حياتي ثمن اخطائهم 💔

Part 7 ❤

# الجزء السابع
الكاتبه : بنين حسين ❤
فخريه : شوفي لج هسه يطب ابني ياخذج وبعدين تصيرين هنا خدامه نكسرج ونذبج وافتحي حلكج وشوفي
بنين : لا عفيه خاله الله يخليج
فخريه : وخل خاله اني الشيخه خاله شنهي
بنين : لا خالو شنو هاي عفيه بس اني ما اريد وهوه مو غصب
فخريه : انجبي لج هوه بكيفج جاي اكلج ياخذج ويذبج واذا شفتج جايه هنا اكسرج افتمتي
بنين : عافني وطلعن ضليت الطم يربي لا عفيه دخيلك الا هيج اموت والله يااااعلي ادركني ساعديني يازينب الحوراء دخيلج يا علي دخيلك يا ابو راس الحار بستر اختك يضربوني يموتوني شيسوون يسوون الا هيج يالله يا الهي خرب حضي
هسه شلون شسوي وين اولي وين اروح
شفت سكين مال فواكه جريتهة وضميتهة بيدي
شيصير خل يصير اهدده اي شي بس لا هيج 😢😢
احمد : كالو لازم تروح لمرتك بس شلون هسه
دخلت لكيتهة كاعده وتبجي
خير شبيج تونونين
بنين : سكتت محجيت لان اصلا ما اكدر احجي العبره خانكتني وبس احجي انفجر
احمد : رحت كعدت يمهة تبعدت جريتهة من ايده وباوعت بعيونهه اسمعي لج واسمعيني زين
هاذه ابن عمج النذل جتال اخوي وحزام ضهري واني مالي خلك دلع وتنغوص افتهمتي لو لا احجي حجايه وما اعيدهة مرتيين
انتي هنا راح تنفذين كلشييي احجي
تكعدين هنا شويه وبعدين اطلع واكللهم اخذتهة رادت تحجي سكتتهة اشش اكمل حجيي والغي
يسألوج كولي الامور تمام وييا ويلج وسواد ليلج اذا سمعتج حاجيه الاي مخلوق وكتهة ميصير خير
تبقين كاعده هنا واليكلج كليله شيخ احمد كلي
هاي غرفتج معليج بيهم
بس من هسه تنزلين شكو هدوم اماعين ينغسلن
الاكل تسوي تشتغلين كلشي وما اريد اعيد حجيي
عفتهة ورحت اسبح
بنين : من كال انو راح يتركني حسيت انو روحي رجعتلي دعائي ما راح هيج
حته مكدرت ارد عليه فورا تركني ودخل للحمام داخل الغرفه اني ضليت اعدل بأغراضي بس هنه يتعبن
احمد : طلعت لكيتهة تعدل بملابسهة
هاي شنو شجاي تسوين
بنين : دا ارتي ملابسي اكو شي
احمد : انتي شتكولين يعني هسه اليشوفج يصدك هاي وحده هستوه اخذهة رجلهة بعدج حته بشالج
بنين : ضجت من كلامه احسه يستغبيني محبيت اعاركه كتله اوك هسه غير ملابسي
احمد : من احجي وياج كولي صار عوفي الاوك
بنين : اهوووو هسه هاذه شكله خل اخذه عله كد عقله
صار اخذت ملابسي ودخلت للحمام لااااا عفيه هاي شنو ماكو بانيو لا يالله اني متعوده دائما علي احبه
اخذت شاور بسرعه بس مجرد بللت نفسي حته
يصدكون
احمد : طلعت والريحه طلعت قبلهة
بنين : طلعت لبست ملابس مستوره ما الي خلك قوانه جديده اباوع علي جرح رجله اكيد واخذ النيشان على اساس يعني جففت شعري
ولبست الشال وكال
احمد : شوفي لج شالج ميوكع من راسج وهدوم ضيكه ما اريد
بنين : هسه انته ششايفني نازعه الشال لو دشداشتي قصيره
احمد : لتراددين ولج
بنين : اوووي هوه شنوه شحاجيه هوه اني
احمد : اول شي صوتج ميعله وهاي الاوي بطليه افتهمتي لو لااااا
بنين : لا والله اشو اكولهة اووووي واووووي واوووي
احمد : كمشتهة من زندهة وسحبتهة اباوع بعيونهة تخزرني النوبه بت الكلب شلون عليهة عيون الحاجب شعلوه ولا الرموش النوبه شكبرهن خزرتهة اريدهة تخاف ماكو تخزر بيه
بنين : جرني ويخوزر اني هم ضليت اخنزر ورفعتله حاجب لان من صدوك عصبني
احمد : شوفي لج بعد اذا
بنين : كا عد يحجي ويايه وندك الباب همزين نقذني
احمد :عفتهة وطلعت الامي وراويتهم البشاره
وبد يهوسون ويباركون
بنين : صار اطلاق نار كولش قوي وكف قلبي
احمد : طبيت للغرفه شفت وجههة اصصصفر
ها شبيج ششفتي بعبع
بنين : عفيه شنو هل اطلاقات الناريه البرا شكو 😣
احمد : هذول اخواني معليج بيهم
بنين : ما خله امه عجوز البين تدخل عود اني تعبانه اييي احسن والله فكنه شلون لسان عدهة سمم
اجه ونام عل سرير اهووو بدت رحمه الله تعاي نامي يمي لو نامي بالكاع انام عل قنفه اشرفلي
نزعت شالي بس بعدني بالدشداشه
وهيه طويله وعريضه وردان وصيييف انسلكت يعني
ضليت الوووب اففف يربي هسه شلون
هسه من اكوم هسه يكول تغريني واني مالي خلكه
شفته متحرك كلت نام كمت لبست شورت وبدي ربع اصلا هاذه كرم مني لبست ربع 😂
الكاتبه بنين : ليش حبي قبل جنتي تنامين مصلخه
بنين : ههههه لا ولج جنت البس كيمونن وقصر من هيج
الكاتبه بنين : دنامي لتجيج عجوز البين خوش تشكه عليج اصلا 😂😂😂
بنين : اي والله هل فخريه مبين موتي على ايدهة 😣
نمت وفوني مدري وينه
احمد : كعدت الصبح لكيتهة نايمه والشرشف بالكاع
ولبسهة مدري شنو بس طالعه تخبل
كومي يلا هييووو مو احاجيج
بنين : ولي من وجهي مو وقتك
احمد : صرخت لج منو اليولي
بنين : فززني والله لو باقيه على ساره ونبأ يكعدوني احسن بس اني عوبه ما اقدر النعمه 😂😣
والله عبالي اخويه وبعدين اكو واحد هيج يكعد
احمد : لازم معاجب حضره جنابج السخيف
بنين : هاي شبيك واني شحجيت شنو هل اسلوب يعني
احمد : ليييييش تخليني امد ايدي عليج
بنين : اهوووو عفته وكمت دخلت اخذت شاور
وبدلت ونزلت تلكتني ام حلك اهوووو بعد شيفضهة
فخريه : ها عيني نزلتي بعد ابقي شعدج نازله
بنين : خاله الساعه تسعه ترا
فخريه : سوف الادب سز ترد وبعدين اني الشيخه احفضي احسلج
بنين : اوك
فخريه : اممممداج اوك وموك هنه ذني امهات البنطرون
بنين : ليش شبينه
فخريه : تعاي بعد جيبي جاي وكعدي سولفي ويايه امشي ولي للمطبخ يله
بنين : ردت ارد بس ما اريد انضرب وهيه مبينه مبيهة رحمه احترم نفسي احسنلي
رحت جهزت الريوك بس لسا ما اعرفهم دخلت بنيه
باوعت عليه
زينب : صباح الخير
بنين : صباح النور
زينب : اي عرفينه عن نفسج
بنين : اسمي بنين عمري وحدخل ب١٩
زينب : اني زينب وعمري ١٦
بنين : تشرفت حبي طبعا هيه كولش حلوه بس مو احلى مني 😎😏😂😂
زينب : خليني اعرفج عل عائله احمد طبعا هوه الجبير
وعدنه تلث اخوان ازغر الزغير الله يرحمه وثنين عباس متزوج بت عمنه وعنده اربع ولد ومحمد متزوج بت عمنه هم وعده خمسه تلث ولد وبنتين
بنين :زين احمد الجبيير وما عنده اطفال ولا متزوج
زينب : اوف احمد احمد ميقبل يتزوج
هوه اصلا جان متزوج وحده وطلكهة وره شهرين ووراهة قفل عل زواج
بنين : ها اوك زين كملي وهمه ليش هيج عدهم هواي اطفال
زينب : همه يتزوجون عمرهم فد ١٩ ويجيبون اطفال واحد ورا الثاني
بنين : اف هاي شنو زين هيج الريوك كافي مو
زينب : اي حبي كافي
بنين : حطيتلهم الريوك بس اني اكلت وحدي
اكلت بس شوي جبن
ووراهة غسلت ملابسهم استغفر الله ليكول هدوم عشيره وكالو انشريهن بالسطح
صعدت للسطح وشفت ذيج الشوفه
.................................. ..................
وخلص بارت اليوم امنى منكم الدعم واعتذر عل تأخير وانشاء الله البارت الجاي ينزل العصر لان النت عندي حيخلص وشكرا تحياتي 💋