# الجزء الرابع
الكاتبه : بنين حسين
بنين : معقوله هيه نفسهة تسوي بيه هيج هاي صديقتي هيج تسوي بيه اي بنين استوعبي هاي ليلى صديقه الطفوله اخذت منج حبيبج وهيه تعرفه وشايفته وتعرفج شكد تحبي وهاي المره الي مسلمت عليج برا هيه امهة معقوله تعرف كولش وقابله
وحسن يعرفهة يدري بيهة صديقتي شلون هيج ترك البنات كولهة وازوج صديقتي لو هيه الحقيره الي تركت كول الولد واجت على حبيبي وياما وياما سحبت مني فلوس
( الكاتبه : طبعا ليلى تكون صديقه بنين من الطفوله )
رقيه : اسراء خلص مو وقت اعصابج شوفو البنيه شبيهة بنين شبيج منو هاي البنيه
حوراء : هاي ليلى صديقتنه من الابتدائيه وهيه تعرف حسن اصلا وهوه هم يعرفهة
اسراء : دعوفني بس خل اكمشهة والله املخ شعرهة
الحقيره شلون تكدر تسوي هيج
بنين : هنه يحجن بس مكدر اسمع شي
بس الشي الوحيد الكدرت اسوي انو احبس دموعي
باوعت بعيونهة وضحكت باستهزاء
ورحت وتقربت عليهة وكلتلهة بهمس
بنين : عبالج مقهوره لا ابد ولا مقهوره عل فلوس
لان انتي اصلا هاذه مستواج انو محد يهتملج اصلا على شنو اضوج اشكر رب العالمين الي
كشفكم على حقيقتكم ها Sory يمكن انتي متعرفين الله لان التعرف الله متسوي هيج وانتو لايكين البعض
الخبيثون للخبيثات واصلا طالعين زوج مال نعالات حلو هههههه وضحكت بصوت عالي ورحت وكعدت كدامهة وضليت اباوعلهة من فوق لجوه
حاولت استفزهة بكد ما اكدر على اذيتهة اليه
بس شنو اعوفهة هيج لا والله الا اخربلهة العرس دصبري الا اقهرج
اسراء : بنين كومي ويايه ادري بيج شتريدين
بنين : والله بس انتي تفهميني امشي
رحنه عل مطبخ واخذت عصير رمان مدري شنو
جانو جايبي المهم احمر
واسراء اخذت معجون احمر مال طعام بس هيه اخذت بايدهة هههه حته محد ينتبه
بنين : صحت عل بنات
رقيه : لج تخبلتي شتسوين
حوراء : اشش بلا اسكتي خليهة تبرد كلبهة من هاي الزركه ام حلك كبر اي والله
بنين : ضحكت على حجي حوراء من صدوك وكلتلهن انو يوكفن كول وحده على جهة يم الكرسي الي هيه كاعده علي ورحنه اني واسراء وراهن
سويت روحي جاي امشي وبديت العصير على بدلتهة
وهوه احمر والبدله بيضه ههههه صارت كولش
كامت فورا اسراء حطت عل كرسي المعجون والبنات غطولهة رجعت كعدتهة كلتلهة لتخافين هسه انضفه
وطبعا امهة بس تخوزر
بكلبي اكللهة ووجع النوب تخزر عجوز البين هيه المعاجبهة والله يربي
الكاتبه بنين : ولج وقت غلط هسه شبيج بس تردين تغلطين عل ناس
بنين : دشوفيهة شلون تخزر نننننننن عابت لهل شكول
الكاتبه بنين : لج بابا كافي هسه المتابعين عبالهم اني
لان اسمج نفس اسمي
بنين : لاوالله دروحي اني بنين اني مو احد
الكاتبه بنين : ليش تخليني اقفل وما اكمل قصتج
بنين : لا والله تهدديني
الكاتبه بنين : اي والله اهددج خلص بطلت بعد ما اكتب
بنين : لالا حبيبتي بنونه حبابه والله بعد ما احجي
الكاتبه : يمه العياره صرت حبيبتج مو
بنين : اني غير اشاقيج قابل صدوك 😗
الكاتبه بنين : اوك ديلا بس فضينه شكد فاهيه
( اعزائي المتابعين اكو منكم عبالهم انو بنين نفسهة اني الكاتبه بس للتوضيح لابس اني حبيت اسمي البطله باسمي لان من خلال قرائتي لهواي قصص ماكو بطله اسمهه بنين وشكرا على دعمكم )
بنين : رجعت للبيت بس مكسوره حته مردت اشوف حسن بس اكيد راح تكون الهم صدمه من تكوم ليلى 😂😂😉
حيدر : هاي شبيج نونه ليش ضايجه
بنين : تدري منو العروسه
حيدر : خير انشاء الله منيه
بنين : طلعت ليلى صديقتي
حيدر : لا يا الله هاي الزركه ام عطوب
بنين : هههه والله ضحكتني واني ضايجه اي هيه
حيدر : لج نونه لتضوجين اذا تريدين فديوم نروح لبيتهم اني وياج وطبي اكتليهة وبردي كلبج واني اوكفلج بره هلسي عطوبهة عضيهة ملخيهة بكيفج
بنين : ههههه شعرهة من دون شي اكستينشن
فورا يوكع ههههههه
حيدر : ههههه دعوفيهة يمعوده انتي شايفتهة
وجههة كله فلر وبوتكس مدري شنوه هاي سوالفجن
نفخ وشفط استغفر الله 😂😂
بنين : ههههههه اي والله صحيح
حيدر : حبيبتي نونه لتضوجين احمدي ربج كشفهم الج قبل ميفوت الاوان
بنين : حضني ويحجي ويايه كتله لا طبعا الحمد الله والشكر بس اريد نروح لكربلاء عادي
حيدر : اي حبيبتي ادللي جنج على زياره باجر نروح الفجر
بنين : لالا حباب اليوم بليل اريد الطلعه بليل الله يخليك حبااب
حيدر : خلص موافق انتي اصعدي ارتاحي ونامي واني احاجيهم
بنين : بسته وصعدت اخذت شاور وتوضيت وكعدت اصلي من كملت صلاة ضليت ابجي وادعي ربي
يااااا رب الحمد الله كشفتهم اليه بس اني مو كد هيج حمل يارب صديقتي من الابتدائيه ويايه وحببي وابن عمي واحبه اربع سنين يريد يستغلني واليوم زفتهم يا رب بس اريد انساهم لتجيبهم على بالي اني اكررهم
😢😢😢😭😭
حاولت انام شوي مكدرت كمت جففت شعري وسرحته
وكفت كدام لمرايه
بنين : اوووي صدقه لمحمد يعني اكو هيج جمال
اموااح امواح فديتني ياربي 😍😘😘😂
شغلت اغنيه ساجده عبيد وبدا الركص 😂😁
وشيصبر العاشك ياخاله وكلللوش بصوت عالي 😆
ساره : يا خاينه تركصين ومتصيحيني
بنين وقفت الاغنيه ورحت سلمت عليهة شوكت اجيتي
ساره : نروح وياكم لكربلاء اني وكرار
بنين : ها اوك حبي
ساره : شغلي الاغنيه يلا اشوف
بنين : جبت الدي جي طبعا حجمه صغير وعلكته صوته اعلااا وشغلنه الاغنيه
وفتحنه شعرنه وضلينه نهز ونغني بصوت عالي
الام : شنو هاي عيني شعدنه
بنين : ضحكنه اني وساره وطبت كعدت يمنه اجوي جهال ساره وحيدر
حيدر : هسه المفروض مني اكتلجن بس لا حركص وياجن 😂😂
بنين شغلنه اغنيه كورديه يلا قبل يركص
وضلينه كولنه نضحك ونركص صدوك تونست لحد مصارت بالدعش
حيدر : كافي بنات روحو جهزو نفسكم حته نطلع
ساره : اي ديلا رايحه اسبح
بنين : سبحنه كولنه وبعد التبديل والتحضيرات
صارت الساعه ثنتين طلعنه واحنه بالطريق
والتبريد معلوك فتحت شباك السياره والدنيه ليل فكرت بكولشي قررت انو انساهم واعيش حياتي
اني راح اصير دكتوره واشتغل واعيش حياتي
ما اريد انقهر بس مو دائما الي نريده يصير
وصلنه لكربلاء ورحنه زرنه الامام الحسين ( عليه السلام ) من دخلت ما اكدر اوصف كم الراحه الي حسيت وكفت كدام الشباك دنيه ليل وكانت الزياره خفيفه زرت براحتي كمشت الشباك وبجيت وشكيتهم لامامي وذبيت كول حملي ورا الصلاة وكذا طلعنه للامام العباس ونفس الشي بجيت وارتاحيت
وبعدها رحنه للتله الزينبيه وبعدها رحنا للشريعه
الي هيه الي هوه مي وطبعا كولهة تعرفه كعدت يم المي واخذت نفس شويه واجت ماما جايبه عصاير طبعا بس اني جايبتلي عصير ليمون لان كولش احبه
كعدو وضلو يحجون ويايه بابا جاب كيك وكعد يمنه وضلينه نسولف وخطيه كرار كول ساعه يجيبلي
شي كولش حباب اعتبره مثل حيدر
خلصنه زياره ورجعنه الساعه ٧ من وصلنه
فورا اتصلو على بابا وانخبص ويصرخ وطلع فورا
وضلينه على نار نتصل ميجاوب بس تصل عمي وكال انو لازم نروح لمنطقه ال....... باجر نرجع محد خبرنه ليش وشكو وشنو ضلينه محتا رين
ضلينه بل يومين على نار منعرف شنو الي صاير
بس اني ابدا ما ارتاحيت وقلبي مقبوض
من صار وقت رجعه بابا دخل بس كانت
عيونه حمر وواضح علي التعب
حيدر : شبيك بابا ادخل ارتاح بنين جيبي مي
بنين : ركضت جبت المي ومن ردت انطي لبابا
باوع بعيوني ووكعت دموعه
بابا شبيك بابا ليش هيج
الام : عيني رشيد بس احجي شصاير
بنين : حجه بابا بس الخبر كان مثل الصاعقه ما كنت
متوقعه هيج شي شنو يعني اني شدخلني
شراح يصير هسه ليش اني دائما اتحمل اخطاء الناس
معقوله راح يصير بيه هيج يارب يكون حلم يارب
دخيلك معقوله اني راح
................................................... .
وخلص البارت اعذروني عل تأخير وانشاء الله بليل
او باجر انشاء الله اتمنى منكم الدعم واريدكم تتوقعون شنو الي راح يصير 😘😘😘😘
أنت تقرأ
حياتي ثمن اخطائهم 💔
Romanceالقصه تدور عن فتاة كانت تعيش في نعيم ودلال وفجأه تتحول حياتهة للاسوء وراح تتحمل اخطاء هواي ناس بحياتهة وبعدين راح نشوف شنو نهايه القصه والقصه طبعا رومانسيه وحزينه وبيهة بعض الكوميديا وطبعا القصه باللهجه العراقيه الكاتبه بنين حسين ❤
