حياتي ثمن اخطائهم 💔

Part 5 ❤

# الجزء الخامس
الكاتبه : بنين حسين
بنين : بابا الله يخليك شنو هل حجي
الاب : بنتي ما ادري شنو اكول
الام : يمه بنتي شنو تخبلتو والله لو اعرف اخذهة وانهزم شنو تخبلتو
حيدر : شنو هلتخلف وين عايشين احنه بيا زمن
بنين : ردت اروح لغرفتي مشيت خطوتين
ووكفت حسيت انو الدنيا افترت بيه اريد اوكف على رجليه ما اكدر اسمع صوتهن بس ما اشوف شي
بنين : صحيت افتح عيوني شوي شوي شفتهم كولهم مو جودين وماما كاعده يمي وتصبر بيه طلعته من المستشفى وبعد يوم كولشي توضح
الاب : بنتي ابن عمج رافد متعارك ويه واحد وضاربه على قلبه وميت
حيدر ؛ يعني شلون مات
الاب : والله ما ادري هوه متعارك ويا ودافعه مدري ضاربه على قلبه واكع بعد مكايم
بنين : زين بابا ليش متعاركين
الاب : تذكرين من رحنه لبيت عمج وجان هوه ضايج ومهموم هوه يحب وحده وابن عمهة ناهي عليهة
فهو متعارك ويا لان همه واحد يحب الثاني
وابن عمهة ميت وهسه اخو يريد فصل وفصليه
حيدر : شنو فصليه انطي فلوس لو اعرف ابيع روحي بس لتروح وين كاعدين احنه
الاب : ابني حاولنه على كد منكدر وانته شعبالك
سهل عليه انطي بنتي بس اذا هيه مراحت انته راح تموت ويجوز اني واعمامك يصير دم
بس هيه بكيفهة اذا متريد تروح محد يجبرهة
شوفي بنتي اني بعمري مجابرج على شي
ولاهسه حجبرج سوي الي تريدي بدون ضغط عليج
بنين : ضليت ابجي وامي ضلت تصرخ عليهم بالكوه هدوهة وساره لسه متدري بالموضوع
بنين : صعدت بغرفتي وصعد ورايه حيدر
حيدر : بنين شوفي انتي مألج ذنب لتوافقين
وخل شيصير يصير انتي شنو ذنبج تدمر حياتج
بنين : فورا دموعه نزلت شبكته بس هوه دار وجهة مرادني اشوفه وهوه يبجي
ضل يحجي ويايه وكذا بعدهة راح وضليت وحدي فكرت انو معندي غير حل العناد بهيج
حاله ميفيدني اذا مرحت راح تدمر حياتهم
كولهم وبعدين اني قويه وربي ويايه واكيد رب العالمين ميعوفني وحدي صحيح راح اتأذه بس اكدر اضحي علمود اهلي لان همه دائما يضحون علمودي
واذا طلعت عائله زينه فيجوز هاذه خير الي
واذا طلعت مو زينه ماكو شي حيبقه على حاله
واكيد اذا كنت على حق ربي ميتركني
يااارب ساعدني ياعلي ساعدني يا امامي
كمت توضيت وصليت ضليت ابجي
هاي العطله صارت اتعس عطله عليه اني تحملت ذنب اخطاء مو اخطائي تحملت غلطت ليلى وغلطه حسن وغلطه رافد بعد ياترا هم راح اتحمل اغلاط
وهاي حياتي صارت ثمن اخطائهم 😢💔
رفعت ايدي الربي بجيت ودعيت يااااا رب يامجيب الدعوات ياكريم يا لطيف الطف بحالي يارب اريد ابقى قويه ما اريد اضعف لازم اواجه كولشي لان اذا ضعفت محستفاد اي شي غير البجي والقهر
كملت نمت لان اصلا تعبانه كعدت الصبح متأخره بعد يومين واروح نزلت لكيت ساره كاعده وعيونهة حمرر
بنين : شبيج سوسو هاي شنو عيونج
ساره : حضنتهة وبجيت بنونه تروحين عود صدوك
تعوفيني وترحين منسويلج عرس
بنين الله يخليج كولي غيرهة ما اكدر ببلاج 😭
بنين : حاولت ما ابجي بس بجيت غصب عني
ماما شفتهة كامت تبجي بس راحت للمطبخ محبت تخليني اضعف حيدر جان كاعد من شافنه هيج
نزل راسه فورا ادري بي يبجي سكتتهة فورا
بنين : يووو ساره لتبجين
ساره : خلص محبجي زين بني اكولج بس مو تكولين
مووقته
بنبن : هههه ادري حتكولين نروح مول وصالون
اي اني موافقه لان اصلا محتاجه هواي
شغلات ومنو يكول هناك يشترزلي لو يخلوني اطلع
الام : يلا بنات تعالو تريكو يلا امي حيدر
بنين : رحنه تريكنه ضحكنه وسولفنه وبابا جان طالع
صعدت فوك اخذت فوني راسلني حسين
( حسين طبعا راح يكون شخصيه مهمه بالقصه
حسين ياسر يكون ابن خالتي واعتبره بمثابه حيدر
خلونه نوصف حسين )
حسين : ايي واخيرا فكينه شويه بس تكتبين اطيني فرصه اعبر عن جمالي 😎
الكاتبه بنين : جمال جماليش ياابو جمال
بنين : ما الج دهل بي هوه هيج مغرور 😂
حسين : دروحن هوه انتن مضغوطات مني
الكاتبه بنين : باع هاذ يربي عرف عن نفسك ترا اجيك والله ليش تعصبوني استغفرالله
حسين : ديلا عيني ام اعصاب اوك تحضرو 😂😂
اني طويل عمري ٢٢ عيوني سود واسمر بس سماري حلو طبعا 😉 جسمي عضلات مهتم بنفسي
اني اشتغل محامي يعني هم صاك وهم طاك 😂😉
بنين : حسين كولش ارتاحله حجيت ويا طبعا انصدم بالخبر بس بالغ برده فعله
حسين : شنو هل حجي بنين كوليلهم انتي مخطوبه واذا تردين اني اخطبج ومن تهده الامور افسخ الخطبه
بنين : استغربت من حجيه حسين هاي شبيك شنو هل حجي اصلا الناس تدري بيهه ممخطوبه
حسين : بنين الله يخليج لتسوين بيه هيجي
ما عولت خلصت من حسن تطلعلي عشائر
بنين : وهسه انته ليش ضايج وشعندك ويه حسن
ضليت متفاجأه بحجي حسين وتمنيت انو البالي ميكون صحيح
حسين : بنين اكدر اجيج
بنين : شجاك حسين شعندك جاي
حسين : يعني شنو هسه اعتبر هاي طرده لو شنو
بنين : لايمعود تعال هلا بيك البيت بيتك
حسين : بس ها بدلي مو تطلعيلي بعطوبج لان اخاف على نفسي اخاف اخترع 😂😂😂
بنين : اوي عابت شكد مليق ليش شوكت شايفني بعطوبي
حسين : لا عمي هوه انتي الشعر العندج هم يصير عطوب عود 😍
بنين : هسه اعتبرك دتتغزل بيه لو تتحارش 😂😂🤔
حسين : اعتبري ليعجبج المهم جايج بمسافة الطريق
بنين : غلق الخط بس اني كولش خايفه
لبست ملابسي وانتضرته وخبرتهم طبعا
وصل بين السلام وكذا طلب انو يحجي ويايه
حسين : بنين ممكن احجي وياج بالحديقه
بنين : اي اي طبعا تفضل
رحنه كعدنه بس هوه واضح علي ممرتاح
حسين اكو شي ملاحضتك ممرتاح
حسين : بنين اريد احجي وياج بموضوع كلش مهم
بنين : ترا دتخوفني احجي شكو
حسين : بنين انتي ميصير تروحين فصليه الله يخليج ارفضي باي شكل كان
بنين : حسين هاي شنو دا اكولك انو لازم اروح وعائلتي يقتلوهم افهمني وشنو اني عبالك فرحانه اني رايحه للدمار برجليه اني اعرف شمنتضرني هناك بس اغشم نفسي واكول بلكي يطلعون طيبين
حسين : يعني انتي متأكده من حياتج حتتدمر
لعد ليش تروحين بنين الله يخليج فهميني
بنين : حسين انته افهمني لازم اضحي لعائلتي
اذا حيدر او بابا اسم الله عليهم صار بيهم شي تدري شيصير بينه ندمررر ندمررر افهمني
حسين : بس بنين اني ما اكدر هيج حسي بيه خلي عندج شويه احساس عل اقل
بنين : يا اخي شمسويتلك اني متكولي
حسين : يعني هاذه كوله ما افتهمتييييي اني
بنين : وجانت هاي هم صدمه من هواي صدمات مجنت لتوقع انو يصير بيه هيج شي يا ترا اكو اسوأ
....................................
وخلص البارت انشاء الله باجر الضهر ينزل البارت السادس واريد منكم الدعم بتعليقاتكم وتوقعاتكم
وياريت لو توون مشاركه للقصه
ملاحضه اخرى ☠☠☠☠( جميع الاماكن والاسماء الي بالقصه وخاصه الاسماء ما الهة اي صله بالواقع
واذا جان اكو هيج شي فاكيد عن طريق الصدفه
وارجع واكرر انو الاسماء ما الهة علاقه بالشخصيات مجرد انو استخدمت الاسم شكرا للقراءة )
❤❤❤❤❤❤❤❤