حياتي ثمن اخطائهم 💔

Part 11❤

# الجزء الحادي عشر
الكاتبه : بنين حسين ❤
بنين : حيدر قرر انو يتزوج حبيبته رانيا
ضليت ببيت اهلي وساره تخبلت من درت رافد وحسن اخبارهم مقطوعه بقه اسبوع عل دوام
باجر حفله الخطبه جهزنه كولشي من ملابس وذهب واصلا رانيا نعرفهة كولش حبابه
بليل اتصلت على حسين
حسين : الو هلو هلو بنين شلونج
بنين : هلو حسوني زينه انته شلونك
حسين : زين الحمد الله
بنين : شنو الاخبار شو ماكو
حسين : والله مشغول عائله وزواج تعرفين
بنين : شنوو حسين تزوجت شوكت
حسين : ههه اي من زمااان ومرتي حامل
بنين : اي مبروك الولد الصالح انشالله
حسين : تسلمين الله يخليج يوم الالج
بنين : تسلم بس انته شوكت تزوجت شو مسمعت
حسين : ورا اسبوع من رحتي حاولت انساج وما كدرت تزوجت ومرتي ورده مال الله بس ما كدرت انساج
بنين : حسين والله الصار مو بيدي احنه متربين سوه بعمري مفكرت بيك كزوج او حبيب
حسين : لا ماكو داعي تبرريت اني تأخرت هواي جان المفروض احجي وما اتردد
بنين : لتلوم نفسك حسين واذا جرحتك باتصالي اسفه بس شكد حاولت اتصل عليك بس انته حاضرني
حسين : لا بالعكس مو جنت ضايج فحضرتج
بنين : زين هسه انته باجر تجي مو
حسين : اي اكيد اجي شلون لعد يلا باي لازم اروح
بنين : اوك الله وياك
ضليت افكر بي والله اني ما مفكره بي بهيج طريقه يعني شي مو بايدي اني عايشه عمري ويا كأخ
ما اكدر اغير هاذا الشعور بشهر وشهرين
واصلا يجوز ما امدر اغيره
كعدنه من الصبح تنضيف وصالون وتجهيزات وكذا لبست بلدله حمرا قصيره وساره فستان ذهبي
حيدر : ولجن هاي شنو لتروحن تطلعن احلى من مرتي
ساره : ههههه لا حبيبي اشو هيه تخبل
بنين : اي نخبل بس اني احلاجن 😍
الاب : اي عيني ديرن بالجن لاعبالهم كيك ويغلطون
حيدر : خفو علينا يلا امشو هههههه
بنين : طلعنه بالسيارات وصلنه لبيتهم من دخلت جان اكو ولد واكف يجنن اشكر والعيون زرك شكددد حلو
ضل يباوع عليه اني غلست ودخلت
شوي بدا الركص وكذا ضلينه نركص وصور لحد مدخل حيدر لبسهة الذهب والهلاهل وهيه صلوات طالعه شكد حلوه
خلصو الصور سلمنه وطلعنه من طلعنه نفس الولد سلم على بابا وحيدر سمعت اسمه علي
علي : هلا هلا حيدوري هلا بالعريس
حيدر : هههه حبيبي يوم الالك ونفرح بيك
علي : يمعود هيه وينهة بس خل تجي
حيدر : وليش يابه شبيهة متجي
بنين : يباوع عليه ويحجي
علي : يمعود هيه حته متباوع بوجهي مغروره
حيدر : هههه اوف شايله خشمهة يعني
علي : اي والله حييل
بنين : صدوك ضحكني شكد بطران يربي
خلصو سلام وكذا طلعنه من صعدنه بالسياره
حيدر : والله ياعلي والله علي سوالف
الاب : هههه الله يحفضه الاهله مبين خوش ولد
حيدر : لالا والله ما شايف علي شي
بنين : ضلو يحجون علي جذبني الصراحه بس اني هسه ما اريد حب همي يم دراستي
طلعنه اشترينه ملابس واغراض وكذا للكليه وحددت قسمي نسائيه
وسويت خط اشتريت فون جديد وغيرت رقمي اريد الدي من جديد البنات طبعا ما انقطعت عنهم
بدا الدوام اول يوم
داومت حياة جديده صديقاتي ويايه بالجامعه
اول يوم عادي تعارف
حياتي واخيرا استقرت مر اسبوع عادي
وبيوم كاعدين بالحديقه
وما اشوف الا علي فوك راسنه
علي : سلام
بنين : وعليكم السلام تفضل
علي : والله ماكو بس حبيت اتعرف عليج واتذكر شايفج بخطبه صديقي
بنين : اي شايفتك حيدر يكون اخويه
علي : صدك والله اول مره ادري بس اني ادري اخواته متزوجات يعني
بنين : اي كنت متزوجه
علي : اي وليش اتطلقتي لو شنو
بنين : لا تطلقت
علي : الصراحه رجلج غبي
بنين : وليش يعني غبي 🤔
علي : يعني اني عندي وحده مثلج واطلقهة
بنين : عفوا 😠شنو قصدك بهل كلام
علي : الصراحه وبدون لف ودوران بنين اني معجب بيج من شفتج بخطبه اخوج
وهاي المده كلهة اني اراقبج بيهة وما شفت الا كل خير وسألت عنج وكذلك خير
اني قسم طب اسنان وحاليا اشتغل بشركه ابويه
وبيتنه كبير واكدر افتح بيت
واني ما اجبرج على شي فكري براحتج خلينه نتعرف سوا حته تعرفين شخصيتي ومتتندمين بعدين
بنين : الصراحه صدمتني بس علي اني ممفكره بموضوع الزواج او الارتباط اني اريد اعيش وحدي اشتغل وادرس
علي : اكيد اني ما راح امنعج عن دراستج او شغلج
وانتي فكري وهاي الفتره بس تعرفي عليه
ومن تقتنعين اني مستعد ادز اهلي وياريت تفكرين صح
بنين : سلم عليه وراح وضليت حايره
من رجعت وسولفت الماما شجعتني وكالت انو هوه بس تعارف مو علاقه وهمه يعرفوا
وصديقاتي كذلك لان معنده علاقات حته بالكليه
فقررت انو انطي نفسي فرصه
حجيت ويا وضل يتردد عليه انعجبت بي بشخصيته انسان هادئ وعنده ذوق مثقف وذكي متحضر
روحه حلوه
ضليت ويا لمده شهرين وكولش حبيته صرت ما اكدر بدونه وهوه دائما يهتم بيه
عشقته لان ما شفت منه شي اذاني
علي : الو هلو نونه شلونج حبي
بنين : ها حبيبي ما دام احاجيك بخير
علي : فدوه لج والله مشتاقلج
بنين : ههههه حبيبي اني اكثر
علي : اكول بنين شنو رأيج ادز اهلي ما كافي
بنين : علي والله ما ادري
علي : شنو يعني ممتأكده مني
بنين : لا حبيبي مو هيج بس خل نخلص كليه
علي : لا بنين شنو لج اني يومين ما اتحمل بلاج بالكوه اصبر روحي النوبه تريدين نبقه خمس سنين
بنين : لعد اذا تريد نطول الخطبه
علي : اووف بكيفج
بنين : بهاي الفتره قررنه نسوي عرس حيدر
وبدت التحضيرات غرفه وكذا بس احنه طبعا مدخلنه باي شي لا عرسان وحقهم طبعا
اما علي فعلى اساس يدز اهله ورا عرس حيدر
اجا يوم الحنه والركص وكذا وفرحانين وووننااااسه
من خلصت الحفله صعدت خابرت علي
علي : هلو حياتي
بنين : هلا علاوي
علي : اكولج بنين خل اتصل كاميرا
بنين : لا علي شنو واصلا حته اذا قبلت مابيه البس حجاب وملابس
علي : هاي شبيج شنو حجاب اني اريد اشوفج شطالعه اكيد طالعه كيكه
بنين : استغربت من طلبه هاي شبيك علي شنو هل طلب
علي : هاي شبيج غير اني حبيبج
بنين : حبيبي مو زوجي
علي : اي واذا احنه اكيد راح ننخطب قابل اجذب عليج
بنين : هاي شبيك علي حرام
علي : اهوووو شنو حرام روحي بنين يلا
بنين : غلق الخط وخلاني حايره ياترا استعجلت
ورا شوي وصلني مسج منه يعتذر بي وكذا نسيت السالفه صار العرس وهم هوسه وهاي وشفته وضل يغمز ويضحك وحركات خربني ضحك
تونسنه كولش خلص العرس مر شهر ورانيا وحيدر رجعو جانو بشهر عسل خطيه يستاهلون خليهم
صارت المشيه مالتي كولهة كيفت بعلي لان يعرفو
ووافقنه وبيوم الخطبه طلعت اجنن البدله جانت
وردي والتسريحه وكذا طلعت اجنن
وعلي جان طالع كولش حلو والحفله كولهة هوه يتغزل بيه كولش احبه وارتاحله واحس باهتمامه تجاهي
بس الضاهر اني ممكتوبتلي السعاده
خلصت الخطبه
ومر شهرين وبهل شهرين احنه بس نتزعل
علي تغييير بشكل كامل مو هوه علي الي اعرفه
وطلباته السخيفه
من صور البسي هيج وطكي وسوي هيج وطكي
واتصالات اذا مو كامرا ميريد
شوي شوي بدا يتغير اكثر
اتصالاته قلت لان طلباته الصور وكذا ما انفذهة
ومن يجي للبيت ويتقرب زياده عن اللزوم اصده
صار يعيط وعصبي يتأمر
طلعت مخدوعه مو نفسه الي اعرفه حبيته هواااي
واكثر شي ضوجني الشك يشك دائما باقل شي
كول شي تغير بي
حته كلامه جان كوله حب وغزل
هيه يحجي من وره خشمه
واقل كلمه يصرخ ويغلط كلمه مني ومنه نتعارك
ونتصالح كرهت نفسي من ورا
وبيوم كالو انو مرت حسين جابت
وللاسف ماتت وجابت بنت ميته لان قلبهة ضعيف
والمشكله انو البنيه ما عدهة احد يكدر يعتني بالطفله حتى امهة وابوهة كبار ومرضه
واصلا خالتي ما عدهة غير حسين واخو
وهمه هم كبار ومريضين
حسين بوقتهة ادمر من احجي ويا يتجنبني
اتفهمت الموضوع وتركته
والطفله مشلوع قلبهم بيهة طلبت من خالتي انو تخليهة يمي لحد ميشوفون حل
ومشاكلي ويه علي مستمره حسين رفض الفكره بس اني اصريت وجابوهة
صلوات هيه ملاااك العيون زرك طالعه لبيبيتهة
والشعر اسود وهيه ثثثلج
ومن اخذتهة شششكد هاااادئه حبيبتهة متت عليهة
كليتي طبعا ماهملتهة بقيت مهتمه بيهة
ونجحت وصارت العطله
وبيوم اتصل بيه رقم
بنين : الو ممكن اعرف منو ويايه
تمنيت روحي اموت تدمرت حياتي يا رب ليش اني دائما اوكع شسوي بهل حاله ياااا رب دخيلك
بعد لشوكت اضل هيج
💖💖💖💖💖💖💖💖💖💖💖
وخلص البااارت اليوم توقعاتكم دعمكم رجاءا دعم اذا مشفت دعم اوقف القصه ترا ومشاركه ولايك
انشالله باجر الضهر بارت جديد احبكم 💋