حياتي ثمن اخطائهم 💔

Part 3 ❤

#الجزء الثالث
الكاتبه : بنين حسين ❤
بنين : الشيخ عاد سؤاله للمره الرابع واكيد جوابي راح يكون
بين : لا اقبل
الكل : 😲
حسن : شنو هل حجي شبيج بابا تخبلتي
ساره : لج بنين شنو هاي عيب شجاج
بنين : الكل ضل يصرخ وكولهة تحجي عليه بس بابا ساكت رحت لبابا
بنين : بابا انته تدري ليش هيج سويت لان حسن جان يريد يستغلني واني عندي كول الدلائل
حسن : كذابه هاي كذابه ماكو هيج شي
بنين : شنو كذابه وليلى والوضيفه لتريد بابا يأمنه الك
والفلوس والبيت والونسه ها جاوب ليش تسكت 😢
بنين : حاولت كول قوتي انو ما ابجي
بس عيوني دمعو بس مسحتهن ورجعت احجي
حسن : انتي وحده كذابه وحقيره شلون تفشليني كدامهم هيجي مو اني الانرفض
ومنو انتي فد نعال ومتقبلين بيه
ابو بنين : حسن احترم نفسك ما اسمحلك تحجي بهل طريقه
حسن : لعد بنتك تسمحلهة مو هل ادب سز
بنين : حسن احترم نفسك رجاءا يعني انته الغلطان وانته التحجي علينه مو حاله هاي
حسن : انجبي لج شنو المسوي اني
بنين : انته تعرف كولش زين وسمعتك ذاك اليوم من تحجي ويه ليلى
حسن : لج بابا انتي ليش تجذبين يا ليلى
بنين : لتنكر اني عندي كول محادثاتك وياهة وحته رقمهة وكولشي
حسن : لا يالله منين جابتهن هاي
ليش تكذبين بلا انطينياهن
ابو بنين : شبيكم خبصتونه فهمونه شنو القصه
بنين : بابا حسن يكذب علينه لايحبني ولا شي هوه
كذاب من رحنه لبيت عمو سمعته يحجي ويه وحده
يكوللهة ازوجهة واخذ منهة فلوس واطلكهة
ويكوللهة ازووجج بدون متدري هاي من غير باقي
الحجي
ابو حسن : بصراخ حسن هاذه الحجي صدك
حسن : يابه شنو تصدكون حجي هاي الزعطوطه
كذابه خل تجيب ادله وينهن
بنين اي اني عندي كول الادله وين مبايلي
ساره : هاج
بنين : اذا انته صدوك متعرفهة هاي المحادثات شنووووو
حسن : هاي منين جبتيهن ولج
بنين : جبتهن شعليك منين
......................................
فلاش باك
..........................
بنين : من رحنه نشتري الفستان مرينه لبيت عمو
وطبعا بصفتي خطيبه حسن صعدت الغرفته وهوه جان بالحمام عل سريع صورت المحادثات ورقمهة وتسجيلات صوت بينهم وصور وصورت اوقات الاتصالات ومدتهة وطلعت بسرعه هوه جان حاط باسوورد بس اني مره شفته وحفضته
وقبل ميطلع رحنه بحجه انو اتأخرنه
..............................................................
عوده للحاضر
بنين : بابا عمو كولكم شوفو المحادثات الي بينهم
والصور وتسجيلات الصوت واحكمو
ابو حسن : ياخسيس هيه هاي تربيتي تريد تنصب على عمك محتال والله حسافه كلشي بيك
حيدر : لايانذل ماغزرت بعينك خوتنه
ما وكف بعينك ابويه تريد تستغل اختي حقير
بصراخ وهجم عليه
بنين : حيدر هجم على حسن وبالكوه وخرو من عنده
وصار البيت كوله صراخ
بالكوه هدينه حيدر ورجع حسن يصرخ عليه
حسن : لج حقيره تريدين تورطيني اني شدخلني
يابه والله كذابه يجوز كله فبركه
ابو حسن : انجب لك وتسجيلات الصوت والصور
وبعدين هيه شلهة مصلحه هيج تسوي
بنين : بابا والله كذاب اذا ممتأكدين هاذه رقمهة
ابو بنين : جيبي بلا وهسه نشوف منو الكذب
ولو اني متأكد من حجيج بس حته منضلم احد بعصبيه
هاك بسرعه اتصل عليهة واحجي وياهةواذا حاولت
تلعب بذيلك يا ويلك انته مجاي
تحجي ويه زعاطيط افتهمت لو لا
بنين : اتصلت على رقم ليلى وانطيته الفون
ليلى : آلو حوبيي حاسوووني بمياعه 😒
حسن : الو منو ويايه
ابو بنين : غلق السبيكر شنو هل تفاهة دانكلك احجي عدل
بنين : اخذت الفون من عدهم وحاجيتهة
الو ممكن اعرف انتي شتقربين لحسن
ليلى : اني حبيبتاااوحانتزواج عان قارييب ليش مينو انتييه بمياعه 😩
بنين : بكلبي ووجع شلون تتنغوص
عود هيه نازوكيه ام حلك كبر اي والله 😤
ها استاذ حسن وهسه مو حاتتزواجها عان قاريب
بمياعه (يعني تقلد على ليلى 😂)
الكاتبه بنين : هاي شبيج بنين وقت تقليد خل نكمل القصه
بنين : اففف اذا هيه تستفزني وبعدين انتي شعليج
الكاتبه بنين : ووجع شنو شعليه غير نكمل القصه للمتابعين
بنيين : وليش نكملهة اذا همه ميتفاعلون 😒
الكاتبه بنين : لا هذولي حبايبنه يتفاعلون بس سدي حلكج وكملي القصه تره بالطاوه والله 🍳
بنين : اوووف اوك اوك
حسن : ضليت محتار شحجي لان ماكو تبرير
واخاف احجي ويكبرالموضوع زياده
ابو حسن : الله لا ينطيك سودت وجهي لك انته شلون ابني بس كلي شلوون
( الكاتبه يعني شلون ابنك غير انتو خلفتو 😉😅)
ابو بنين : كام ووكف وكال ابو حسن اني ما عندي بنات للزواج وبعد حسن ميخطي عتبه الباب
ولا اشوف وجههة لو ما ابن اخويه جان
هنا دميته على هاي الدكه
ابو حسن : لا ياخويه اعذرني نزل راسي كدامكم
ابو بنين : راسك دوم مرفوع بس هوه ابنك الي بلا اخلاق خلي يتفضل بره احسله
حيدر : امشي ولي اطلع برا يلا ولي لا اكسرك وعلي
ابو بنين : حيدر كافي انتهى الموضوع
بنين : قبل ميطلع حسن رجع عليه
حسن : عبالج انتقمتي مو والله الا اخذهة واكسر خشمج واعزمج عل عرس حته اشوف وجهج بلا ادب سز حقيره
بنين : باوعتله بطرف عيني ورفعت حاجب وكتله اووووع شنو عود تريدتي ارد عليك
لاعيني شكرا ماانزل مستوايه بمستواك
حسن : شنو لج حيوانه شلون هيج تكولين
بنين : رفع ايده راد يضربني بس حيدر سحبني فورا وهجم علي راد يضربه وهم بالف يا علي وخرنا
من طلعو حسيت بانتصار بس بابا كلي
الاب : بنتي مهما كان غلطه ميصير هيج تسوين وتريفضي بيوم الخطبه
بنين : بدموع بس بابا ردت أأذي مثل ما أذاني وبجيت
الاب : لابابا لتبجين كلشي ولا دموعج
بنين : حضني بابا وانفجرت بالبجي وخطيه قميصه توسخ ماسكارا وكحل 😅
ضليت اسبوع مكتأبه وضايجه بس طبعا زهراء وعائلتي ما تركوني لوحدي واني اصلا
عندي هواااي صديقات وكولهة تحبني لا اني
حجيي لبق وما أاذي احد ولان مرحه وشقاوجيه
فمحبوبه من الكول اني ما امدح نفسي هاذ رأيهم
قررت انو انسى لان محد يستاهل لان اني راح اضر نفسي وهوه اليستفاد حولت كول حبي تجاههة لكره
ودورت عيوبه الي كنت غافله عنهن وكرهته اكثر
اكذب اذا اكللكم اكو ذره حب بداخلي اله لان هوه انسان حقير هوه وحبيبته لان هيه لو بيهة خير متقبل انو ينصب عليه ويحاول يخدعني بهل طريقه
بعد اني فوضت امري الربي ما اهتم الهم
طبعا مر شهر وصار عرس حسن اهله مقابلين بس
هوه مزوجهة ما ادري شلون قنعهم
اني ردت اروح واحرك كلبه حته ابينله انو اني ممهتمه
وهوه كذلك طبعا
بابا قبل اروح لان يدري بيه احتاج اسوي هيج
كشخت على اخر حبه لبست قميص سمائي قصير وستره نيليه وجينز ابيض
وحذاء سبورت ابيض ومكياج وحطيت حمرا طووخ
وجريت الايلاينر وعدسات رصاصي والله طلعت كيكه
😍والعطر وصل لسابع جار 😂سبحت بي
من دا انزل
حيدر : هاي منو البنيه
بنين : اووي حيدر بلا ملاقه
حيدر : لا ولج هاي شنو طالعه صاكه والله
بنين : يمه فدوه
حيدر : شوفي اني مجبتلج هديه بنجاحج الهديه تنتضرج برا اتشاركناها كولنه
بنين : رحت بسته وكتله شكرا والفضول موتني
نزلت اركض فتحت الباب كولشي ماكو
حيدر : ها عجبتج
بنين : شنيه حيدر شو كولشي ماكو
حيدر : ههههه الهديه كدامج حبي
بنين : باوعت كدامي لكيت سياره تجنن حمرا
لالا عود صدوك ياااااااا هههههه ضليت اقفز
وفرحت كولش اني اصلا اعرف اسوق علموني
رحت حضنته حيدر حبي شكرااااااا شكرا
حيدر : هههه ولو ادللي ليش كم بنونه عدنه
بنين : بوستهم كولهم وشكرتهم ورحت للعرس بس مريت على صديقاتي وبنت عمي رقيه
حوراء : بنين حبي احنه صديقاتج نوكف وياج اياج ثمه اياج تبجين بحب
اسراء : هيه خل تفتح حلكهة وتشوف والله اراويج شغل الله بعصبيه
( طبعا اسراء كولش عصبيه ولسان احنه اصلا الشله كولنه السان بس والله حبابات ) 😂
رقيه : شبيكم عل البنيه هيه قويه
بنين : ضلو يحجون ويايه واني اضحك
وصلنه للعرس لبيت العروسه طبعا
من دخلنه شفت ام صديقتي استغربت وجودهة بس هيه غلست عليه حته مسلمت اني
هم مهتميت كملت طريقي ودخلنه شفنه العروسه ضلينه مصدومين كول وحده بينه تباوع بوجه
الثانيه بس اني ركزت بعيونهة
والحقيره باوعت بعيوني وضحكت ضحكه خبيثه
يا ريتني ما اجيت وشفت هيج شي
اريد اصرخ اريد اضربهم اريد اكتلهم اريد ابجي
كول ضربه ابشع من القبلهة
اوف ياربي شتحمل بعد معقوله هيج تسوي بيه
اسراء : هاي شنو هاي شتسوي هنا عوفني بس خل اكمشهة يووو دوخرن اكول عوفني
حوراء : يمعوده لتفضحينه ولج بس اوكفي لج بابا شبيج بس اوكفي
رقيه : هاي شبيج اسراااء خررب لج بس اثبتي
بنين : البنات بالكوه كمشوهة لاسراء تريد تضربهة
بس اني كنت بغير عالم شنو اسوي
ياااارب هواي هيج والله
.........................................................
وخلص البارت انشاء الله باجر الضهر ينزل البارت الرابع اتمنى منكم الدعم بكومنت ومشاركه للقصه
وياريت تكتبون بالتعليقات شنو رأيكم منو هيه الي شافتهة بنين ويا ترا منو العروسه
❤❤❤❤❤❤❤❤