وياقي الالعاب وبعدين
رحنه لمطعم اكلنه ومن رجعنه فرينه المنصور كولهة
واغاني عاليه وجو حلو كولش تونست
من رجعنه للبيت صعدت انام نمت عل سرير وكولش مرتاحه بحياتي شكرت ربي
بنين : الف حمد وشكر الك ياربي عله هاي النعمه
مرت الايام بين تفكيري للجامعه وحياتي الجديده
بس مو دائما الي نتمنى يصير
قررنه انو نروح لبيت خالو بس طبعا م كلنالهم
فرحنه لبيتهم واني كاشخه على اخر حبه
لان طبعا راح اشوف حسن حبيبي
دخلنه سلمنه وكذا بس حسن ماكو ساره تدري بينه
ساره : عمه شو حسن ماكو
مرت العم : والله حبيبتي بغرفته
ساره : دصعدي بنين صيحي دنسلم علي وغمزتلي
بنين : صعدت اركض بس ردت اسويله مفاجئه
طبعا هوه محد يصعد فوك غرفته وحده بالطابق الثاني تقربت يم الباب وسمعته بس جانت صدمه عمري شي ما اتمنى لاي بنت (طبعا بس احنه بيتنه
بالمنصور وماما وبابا اطباء وصيدلانيين بيت عمامي لا
عاديين يعني )
..........................................................
خلص بارت اليوم اريد تصويت واريد منكم دعم لان هاي اول قصه اليه شتكولون بنين شنو
سمعت ❤❤❤
طبعا النشر ام كول يوم او بين يوم ويوم اتمنى من الجميع التصويت
أنت تقرأ
حياتي ثمن اخطائهم 💔
Romanceالقصه تدور عن فتاة كانت تعيش في نعيم ودلال وفجأه تتحول حياتهة للاسوء وراح تتحمل اخطاء هواي ناس بحياتهة وبعدين راح نشوف شنو نهايه القصه والقصه طبعا رومانسيه وحزينه وبيهة بعض الكوميديا وطبعا القصه باللهجه العراقيه الكاتبه بنين حسين ❤
