𝑩𝒂𝒃𝒚 𝑪𝒖𝒕𝒕𝒊𝒆 𝑰𝒔 𝑴𝒊𝒏𝒆 [𝑪𝒐𝒎𝒑𝒍𝒆𝒕𝒆𝒅]

Baby Cuttie (4)

📌Unicode

"ဘယ်လိုအတားအဆီး အနှောက်အယှက် ရှိရှိ....

မင်းတစ်ယောက်သာ ကိုယ့်ဘ၀ရှင်သန်ရာ အဖြစ် သတ်မှတ်လို့ထားတဲ့ ကိုယ့်အချစ်ကို ယုံကြည်တယ် မလားဟင် Bae"

J.J.K

________♡♥♡♥♡♥♡♥♡_____

ဘာလိုလိုနဲ့ ဂျွန်ဂျောင်ကု နဲ့ ကင်မ်ထယ်ယောင်း ဆိုတဲ့ ကျွန်တော်တို့နှစ်ယောက်ရဲ့ အချစ်ဂေဟာ ပျော်စံရာအိမ်လေးမှာ ဂျောင်ဟိုဆော့ တစ်ယောက် သောင်တင်လို့ ရောက်ရှိနေခဲ့တာ စက္ကန့်အားဖြင့် 172800 စက္ကန့် ၊ မိနစ်အားဖြင့် 2880 မိနစ်၊ နာရီအားဖြင့် 48 နာရီ ၊ ရက်အားဖြင့် ၂ ရက်တိတိ ကြာမြင့်ခဲ့လေပြီ ။

သူ့ Darling Suga ကို စိတ်ကောက်တော်မူပြီး ကျွန်တော့်အိမ်ကိုရောက်နေတဲ့ ထိုငနဲလေးဟာ ကျွန်တော့ရဲ့ တဦးတည်းသော ချစ်ခင်ပွန်းလေးဖြစ်တဲ့ ကင်မ်ထယ်ယောင်း ရဲ့ ငယ်သူငယ်ချင်းဆိုတာ ယုံနိုင်စရာမရှိ။

ကျွန်တော့်ရဲ့ Baby လေးက တည်ငြိမ်သလောက် ထို ငနဲလေးကျမှ လျှပ်စီးတွေထလိုက်တာ လွန်ပါရော ။ သူတို့နှစ်ယောက် ဘယ်လိုများ သူငယ်ချင်းဖြစ်လာကြလဲဆိုတာ စဉ်းစားလို့ကိုမရတာ။ ဒါ့ကြောင့်လဲ မစဉ်းစားတော့ပါဘူး။

ခုလဲကြည့် ကျွန်တော်တို့ဆီ ရောက်နေတာက ၂ ရက်ပဲရှိသေးတယ် ဟိုစပ်စပ် ဒီစပ်စပ်နဲ့ နေရာတကာပါလွန်းလို့ မနိုင်ဘူးတကယ်။ လူကြားသူကြားထဲဆို ကလေးလိုပဲ သူ့လိုက်ထိန်းနေရတာကလဲ အလုပ်တလုပ်။

ထယ်လေးရဲ့ Manager ဖြစ်တဲ့ ကျွန်တော့ခဗျာ သူ့ကိုပဲ စောင့်ကြည့်နေရတာနဲ့ ကိုယ့်ကလေးကိုတောင် ကောင်းကောင်း ငမ်းချိန်မရဘူး။ (ဂျောင်ဟိုဆော့က ကျွန်တော့လင်လား၊ ကင်မ်ထယ်ယောင်းက ကျွန်တော့လင်လား တောင် မသဲကွဲတော့ဘူး... ဝိုးဒယ်)

မနေ့ကလဲ Baby ရဲ့ Magazine Cover အတွက် ရှုတင်တစ်ခုရှိတာနဲ့ ဧည့်သည် ကို အိမ်မှာ တစ်ယောက်ထဲ ထားရစ်ခဲ့လို့ မရမဲ့အတူတူ ခေါ်သွားလိုက်မိပါတယ် ငါးပါးကိုမှောက်ရော။

ရိုက်ကွင်းဆိုတာကို တစ်ခါမှ မမြင်ဖူးဘူးလားမသိ...တောကတက်လာတဲ့ ရိုးသားကြိုးစားဖိုးသခွားလို အညာသားစတိုင်မျိုးနဲ့... Baeရဲ့ Sexy Post ၊ Cute Post အမျိုးမျိုးမှာ ရုန်းထွက်မရဖြစ်ပြီး လက်ခုပ်လက်ဝါးတီး အသံမျိုးစုံအော်ဟစ်အားပေးပီး သောင်းကြမ်းနေတော့ ရိုက်ကွင်းမှာရှိသမျှ ဝန်ထမ်းအားလုံးက သူ့ကိုပဲ ကွက်ကြည့်ကွက်ကြည့်။