حياتي ثمن اخطائهم 💔

Part 6 ❤

# الجزء السادس
الكاتبه : بنين حسين ❤
حسين : بنين احبج والله احبج لج صار ست سنين اني احبج وانتي متحسين شكد المحلج بس انتي جنتي راكضه ورا حسن وشستفاديتي منه
بنين : انصدمت حسين شدتحجي انته اني اعتبرك اخي شبيك شنو هل حجي
حسين : افهمي افهمي اني موووو اخوج احبج يابه احبج ليش متحسين مو والله كلبي خلص
بنين : جان جان كامشنيه من اديه يحجي ويايه ويهز بيه دفعته ووخرت ايدة وحجيت بصراخ شنو تخبلت حسين شنو تحبني اك بابا اني مثل اختك
حسين : كافي لج كافي انتي مو اختي اني احبج بنين الله يخليج لتسوين بيه هيج ترا ما اكدر والله
ما اكدر اخليج تضيعين من ايدي مرا ثانيه
بنين : بجيت فورا حسين افهمنر اني ما احبك ما عندي مشاعر تجاهك ولازم اروح فصليه والله مو بأيدي بس حط نفسك مكاني ماااا اكدر 😢
حسين : شنو متكدري اخطبج هسه اخذج وانهزم بيج اخطفج اسوي اي شي بس المهم متروحين
بنين : لك والله حسين لازم اروح اهلي يمو تون والله
حسين : انتي شنو ذنبج بس فهميني
بنين : مو ذنبي ذنب رافد بس شسوي مو بأيدي
حسين : يعني هسه شنو راح تروحين ترا ما اكدر بلاج لج بابا احبج والله اذا تروحين شلون اعيش بس فهميني شلون ما اكدر والله
بنين : صدوك بجيت على كلامه حسين ما اكدر سامحني والله اهلي يموتون
حسين : يعني شنو هسه انتهى كولشي
بنبن : ضل صافن بوجهي وعيونه بيهة دموع بس ميبينهة
حسين : خلص بنين ما اكدر اضغط عليج روحي الله وياج بس اني ابقه احبج ما اكدر انساج واذا فد يوم احتاجيتي احد يوكف وياج تاكدي اني موجود وانشاء الله متحتاجيني اصلا
بنين : حجه هل كلمات وعافني وراح
ضليت ابجي لان انصدمت صح كنت استغرب تصرفاته بس مكنت متوقعه هيج شي اني اعتبره بمثابه حيدر
وحته اذا كنت احبه بعد ما اكدر اسوي شي
رجعت صعدت الغرفتي حضرت نفسي حته نروح
نشتري احتياجاتنه بس هوه مغاب عن تفكيري
ساره : يلا يلا بنين حنتأخر
بنين : اوك حبي رحنه اني وياهة وماما
وحيدر وصلنه اشوفهم كولهم يريدون يبجون بس بالكوه حابسين دموعهم
وصلنه وحيدر كال براحتكم خلصو واتصلو عليه
رحنه مخلينه شي مشتريناه
رادو اشتري ملابس نوم بس اني رفضت رفض قاطع
اشترينه تراكات برموده وشورت واشترينه دشاديش قصيره لان اني بالبيت متعوده كوله هيج
وطبعا اشترينه ملابس مستوره لان هنالك اكيد عدهم ولد ومعدهم هيج شي شفت كفوف
وكلت ليش ما اشتري اني اضافري حلوات واحبهن
وكلت خاف هناك يشغلوني ويتكسرن
اخذتهن وطبعا اخذنه مكيااااج هواااي عطورات معالجات غسولات شامبو بليم اخذت كول احتياجاتي وملابس للطلعه اكيد والجنط والاحذيه
يعني فلستهم باختصار 😂😂😂
بس ساره الحت انو نشتري فساتين اخذت واحد اسود وواحد احمر وواحد ماروني وواحد نيلي وواحد ذهبي
هههههه اشتريت المحل كوله
من رجعنه صعدنه اني وساره ولكيت البنات موجودات
كولهن رقيه حوراء اسراء وزوزو وجايات بنات خالاتي
نبأ وفاطمه العرفته انو جايين يباتون يومين
علمودي اكيد صعدنه فوك وبدا سولفهن
هاي الي تحط ماسك وهاي مدري شتحط لشعري
ووحده لايدي ووحده لركبتي ههههه
بعدهة دخلني للحمام وكعدن يجلفن غسو لات وشامبو
وملح البحر
والله من طلعت اباوع النفسي بالباكيت هههههه
بعدها صارت جمعه بنات كعدو نصحوني انو لازم اصبر وكذا وجهزولي الجنط
وبدت سهرتنه فشار كرزات عصاير وفلم الشفق
شفنه جزأين بوقتهة بس صدوك تونست بعدهة اندحسنه 😂😂ونمنه
بس اني ضليت افكر
بنين : ها بنين شوفي اليوم انتي بيت اهلج وباجر وين حتكونين اليوم مسويتي شي وصديقاتج همه الي اعتنو بيج من اضافر الشعر لكولشي وهسه انتي نايمه بينهم بس ياترا باجر وين راح اكون
ياااارب دخيلك ارحمني برحمتك الواسعه
فاطمه : شش يا حلو كوم شش كومي
نبأ: هاي شبيج دوخري اكو واحد هيج يكعد
فاطمه : لعد شلون يكعد غردي بلا
نبأ: اي ادللي هييج
لج بنييييين لج كومي ولج كووووووومي الشيخ اجا ياخذج ولج امه تخووووف
بنين : شكو شكو ووجع ياشيخ
اسراء : ولج الشيخ جوه اجه ياخذج وامه وخواته ويا
حوراء : عزا ولج لو تشوفين امه يوووومه مبينه تخوف ولسان ايدهة والكفخه
رقيه : لج عيني لج خواته تسسسعه وكولهن ممتزوجات
نبأ: لج النوبه كول وحده شسسسمنهة يعني والله ليكربون عليج كرب يعني عندج بس الاكل العشيره
بنين : وجهي صار ازرك مدري اخضر 😂😂
لا بنات عود صدوك تحجون تسسسعه يومه
اكلتي تبن يبنين اكلتي وحل اكلتي تبببن
فاطمه : امداجن اي والله لا حبيبتي كذابات كومي
بنين : لا يا حقيرات اطوني النعال
الحقيرات اطشرن نزلت اركض وراهن
نبأ: لج بابا شبيج شقه والله شقه
بنين : لج ادب سز هوه الشقه هيج
نبأ : لعد شلون غير اموتج
بنين : ها تريدين تموتيني الله ياخذج ركضت وراهة حصلتلهة ضربه
نبأ: لج ااااي لا كافي حبابه لالا بشرفج توجع
بنبن : وينجن ولجن تعاي عيني ست اسراء مو على اساس متخافين من احد
اسراء : اي حبي اني صاكرتهم بس حبي ذبي النعال
حته نتعادل 😁
بنين : اذا انتي مرا وطالعه من ضعر ابوج تعالي
اسراء : لا والله حبي مطالعه من ضهر ابويه طالعه من بطن امي شبيج حبي خرفيتي
بنين : ههههههه لا يا سخيفه زين اذا انتي مرا تعاي
اسراء : والله مو مره منو كلج اني مره اصلا اني كيكه
بنين : اي حبي الكيكه اليوم تنعلس تعاي
اسراء : لاااااا لج بنين احبج والله احبج
بنين : هيه تركض واني وراهة لج حبتج حيه خوووش
هههههه ضلينه نتراكض تونست بجد وكالت ساره
ساره : كافي نونه ورانه صالون
بنين : اوك حبي بس همه شوكت يجون
الام : لا حبي ميجون ابوج وحيدر يودوج
بنين : ضجت من سمعت هيج
رحنه للصالون معالجات شعر واطتني هواي شغلات للكلف والحبوب والشعر كووومه
سويت حمام مغربي وسوو اضافري وووجهي طلعت صدوك عروسه بس بدون مكياج او تسريحه طبعا
ىجعنه للبيت وبابا جان كاعد
رحتله وكعدت يمه ضلو يسولفون ويايه
حيدر : يلا نونه كومي بدلي دنروح
بنين : كمت لبست اسود احتراما الهم ( طبعا اني راح اروح فصليه لاخو الولد الي مات يعني هم ابن عم حبيبه رافد ) لبست قميص اسود وجينز اسود حذاء كعب اسود مكياااج كوولش خفيف واكسسوارات ذهبي يا اخي نازكه مو بيدي 😍 😂
نزلت بوست ماما وضلو يبجون بس اني مبجيت
علمودهم حيدر اخذ الجنك صارن يمكن اربعه 😂😂
الطريق كوولش طويل لمحافضه ...........
وصلنه نزلنه بيتهم كبير اكيد يعني وحلو بس ما ادري اذا الناس الي بداخله هم قلوبهم حلوه
نزلت اطكطك بالكعب ضلو يباعون صفح
خرب حضي هسه اني ملكيت غير هاذه البسه
الكاتبه بنين : انتي عوبه جايه يم الشيوخ ولابسه كعب
بنين : واني شدراني والله مفكرت
الكاتبه : ليش هوه انتي هم تفكرين والله مجنت ادري
بنين : باع المليقه مو وقتج
الكاتبه بنين : خههههه طبعا مو وقتي راح تنعلسيين
( اعزائي المتابعين اغلب البارتات القادمه راح تتحدث
عن الناس الي يعيشون بمناطق الجنوب وراح تحجي عن الشيوخ وتعقدهم او كما يسمي البعض تخلف مع احترامي لكول الشيوخ واهل الجنوب واني وحده من الناس كولش احب الشيوخ بس بعض الناس تكون هيج متخلفه اما البقيه فلا طبعا اقدم كول احترامي لاهل الجنوب واني ما اقصد شي بلي راح اكتبه بس اوضح افكار بعض الناس بعضهم مو كولهم )
بنين : دخلت والكول يباوعون عليه من ورا الكعب
اجا ولد اوي يمه فدوه مو ولد كيكه يبوووو شنو هل عيووون بموت العيون خضر والحواجب معكوده والدشداشه سوده والشماغ شلون لافه طول وهيبه واللحيه خفيفه اوووي يمه ياربي بس كون رجلي ياحسن يا صخام
احمد : طبت الفصليه لبسهة ضيك وكصير والكعب يطكطك اهووو هنه ذني بنات بغداد بس شايله جمال الرموش طاخه بالحاجب والحلك حلقومه وعيونهة كباار وسود
ها راح ضلين تصفنين طبي جوه يله
بنين : من حجه ضجت خزرته عابت ما كو اسلوب غلست ودخلت
واجت امه اعوووذ بالله هاي عمتي مبينه خشمهة ميكصه السيف
فخريه ام احمد : ها انتي الفصليه الله ياخذج كو انتي وابن عمج حقيره ورايه يلا ورايه
بنين : اوي عابت هاي شبيهة عافو الجنط محد صعدهن ضليت اسحل بيهن بالكوه صعدتهن
اجتني العوبه اهوووو
فخريه : اني مو احجي وياج جيبي جنطج وامشي
بنين : اخذت جنطه وحده ورحت بس خل اندل الغرفه طبعا بابا بس سلم وراح يعني حته مدخل
رحت وراهة دخلت للغرفه جبيره وحلوه بس غرغتي احلا طبعا 😂😂
فخريه : حطي قلاقيلج هنا ونزلي اجه السيد
بنين : هاي شبيهة شنو قلاقيلج ششايفتني اففف 😣
نزلت جوه وجانن كومه نسوان كاعدات عقد وخلصنه العرفته انو اسمه احمد
فخريه : هدى هديييوه
هدى : ها يمه آمري
فخريه : اخذي هاي الفصليه للغرفه واني لاحكتجن
بنين : رحت للغرفه وجانن كاعدات بيهة ثنين نسوان
واجت امه بعدين كملت السبحه 😂😂
بس من حجو ويايه ياريتهم محجو
يااربي مو هيج ياربي دخيلك ساعدني والله اموت شلون هيه شسوي شلووون
❤❤❤❤❤❤❤❤❤❤❤❤❤❤
وخلص البارت لليوم واعذروني عل سحكات بس والله ما الحك ارجع اقرا البارت ان شاء الله بليل انزل البارت الجاي وطبعا اريد منكم الدعم وتوقعاتكم ويا ريت تسوون مشاركه للقصه 😗😗😗